الجوء عن طريق جورجيا

[سامي2000]

السلام عليكم

اخوان قريت باحد المواقع خبر عن وجود لجوء في جورجيا هل هذا الخبر صحيح  ارجو الافادة

[TOFEE.US]

نعم يوجد لجؤء في جورجيا

[سامي2000]

شكرا اخ MMUSAMA  ممكن اتوضح اكثر للفائدة

[TOFEE.US]

اللجؤء في جورجيا يعني تطلب لجؤء بجورجيا واذا قبلت الحكومة الجورحية منحك اللجوء تعيش في جورجيا ولا يوجد لجوء عن طريق اليوان

[Edy Simon]

عزيزي الاخ سامي
تحية طيبة وبعد,
هذا التقرير منقول من احدى الصفحات الالكترونية
واتمنى ان تستفاد منه باذن الله؟

طريقة بالتفصيل لطالبين لجوء فى دولة جورجيا!!!!
وهذي تفاصيل الرحلة خطوة خطوة......
1_ اللي يريد يروح جورجيا ياخذ فيزا من العراق  (بصرة وأربيل فيزا تركيا بلاش ومن بغداد ب 25 دولار ).
2ـ تركب لأنقره ب 75 دولار وإذا تركب لأسطنبول ب 90 دولار طبعأ افضل تركب لأنقره لأن انت مارح تروح لأنقره وانما تنزل بأول مدينه تركيه بعد الحدود مباشرة,
اسمها سلوبي بعد الحدود ب 50 كيلو طبعأ ينزلك بكراج سلوبي مرتب جدأ وتصرف ورقه 100 دولار تساوي تقريبأ 186 ليره تركي.
3ـ تركب من سلوبي لآخر مدينة تركيه على حدود جورجيا اسمها طربزون طبعأ هذا اقصر طريق احسن مما تروح لأنقره وبعدها لطربزون ( الأجرة
 من سلوبي لطربزون حوالي 30ليره تركي)....
4_الطريق حوالي 9 ساعات تقريبأ وباصات أروع شي مكيفه وتلفزيون أمام كل مقعد و وجبات طعام خفيفه على حساب الباص والباص يطلع بموعده,
 حتى لو كان نفر واحد راكب بالباص...
5ـ  بعدما توصل لطربزون أيضأ تنزل بكراج مرتب وتركب باصات لعاصمة جورجيا اسمها تبليسي بحوالي  30 ليره تركية..
6ـ يمكنك بالحدود تصرف ورقه 100 دولار تحولها الى عملة جورجيا اسمها لاري 100 دولار تصير 160 لاري( والتصريف بالحدود افضل لأن يصير اكثر من داخل المدن)
7ـ في الحدود  تختم الفيزا الجورجية  وفيزتها تعادل إقامة سنه ....
8ـ بعد ذلك  توصل تبليسي عاصمة جورجيا تنزل بكراج المدينة وتتجول فيها...
9_ وإذا وصلت قبل ساعه 3 الظهر تكدر تاخذ تكسي مباشرة لليوأن حتى يأمنولك سكن فورأ واذا وصلت بعد ساعه 3 الظهر لازم اتبات بفندق وثاني يوم الصبح تروح لليو أن...
10ـ اجرة الفندق من 30 إلى 20 لاري ومكان مقر اليو أن بمنطقه اسمها ( إيلا باري اخلوسي مترو ) قريبه من المترو ,وبنفس يوم تسجيلك في اليو أن ينطوك سكن مرتب جداً وخدمات جيده جداً وعلى حسابهم ايجار السكن وخط نت 24 ساعه بلاش وينطون لكل نفر 50 دولار تصير حوالي 80 لاري,
 والنفر باليوم يصرف حوالي 6 أو 7 لاري وإذا مدخن 10 لاري...
اتمنى لكم سفرة سعيدة وموفقة بأذن الله....

[لورنس السفاح]

عاشت ايدك اخ سيمون ع النقل
لكن الشخص الواحد ينطونه 50 دولار باليوم لو الشهر ؟
وماذا بخصوص التعليم والتامين الصحي ؟؟
تحياتي

[Edy Simon]

عاشت ايدك اخ سيمون ع النقل
ـ عفواً اخي لورنس السفاح وايدك العايشة!
لكن الشخص الواحد ينطونه 50 دولار باليوم لو الشهر ؟
ـ الاحجاية الاخ السائل ديسأل سؤال معين.....
هل جورجيا تمنح اللجوء.....
او جاوبناه على كد سؤاله...اي تمنح اللجوء؟
بس هو ماسئل عن المساعدات الاجتماعية اللي ينطوها للاجئ؟
اذا يدور على المساعدات الاجتماعية الزينة خلي يطلب
اللجوء بالنرويج او فنلندا لانه المساعدات الاجتماعية
 مال طالبين اللجوء محترمة بالشهر؟
او بالاضافة الى تأمين صحي, او سكن مريح او مدارس لاطفاله كله تتحمله الدولة؟
وماذا بخصوص التعليم والتامين الصحي ؟؟
اكيد متوفر التعليم والتأمين الصحي وتدفعة الدولة والمعيشة رخيصة بالبلد؟
بس اغلب العراقيين اللي موجودين بهذي الدول اغلبهم مامعتمدين على المساعدات الاجتماعية وانما حالتهم زينة؟
تحياتي
تقبل تحيات وشكراً على المداخلة!
جوسي البغدادي

[سامي2000]

شكرا جزيلا على الرد