استفسار حول منع الدخول الى تركيا لمن اغلق ملفه

[thairsadi77]

السلام عليكم
اخوان سؤال بس رجاءا اتمنى الإجابة من شخص عنده معلومة اكيدة على الموضوع ...شلون اعرف اكو منع علي او لا من دخول تركيا... اني بقيت سنة و 3 اشهر بتركيا ..و بعدين غلقت الملف مالتي من اليو ان و من الامنيات و الامنيات انطتني ورقة بس شوفتها للضابط على الحدود كلشي ما طلب مني و خلص ...اني صارلي هسة سنة و نص من تركت تركيا ....هل اكو منع علي حاليا و اذا اكو فلمدة شكد ؟
و شكرا للجميع مقدما

[*Ray]

اهلا بيك اخ ثائر نورتنا من جديد اتمنى تكون بالف خير
اما موضوع غلق الملف والمنع من تركيا اعذرني ما عندي معلومات حاليا كوني سافرت وطلعت من تركيا من زمان
ان شاء الله تلكى الجواب الوافي

تحياتي اختك راي
U.S

[TOFEE.US]

اخي راجع السفارة التركية في بغداد في باب المعظم بلقرب من مجمع الكليات احسلك لان كل واحد راح يصرح بكيفة تحياتي

[البرق]

عليكم السلام اخي الكريم اذا كانت السلطات التركية ختمت على جوازك بلون احمر غير ختم الخروج هذا يعني انك ممنوع من دخول الاراضي التركية .
اما حول مراجعة السفارة والسؤال بخصوص هذا الموضوع لايجدي نفعا وليس من اختصاص السفارة التركية .

  تحياتي لكم جميعا