يحفضكم الله ساعدوني رااااااح اتخبل

[عراقي اصلي]

السلام عليكم
اخوكم (عراقي اصلي) عضو جديد لكن متابع قديم
عمري ١٨ سنة
قدمت ع اليو ان وحدي وانطوني موعد رحت مليت الاستمارة وكتبت القصة وانطوني موعد المقابلة الثانية بشهر ١ بدير غبار في عمان و  كلشي ما اعرف وراها شراح يصير گلتلي المقابلة الجاية يقبلوك او يرفضوك ك لاجئ
زين اني اذا اريد كندا او امريكا شسوي ؟؟ واذا ما عندي كفيل بكندا الحل شنو ؟؟ شنو الاجرائات يرحم والديكم كلشي ما مفتهم واريد اشوف مستقبلي وين راح يصفة ؟؟
وشنو الشغلات الي اتجنبهة ما دام اني بالبداية ؟؟
ويا مكان احسن ك عيشة كندا لو امريكا ؟؟
أي معلوووومة تعرفوهة فيدوني يفيدكم الله

[alwaleed88]

وعليكم السلام ورحمة الله وبركاته
حياك الله أخوي عراقي أصلي
بما أن الموظفة قالت لك بأن المقابلة القادمة سيتم التحديد إذا يتم قبولك أو لا، فهذه المقابلة تعتبر خطوة مهمة في ملفك وهي تحديد وضعك في اليو ان إن كنت تستحق اللجوء أو لا
هذه مقابلة تستمر معك ما يقارب 40 دقيقة أو على حسب أحداث قصتك وتشعباتها، ثم بعدها يتصلون بك ويعطوك النتيجة
وبعد الحصول على صفة لاجئ يتم ترشيح توطينك لإحدى دول اللجوء إما أمريكا أو استراليا أو كندا أو اوروبا ولا يمكنك الاختيار
ولكن على الأغلب إما أمريكا أو كندا
بالتوفيق عزيزي

[عراقي اصلي]

تسلملي اخوية ربي يوفقك يا طيب ويسويلك الي تريدة

[عراقي اصلي]

بس اريد بعد مساعدة وأجوبة ع أسألتي من الاخوان وينهم النشامة؟؟؟؟؟؟

[شمعه 3]

اخي

المثل الشعبي يقول  ( لا اتحضر المعلف  قبل الحصان )  يعني يجب عليك الان ان تفكر بالخطوه الاساسيه الاولى وهي قبولك كلاجيء  ثم باقي الخطوات والحلول  ستاخذ طريقها تباعا واحده بعد الاخرى ...

والاخ alwaleed88 اعطاك راس الخيط كما يقال ....  ركز حاليا على حصولك على اللجوء  من المفوضيه  ثم بعدها سيكون لكل حادث  حديث

شمعه - كندا

[عراقي اصلي]

شكرا اختي شمعة كندا ع النصيحة بس اني حاب آخذ الفكرة حتة ما اتورط

[شمعه 3]

شكرا اختي شمعة كندا ع النصيحة بس اني حاب آخذ الفكرة حتة ما اتورط

حبيبي يا ورده  شمعه اخوك مو اختك ..  وعيونك اخوك ..  وداعت العراق العظيم انا اخوك مو اختك ....

انا اخوك يمعووووووووووووووووووووووووووووووود

 ههههههههههههههه

كما قلت لك  ركز على حصولك على اللجوء من المفوضيه  اولا ثم بعدها فكر في اي دوله للتوطين لان احتمالات رفض اللجوء من الامم المتحده وارد وليس ببعيد وكلامي هذا ليس لتقليل معنوياتك او لتخويفك ولكنها الحقيقه ..

[عراقي اصلي]

ماشي اخوية اخوووووية اخوووووووية اخووووووووووووية بس اسمك الصراحة شاش شوية ما لگيت غيير هذا الاسم ههههه تحياتي

[شمعه 3]

ماشي اخوية اخوووووية اخوووووووية اخووووووووووووية بس اسمك الصراحة شاش شوية ما لگيت غيير هذا الاسم ههههه تحياتي

 حبيبي  شتريد اغير اسمي ؟؟ كول وادلل عليه 

ههههههههههههههه