IOM عاجل

[sameer88]

السلام عليكم اخوتي الاعزاء..
حبيت استفسر هل يمكن للعائلة ان تسافر عن طريق اي او ام بغداد في حالة انه احد اطفال العائلة ليس لديه جواز؟
قبل يومين اتصلوا بيه المنظمة وبلغوني انه اخوية راح يوصل لهنا بين ديسمبر 2014 الى شهر الثالث 2015. بس همه لحد الان محد اتصل بيهم بالعراق وبلغهم.
المشكلة انه ابن اخوية طفل وبعده ماعنده جواز وهمه مهجرين يسكنون اربيل ودائرة الجنسية والجوازات بمحافظتهم مغلقة عدهم صار 8 اشهر. البارحة راح اخوية لبغداد ورفضوا يسوون جواز لابنه لانه ماعنده شهادة جنسية.
وممنون مقدما

[ابو الامراء]

اي طفل عمره اقل من سبعة سنوات يستطيع والده ان يطلع له جواز على شهاده جنسيه الوالد وهذا قرار واحد اقاربي عملها من جوازات زيونه

[امين عبد الله]

اخي الكريم

اعتقد ان جماعة ال IOM بغداد يجب ان يكون عندهم جواز سفر لان العراق لا يسمح بغير ذلك. على العموم يمكنك ارسال ايميل وتشرح الموقف، ثم تقوم بالاتصال بهم تلفونيا وتشرح لهم سؤالك مع اخذ اسم الموظف، ثم تخبره بانك قد ارسلت لهم ايميل بهذا الخصوص واطلب منه الرد على ايميلك.

[sameer88]

اشكركم ايها الاعزاء على سرعة الرد.. بصصراحة اني مردت ابلغ الاي او ام حاليا حتى ليصير تأخير بملفهم.. بس أكيد اذا ملكوا طريقة يحصلون بيهه جواز فراح ابلغهم..

وبالنسبة لشهادة الجنسية فرفضوا يعتمدون على شهادة جنسية الاب.. وباجلر راح يحاول يسويله شهادة جنسية بدئرة الكرادة بلكي ترهم.

[ادم ادريس]

الاخ سامر
اي طفل عمرة لايتجاوز العشر سنوات بامكانة استخراج جواز سفر بدون الحاجة الى شهادة جنسيةللطفل ويتم استخراج الجواز اعتمادا على شهادة جنسية الاب حصرا....تحياتي

[لورنس السفاح]

الاخوة الاعضاء الي يكلون يكدر يطلع جواز سفر ع شهادة جنسية الوالد
انتوا كلكم تعرفون انه من اطلع جواز لازم تملي استمارة ع النت
وهاي الاستمارة بيها حقول تخص شهادة الجنسية
بيها رقم الشهادة ورقم المحفظة وتارررررررررررريخ الاصدار
وشرط لازم ينملون حتى اذا تكتب لايوجد بخانة الرقم
فخانة تاريخ الاصدار لالالالالالالازم تخلي بيها تاريخ وميتقبل كلمة لايوجد
والا مراح ينقلك لصفحة الطباعة
هل من المعقول تخلي ارقام وتاريخ  شهادة جنسية الوالد ؟؟
اذا يقبلون تخلي معلومات شهادة الجنسية للوالد فماكو مشكلة
عداااااا ذلك
لازم يطلع شهادة جنسية
تحياتي

[يمته تفرج]

كلام الاخ أدم أدريس صحيح واي طفل تحت العشر سنوات الدولة ماتنطي شهادة جنسية ويمشي على شهادة جنسية الاب وصارت هاي الحالة وية أبني وهذا قرار ماشي ومعمول بي بكل دوائر شهادات الجنسية بالعراق وبي قرار ونص صريح موجود بكل لوحات الاعلانات مال دوائر شهادة الجنسية صدره بوكتها عدنان الاسدي قبل مايطلع من الوزارة

[laith_albander2]

بدون جواز ميطلعوا من العراق اصلا حتى لو عمره يوم واحد و لا يدخلوا اي دوله
عزيزي خلي يستعجلون و يطلعوله شهادة الجنسيه و الجواز تره سفرهم يتاخر