اخواني جماعة ال UN & IOM عمان .. دخيلكم تره انسطرت واريد تفسير

[روك]

اخواني اصحاب الخبره
اني كان عندي ملف عند منظمة ال IOM ببغداد
خلصت المقابلة الاولى وخلصت ايضا مقابلة المحلفين وكملت الفحص الطبي هذا كله ببغداد
استلمت الديفلر لتر واصبح بعدها ملفي معلق
انتقلت لعمان وقابلت باليو ان واخذت ورقة الحماية
انطوني موعد مقابلة ثانية في شهر 2 من السنة القادمة علما انه بمقابلة اليو ان ابلغتهم انه عندي ملف في الاي او ام ومخلص بيه كل المقابلات
سؤالي هو : هل المقابلة الثانية مال اليو ان هي نفسها مقابلة المحلفين مال IOM ؟؟؟ واذا مو هيه فشنو هيه طبيعة هاي المقابلة ومدى علاقتها بالكيس مال ال IOM الحالي ؟؟؟
شكرا لمروركم
روك

[sindbad2014]

مرحبا اخويه
ممكن اول تكلي من كتلهم انت عندك ملف بال iom شكلولك

تحياتي

[الكندي المعذب]

عزيزي روك بغض النظر عن شنو كالولك
المقابلة الثانية باليو ان في دير غبار راح تكون فحاول ان تكون بال 8 انت هناك
وثانيا : اخذ كلشي وياك من مستمسكات وحجج تثبت الهوية وكذلك التهديدات وا لباجات والى اخره
ثالثا:واخذ وياك ورقة الحماية و الكارت ومن توصل لليو ان بدير غبار تنطي الكارت وورقة الحماية للاستعلامات ووراها فد دقيقتين يصيحوك ويكولولك ادخل فتسلم موبايلك وتدخل
رابعا:راح تلكي استعلامات داخلية بقاعة كبيرة تسلم فايلك وورقة الحماية وجوازك والكارت وينطيك رقم وياخذوهن منك هاي الشغلات كلها بالمقابلة ينطوك اياهن تبقى كاعد بالانتظار الى ان يصيحون باسمك اني بصراحة طول انتظاري اني ووجماعة تقريبا 5 ساعات بيومها وطبعا تحفظ الرقم اللي راح ينطوك اياه
خامسا: يجيك موظف بال يو ان عربي لبناني او اردني ولد او بنية وياخذك لغرفة لوحدكم ويبدي مقابلتك
سادساً: المقابلة هي نفسها المقابلة الاولى بس شنو مطولة و بتفاصيل اكثر فانت كون هاديء ولا تخاف ترة كلش عادية و الله ولا تخوف وانتبه للتواريخ وانتبه لكل شيء انت ذكرته بالمقابلة الاولى لان اي اختلاف بين المقابلتين ينطوك رفض والاسئلة الشائعة بالمقابلة الثانية هي نفسها الي بالمقابلة الاولى  بس قلتلك بالتفاصيل المملة من ناحية اسمك وعنوانك وسكنك ومواليدك وشهاداتك وسنوات التخرج واهلك وين وهل خادم عسكرية لو لا وليش تركت العراق شنو سبب التهديد وهنا تبدي تركز وياك بكل التفاصيل حتى تسالك بيش الساعة انذب لك التهديد وشلون ومنو وهل تشك باحد وهل عندك عداوت ويه احد وراح تسالك انت مقدم يو ان او اي او ام بغير مكان ووين ويمتى وشنو كان جوابهم وليش وشنو السبب ويمتة دخلت للاردن ومنين دخلت وشنو رايك بوضع العراق قبل السقوط وبفترة وجود الامريكان وهسة ومنو اللي يهددك القاعدة لو المليشيات لو شنو ؟ ووين تسكن وهل المنطقة اللي انت بيها سنة لو شيعة ؟ وانت سني لو شيعي ؟ واذا انصلح حال العراق ترجع لو لا؟وليش تريد تسافر وشنو مخططاتك هناك؟وهل اذا عرض عليك ان تتزوج من غير جنسية تقبل او لا؟ وهل منتمي لاحزاب ؟لجهة سياسية ؟هل انطيت فدية؟هل دعمت احد المجاميع الارهابية ؟ وشنو رايك بداعش هل هم على حق ام لا؟ ووين تسكن بالاردن؟ وبشكد مأجر؟ومنو وياك لوحدك لو عائلتك ؟

ووراها بالاخير تكولك روح انتظر جوة بالقاعة بين ما يدرسون حالتك اللجنة وينطون قرار بحالتك

