الی الاخوة جماعة UN عمان

[sindbad2014]

السلام عليكم اخوتي الكرام
هل يوجد موقع لل UN عمان نستطيع من خلاله التعرف علی المرحلة التي فيها الملف
مع الشكر

[الكندي المعذب]

اخي سندباد اي اكو
بس تكون عابر مرحلة التوطين
بس اني اعذرني لحد الان ما وواصل لهاي المرحلة وهسة الاخوان ما يقصرون راح يفيدوك اكثر مني
تحياتي

[الكندي المعذب]

اخي السندباد ادخل على الاخوان اللي هسة دينتظرون السفر
http://www.ankawa.com/forum/index.php/topic,757872.0.html
هذا احد الاخوان
وراسلهم بلكي يفيدوك

[sindbad2014]

شكرا اخي الكريم
اني بعدني قبل ايام يلة قابلت ب دير غبار وتم قبولي كلاجیء وكلولي انتظر اتصال وحنحول ملفك للتوطين

[ضياع]

اخي اني حسب علمي ماكو موقع حالياً اتابع بي ملفك وانت بهذه المرحلة

بس من يطلعلك توطين يصير عندك رقم ملف وتدخل من خلالة ع النت

واتابع ملفك

تحياتي الحضرتك ويارب اجابتي مفهومة

اختك ضياع

[نازحين للابد]

سلام عليكم اﻻخ سندباد بدون زحمة انت شوكت وصلت لعمان وقدمت لليو ان يعني بأي تاريخ وشوكت صارت المقابلة

[sindbad2014]

سلام عليكم اﻻخ سندباد بدون زحمة انت شوكت وصلت لعمان وقدمت لليو ان يعني بأي تاريخ وشوكت صارت المقابلة

مرحبا اخي
اني قدمت لل يو ان بتاريخ 13 تموز الماضي
بتاريخ 14 تموز يعني ثاني يوم كانت المقابلة الاولی يعني مقابلة التسجيل والمعلومات والقصة واستلمت ورقة الحماية وكانت هاي المقابلة ببو ان في خلدا وانطوني موعد المقابلة الثانية في دير غبار بتاريخ 11 تشرين الثاني لكنهم اتصلو ببه وقربو الموعد حيث قابلت بتاربخ 30 تشرين الاول وتم الاعتراف بينه كلاجیء والان ننتظر اتصال مقابلة التوطين وربي يسهل للجميع

تحياتي

[نازحين للابد]

مرحبا اخي
اني قدمت لل يو ان بتاريخ 13 تموز الماضي
بتاريخ 14 تموز يعني ثاني يوم كانت المقابلة الاولی يعني مقابلة التسجيل والمعلومات والقصة واستلمت ورقة الحماية وكانت هاي المقابلة ببو ان في خلدا وانطوني موعد المقابلة الثانية في دير غبار بتاريخ 11 تشرين الثاني لكنهم اتصلو ببه وقربو الموعد حيث قابلت بتاربخ 30 تشرين الاول وتم الاعتراف بينه كلاجیء والان ننتظر اتصال مقابلة التوطين وربي يسهل للجميع

اشكرك اخ سندباد على الرد الله يسهل عليك ان  شاء الله وتتوفق ويطلع لجوئك اخوية سندباد اني بعدني بالعراق حاليا واريد اجي بس مااعرف  وين اسكن وشكد الايجارات ممكن تفيدني بهاي  المعلومات ؟ اني ممنون منك

[sindbad2014]

