مساعدة عاجلة

[حسين القيسي]

السلام عليكم ورحمة الله وبركاته عندي استفسار وياريت احد يجاوبني عليه من الاعضاء اني عراقي الجنسية وعمري 24 سنة وخريج كلية القانون وحاليا ساكن بتركيا اريد اقدم ع فيزا لكندا من تركيا مع العلم ماعندي اي اقرب هناك  ايصير لو بيها شروط ؟؟ مع العلم اني ممقدم ع اليو ان الي بتركيا [olor]

[alwaleed88]

حياك الله أخي حسين
لا يشترط أن يكون لديك ملف في اليو ان لاستخراج الفيزا الكندية
إنما يعتمد على نوع الفيزا إن كانت سياحية أو دراسية أو غيرها
أتمنى لك التوفيق

[حسين القيسي]

حيا الله اصلك الوليد واشكرك ع الرد يعني اذا اروح للسفارة الكندية اكدر اطلع فيزا سياحية لو ماتطلع الموافقة الا بشروط

[المهندس الزورائي]

انت حاول لان مبيها شروط ومخسران شي .. بس خلي ببالك نسبة نجاحك بالحصول عالفيزا ما تتعدى واحد بالالف .. ان لم تكن اقل !

[حسين القيسي]

ليش 1 % ؟ هيه فيزا سياحية

[alwaleed88]

هذا شي طبيعي أخوي حسين لأن مثل ما تعرف احنا العراقيين فيزتنا لجميع الدول صعبة فما بالك كندا
حتى لو كانت فيزا سياحية سيتأكدون أنك تفكر بالإقامة المؤقتة لغرض السياحة فقط وليس استغلال الفيزا السياحية للإقامة في كندا بشكل غير قانوني

[حسين القيسي]

الله كريم هو لازم واحد يروح ويسال ويشوف لو تطلع لو لا

[شمعه 3]

السلام عليكم ورحمة الله وبركاته عندي استفسار وياريت احد يجاوبني عليه من الاعضاء اني عراقي الجنسية وعمري 24 سنة وخريج كلية القانون وحاليا ساكن بتركيا اريد اقدم ع فيزا لكندا من تركيا مع العلم ماعندي اي اقرب هناك  ايصير لو بيها شروط ؟؟ مع العلم اني ممقدم ع اليو ان الي بتركيا [olor]

اخي العزيز

اذا كنت تفكر بالحصول على فيزا لدخول كندا ثم التقديم على لجوء من داخل كندا فجوابي لك هو اربعة كلمات فقط  لا غيرها ..

(( انساها وشيلها من بالك ))

كلامي ليس لتقليل معنوياتك وانما لتوضيح الحقيقه امامك

شمعه - كندا

[حسين القيسي]

ليش شنو السبب شمعه ؟

[المهندس الزورائي]

ابو علاوي الورد .. لما اكلك نسبة النجاح اقل من واحد بالالف مدا اكول اعتباطا .. فيزة سياحة لكندا للعراقيين حاليا اشبه بمعجزة .. اني سألت هواية ناس قدموا .. ما فد مرة سمعت واحد حصلها .. ومع ذلك مبيها شي .. حاول .. تحياتي

[حسين القيسي]

ماشي اخوية المهندس هيه حجارة بالظلمة انقدم ونشوف بلكلت تطلع 

[المهندس الزورائي]

عفية عليك اني هم ذكرت مرتين .. قدم ماخسران شي .. وان شاء الله التوفيق من رب العالمين وتحصل الفيزا ونفرحلك

[شمعه 3]

ليش شنو السبب شمعه ؟

 اخي العزيز

الفيزا السياحيه من اهم شروطها هو ان تثبت  ارتباطك بوطنك الام  اي بمعنى اخر  ان تعطي اثباتات  بترك  ومغادرة كندا عند انتهاء فترة الزياره وسوف تجد سلسله من السروط الموضوعه لهذا الغرض اتمنى ان يكون الرد واضح لك  ومفيد واي سؤال اخر انا حاضر

[حسين القيسي]

اخي العزيز هيه من اسمها فيزا سياحيه يعني حجز تكت 2 وي وحجز فندقي واذا اندك اسمي حاسبة ممقدم ع اليو ان هاي كلها مو كافية ع الموافقة ع الفيزا ؟

[شمعه 3]

اخي العزيز هيه من اسمها فيزا سياحيه يعني حجز تكت 2 وي وحجز فندقي واذا اندك اسمي حاسبة ممقدم ع اليو ان هاي كلها مو كافية ع الموافقة ع الفيزا ؟

اخي العزيز

اذا كانت هذه بنظرك كافيه فهي بنظر القانون الفدرالي الكندي غير كافيه وسوف يطلبون منك تقديم تعهدات وضمانات اضافيه بانك ستترك وتغادر الاراضي الكنديه بعد انتهاء فترة الزياره  الممنوخه لك ..

شمعه