ورة ربع ساعة واكو اكثر انتظرو .......... بس اني خمس دقائق واجتني البنية جابت ورقة وياها وكالت لي تعال وقع عليها ومبروك تم قبولك كلاجيء وراح يتحول ملفك للتوطين فانتظر اتصال منا وهذاك يوم وهذا يوم هههههههههههههه يعني شتلة بين قوسين


فقصدي حبيب كلشي ما بيها المقابلة وكون هادي ولا ترتبك لان راح تحاول تغلطك باي طريق فانت انتبه و التواريخ احفظها كلها واسماء الشركات اللي جنت تشتغل بيها ويمتة ومنين ليوين الفترة مال عملك وياهم واسماء عائلتك وهكذا

تحياتي و الله ييسر لك وييسر للجميع واي شيء تحتاج اني بالخدمة الك ولغيرك


اخوك احمد

[sindbad2014]

عزيزي روك بغض النظر عن شنو كالولك
المقابلة الثانية باليو ان في دير غبار راح تكون فحاول ان تكون بال 8 انت هناك
وثانيا : اخذ كلشي وياك من مستمسكات وحجج تثبت الهوية وكذلك التهديدات وا لباجات والى اخره
ثالثا:واخذ وياك ورقة الحماية و الكارت ومن توصل لليو ان بدير غبار تنطي الكارت وورقة الحماية للاستعلامات ووراها فد دقيقتين يصيحوك ويكولولك ادخل فتسلم موبايلك وتدخل
رابعا:راح تلكي استعلامات داخلية بقاعة كبيرة تسلم فايلك وورقة الحماية وجوازك والكارت وينطيك رقم وياخذوهن منك هاي الشغلات كلها بالمقابلة ينطوك اياهن تبقى كاعد بالانتظار الى ان يصيحون باسمك اني بصراحة طول انتظاري اني ووجماعة تقريبا 5 ساعات بيومها وطبعا تحفظ الرقم اللي راح ينطوك اياه
خامسا: يجيك موظف بال يو ان عربي لبناني او اردني ولد او بنية وياخذك لغرفة لوحدكم ويبدي مقابلتك
سادساً: المقابلة هي نفسها المقابلة الاولى بس شنو مطولة و بتفاصيل اكثر فانت كون هاديء ولا تخاف ترة كلش عادية و الله ولا تخوف وانتبه للتواريخ وانتبه لكل شيء انت ذكرته بالمقابلة الاولى لان اي اختلاف بين المقابلتين ينطوك رفض والاسئلة الشائعة بالمقابلة الثانية هي نفسها الي بالمقابلة الاولى  بس قلتلك بالتفاصيل المملة من ناحية اسمك وعنوانك وسكنك ومواليدك وشهاداتك وسنوات التخرج واهلك وين وهل خادم عسكرية لو لا وليش تركت العراق شنو سبب التهديد وهنا تبدي تركز وياك بكل التفاصيل حتى تسالك بيش الساعة انذب لك التهديد وشلون ومنو وهل تشك باحد وهل عندك عداوت ويه احد وراح تسالك انت مقدم يو ان او اي او ام بغير مكان ووين ويمتى وشنو كان جوابهم وليش وشنو السبب ويمتة دخلت للاردن ومنين دخلت وشنو رايك بوضع العراق قبل السقوط وبفترة وجود الامريكان وهسة ومنو اللي يهددك القاعدة لو المليشيات لو شنو ؟ ووين تسكن وهل المنطقة اللي انت بيها سنة لو شيعة ؟ وانت سني لو شيعي ؟ واذا انصلح حال العراق ترجع لو لا؟وليش تريد تسافر وشنو مخططاتك هناك؟وهل اذا عرض عليك ان تتزوج من غير جنسية تقبل او لا؟ وهل منتمي لاحزاب ؟لجهة سياسية ؟هل انطيت فدية؟هل دعمت احد المجاميع الارهابية ؟ وشنو رايك بداعش هل هم على حق ام لا؟ ووين تسكن بالاردن؟ وبشكد مأجر؟ومنو وياك لوحدك لو عائلتك ؟

ووراها بالاخير تكولك روح انتظر جوة بالقاعة بين ما يدرسون حالتك اللجنة وينطون قرار بحالتك

ورة ربع ساعة واكو اكثر انتظرو .......... بس اني خمس دقائق واجتني البنية جابت ورقة وياها وكالت لي تعال وقع عليها ومبروك تم قبولك كلاجيء وراح يتحول ملفك للتوطين فانتظر اتصال منا وهذاك يوم وهذا يوم هههههههههههههه يعني شتلة بين قوسين


فقصدي حبيب كلشي ما بيها المقابلة وكون هادي ولا ترتبك لان راح تحاول تغلطك باي طريق فانت انتبه و التواريخ احفظها كلها واسماء الشركات اللي جنت تشتغل بيها ويمتة ومنين ليوين الفترة مال عملك وياهم واسماء عائلتك وهكذا

