السلام عليكم ورحمة الله وبركاته
قدمت كفالة صديق استراليا 10/2013 وانتظرت بتفائل كبير ولكن للاسف
يوم امس اتصل بي كفيلي من استراليا قائلا
خوية ابو سيف اني ما اريد اضوجك بس للاسف وصلني كتاب بي قرار رفض من الهجرة الاستراليه والسبب غير مستوفي للشروط وكذلك غير حاصل على قبول الامم المتحده؟؟؟
كتله الحمد لله على كل حال وحسبي الله ونعم الوكيل سنه وشهرين وين جانوا نايمين؟وثم شنو ماحاصل على قبول الامم المتحدة واني دازلهم ورقة اليوان والقبول؟والقصة قوية والادلة موجودة وكفيل موجود وانتظرت سنة وشهرين بعد شنو الي يردو ؟؟والله ما اعرف..
الله لايحير عبدة...زين الطامة الكبرى ملفي بالامريكية تحقيق وصار سنتين ونص بتركيا زين شسوي الطم؟
وهسه اخوكم حاير وكاضيهه صفنات ولو باقي بالعراق ومكتول اني وجهالي ولا هاي الحيرة والذلة وحرب الاعصاب واحتما 90% ارجع واعيش حالي حال هاي العالم واذا عله الموت والتهديد فاشوفهه اهون من مصير مجهول....اسف لنقلي هذا الخبر لكن لمن نشكي فليس لنا سوى الله وهذا المنتدى لكون حتى اهلنا اصبحوا يشمتوا بنا رغم تعاستنا التي ارغمنا عليها
تحياتي لكم
ابوسيف/تركيا
