اتصال من عمان لتثبيت موعد السفر

[long wait]

السلام عليكم اصدقائي الاعزاء
اليوم ساعه 4 العصر اتصلت المنظمه بيه وطلعلي رجل اردني انطاني موعد السفر وموعد الفحص الطبي ما قبل السفر بس الغريب بانه كلي عندك موعد فحص انت وزوجتك يوم السبت شنو هذا الفحص وليش بس اني وزوجتي وبنتي لا بس فحص ما قبل السفر احنا الثلاثه
كذلك انطاني عدد الحقائب المسموح بها واوزانها وكلي بعد يومين راح يتصلون بيك جماعةبغداد ويكلولك ساعه بيش بالضبط تكون بالمطار

تمنياتي لكل طيب بالسفر العاجل

[مغترب 2]

الف مبروك اخي بلا زحمه انته شوكت كملت الامنه مالتك وشوكت صارت حاله السفر انتظار شكرااا

[الصبر الجـميل]

 الف الف الف مبروك موعد السفر وسلامة الوصول يارب
 بس ياريت تفيد أخوانك ببعض البيانات وخاصة عن تحول الملف الى فعال
 وكذلك متى تحول السفر الى انتظار , والف مبروك مرة اخرى
مع تمنياتي لك بالتوفيق

                            أبـــــــــو روان

[3ausha]

الف الف مبروك
بس سؤال كم حقيبه كالولك تكدر تجيب وشكد كل جنطه وزنه
لان اني كلي الج حق 8 حقائب و كل حقيبه 23 كيلو احنه طبعا عدد افراد العائله اربعه
تحياتي

[حسين الجبوري]

الفالفمبروك

[Tanner007]

مليون مبروووك وتوصل بخير وصحة - انت شكو خايف او ضايج من فحص المهم تسافر بيومك والله يتمم عليك بالخير مع الف سلامة ... تحياتي

[Eng.Mero]

الف مبروك اخويه وانشا الله سفره سعيده مع تمنياتي بالموفقيه في حياتكم الجديده
اخي العزيز بس حبيت استفسر بالنسبه للجنط حددولكم شكد لكل شخص مسموحله وزن وكل شخص جم جنطه لان مثل ما تفضلت الاخت عائشه انه حددولهم 23 كيلو وكل شخص جنطين بس ماعرف الاخت عائشه خط الرحله دايركت لامريكا لو بيها هوايه ترانسيت لان حسب ما سامع انه يفرق بموضع الوزن مال الجنط مع تحياتي

[مصرفي]

ترليون مبروك

[امين عبد الله]

 الف الف مليون مبروك اخي الكريم وان شاء الله توصلون بالسلامة وبالنجاح والتوفيق في حياتكم الجديدة

[long wait]

اخواني الملف صار فعال قبل ما يقارب الشهر ونص والتجييك الامني صار مكتمل قبل 13 يوم والسفر صار بالانتظار قبل  ميصير التجييك الامني مكتمل بيوم واحد
وخط الرحله من بغداد-عمان-شيكاغو
احنا 3 اشخاص وعد الحقائب 6 ووزن كل جنطه 23 كيلو اضافه الى جنطه 5 كيلو لكل شخص واللابتوب
تنويه / كل شخص وياه شخص كبير بالسن فوق الخمسين لازم يسوي فحص ضغط واشعة قلب وايكو وهاي اجراءت جديده من المنظمه وعلى حساب المنظمه هذا مو الفحص ما قبل السفر لا هذا قبل فحص الي تاخذون بي الحبايه اي الاخير
اي سؤال اني بالخدمه

[مغترب 2]

بلا زحمه اشكد بدايه رقم الكيس مالتك

[long wait]

اني كلش عتيك رقم الكيس IZ-112

[غاليلو]

السلام عليكم
اخي العزيز انا ايضا تم الاتصال بي من عمان واعطوني خط الرحلة وهي دايركت بغداد عمان نيويورك ولكل شخص حقيبتين 23 كغم و5 كغم ولاب توب
واعطونا موعد الحباية ايضا والموظف كال يتصلون بعد من بغداد لتحديد وقت تواجدنا بمطار بغداد السؤال متى يتم الاتصال من بغداد
وهل تم الاتصال من بغداد بحضرتك لتحديد موعد اقلاع الطائرة
مودتي واحترامي
وامنياتي لكم بسفرة امنة وسعيدة

[asdko]

[long wait]

والله يااخي لهسه محد اتصل بيه من بغداد اني بانتظارهم والله كريم