تحياتي و الله ييسر لك وييسر للجميع واي شيء تحتاج اني بالخدمة الك ولغيرك


اخوك احمد

مرحبا اخوبه العزيز
الله يخليك متكلي شكد يضلون شاتلينه
اني قبل كم يوم بلغوني موافقة اللجوء یعني شتتوقع شوكت يتصلون بينه

شكرا

[الكندي المعذب]

و الله يا خوية ما اعرف يم الله ومن ثم يم التوطين بعد
ما اعرف و الله
بس خلينا نتواصل

[زوزو_عراقي]

اخوية روك
لازم تخابر على الاي او ام بعمان
وتخبرهم انه انت تريد تنقل ملفك من بغداد لعمان وتنطيهم رقم الملف
وهذا رقمهم اخوية ترة صاحبي هيج اجة وسوة ونقلوه واليو ان ترة بس ورقة حماية اهم شي منهم بس انت تبقى تكمل شغلتك بالاي او ام
وهذا رقمهم وتدلل 0096265625077

[حمزة العراقي]

مرحبا اخوية هاي من انطوك مقابلة الثانية هاي مقابلة عادية لا محلفين ولا IOM هاي كأنما بديت من البداية لان ورة المقابلة هاي الي نطوكياها تنتظر فترة يلة يخابروك الاي او ام .. فانت كأنما صارت عندك معاملتين .. الا في حالة طلعلك توطين بغير امريكا .. فخابرهم وحل الالتباس الصاير
تحياتي

[نازحين للابد]

سلام عليكم اخواني من رخصة روك اني حاليا بالعراق واريد اجي لعمان وعندي عائلةيعني اربع نفرات ممكن توجيهاتكم يعني شلون اطلع من بغداد اذا طيران لان كالوا لازم فيزا وشنو مميزات الفيزا يعني اي واحد ياخذ فيزا لو شلون ؟ثاني شي بالنسبة للسكن شكد الايجار شهريا وباي مكان نكدر نعيش بي يعني  شكد نحتاج شهريا ؟اما بالنسبة لليو ان فاني عرفت بعض منها من خلال مشاركاتكم البناءة
وشكرا

[حمزة العراقي]

سلام عليكم اخواني من رخصة روك اني حاليا بالعراق واريد اجي لعمان وعندي عائلةيعني اربع نفرات ممكن توجيهاتكم يعني شلون اطلع من بغداد اذا طيران لان كالوا لازم فيزا وشنو مميزات الفيزا يعني اي واحد ياخذ فيزا لو شلون ؟ثاني شي بالنسبة للسكن شكد الايجار شهريا وباي مكان نكدر نعيش بي يعني  شكد نحتاج شهريا ؟اما بالنسبة لليو ان فاني عرفت بعض منها من خلال مشاركاتكم البناءة
وشكرا

عليكم السلام اخوية .. اول شي اما تحجز عن طريق الخطوط الجوية العراقي او الملكية الاردنية والسعر مقارب لبعض لكن الملكية اضمن نوعاً ما .. بس مو شرط اكو ناس انرفض الفيزا مالتهم عالملكية وطلعتلهم موافقة علعراقية وبالعكس .. فيعني حتى لو رفض سوي الثانية اكيد تطلع .. وخلي ابالك عدا التدفعه من تذاكر واجور فيزا ببغداد .. من توصل المطار هم اكو فيزا دخول 40 دينار للشخص حتى الاطفال .. انتو 4 يعني 160 دينار.. 250 دولار تقريبا .. اما اسعار السكن حسب الموقع وحجم الشقة والاثاث .. وعمان الغربية اغلى من عمان الشرقية .. شرقية نكدر نسميها مناطق شعبية .. وتكدر تلكي بعمان الغربية غرفتين وصالة وملحقاته ب500 دولار شهريا وطبعا تقل اذا تاجرها 6 اشهر مقدما او سنة .. اما كمعيشة وغلاء اكثر من بغداد بنص مرة كتقريبي..اما الامور الطبية والدوائية فأكو جمعيات تتكفل بهالشي اما الادوية فخصم بيها كلش زين .. يعني مثلا حشيت سني جلستين كل جلسة بدينارين بس مال وصل هذا .. اما لو مسوي برة اقل شي 35 دينار يعني 50 دولار ..شي على شي الفلوس هنا مابيها بركة تطير بسرعة .. ولاتنسى فاتورة الكهرباء حسب استخدامك...
وهذا رابط موضوع اقراه على راحتك خاص عن عمان بي كلشي بي تقريبا عن اليو ان وعن المعيشة
http://www.ankawa.com/index.php/ankawaforum/index.php?topic=744724.0

تحياتي الك