اخي العزيز
اغلب العراقيين ان لم نقل جميعهم يسكنون في العاصمة عمان وعمان الغربية بالذات وبالاضافة الی كثرة النازحين الی الاردن سواء من سوريا او العراق فان الاسعار مرتفعة وخصوصا السكن
طبعا ليست عندي فكرة كاملة عن الايجارات في مناطق عمان الشرقية لان السكن غير مرغوب فيها وهي بالتاكيد ارخص من مناطق عمان الغربية وطبعا ليست عندي فكرة عن السكن في المحافظات ولكن من المؤكد الحياة في المحافظات ارخص من جميع النواحي
الحديث سيكون عن مناطق عمان الغربية فاغلبها مناطق جيدة وراقية
اخي العزيز الوقت المناسب للايجار هو هذه الفترة اي فترة الشتاء حيث قلة السياح ان لم نقل بدء توقف السياحة فان الشقة التي تؤجر بمبلغ 700 او 800 دينار ممكن تؤجر الان من 400 الی 500 دينار
طبعا فكرة المجيء هنا تعني البقاء لغاية ان يأذن الله لنا بالتوطين والاستقرار في بلد ثالث وهذا وقت طويل من الممكن ان يمتد الی اكثر من سنتين وكل شيء جائز هنا والتسهيل من رب العالمين
لذلك الكثير هنا يفكر بايجار شقة فارغه ويقوم بتاثيثها وسوف نتحدث عن الايجار الفارغ والمفروش
وكما وضحت انا اتكلم عن مناطق عمان الغربيه
اولا:- ايجار شقه فارغه يبدا من 200 دينار ويصل حتی الی 600 دينار اعتمادا علی حداثة البناء والمنطقة وكبر الشقة الی اخره من مواصفات
في حالة التفكير باتخاذ خطوة ايجار شقه فارغة فان ممكن تاثيث شقة كاملة لنقل غرفتين وصالة مابين الجديد والمستعمل بمبلغ يتراوح من 800 الی 1000 دينار
المقصود بالجديد هو ادوات المطبخ والفرش
والمستعمل كافة اللوازم الكهربائية من ثلاجه وتلفزيون وغسالة براد ماء اضافة الی الطباخ ذو الفرن وتخم قنفات للهول وكناتير وممكن شراء اسرة اما جديد او مستعمل
ثانيا:- المفروش
تبدا اسعار الشقق المفروشة من 350 دينار وانت صاعد
يحصل مثل هكذا ايجار اي مابين 350 الی 400 دينار شهريا في بعض احياء الكاردنز وفي ضاحية الامير راشد وهي المنطقة الواقعة مابين الدوار السابع والثامن وتعتبر قريبه من مكة مول وياسر مول المتخصص بالمواد الغذائية وكذلك قريبة من سي تاون ومن شارع حيوي ومشهور هو شارع عبد الله غوشة
طبعا انا اتكلم عن هذا المعدل من الاسعار لشقة غرفتين وصالة
هناك ملاحظة مهمه كلما كان الاتفاق بعقد سنوي والدفع كل ثلاث اشهر او اربع اشهر مع بعض يقل الايجار يعني ممكن ان تجد شقه ايجارها 400 دينار لكن ممكن تنزل الی 350 دينار لو دفعت الايجار السنوي علی شكل دفعتين او ثلاث دفعات
ثالثا:-الكهرباء والماء والغاز
الكهرباء هنا غالية لذلك يجب الترشيد يعني ممكن ان تصل قائمتك الی 50 دينار او اكثر ولكن المعدل للصرف الطبيعي المرشد هو من 25 الی 35 دينار شهريا
فواتير الماء من 5 الی 10 دينار شهريا
الغاز تبديل قنينة الغاز 10 دينار بالنسبة للطباخ القنينة تكفي شهر او اقل بايام وحسب الاستخدام ولكن في فترة الشتاء والغالبية هنا تفضل استخدام الصوبه الغازية اكيد في ايام البرد الشديد سوف يتم استهلاك غاز اكثر يعني احتمال تخلص عندك كل اسبوع قنينة علی الصوبه
رابعا:- المواد الغذائية
حسب الي اشوفه اسعار المواد الغذائية من سكر وشاي ورز وزيت ولحوم ودجاج وخضار مقاربه الی اسعار العراق عدا حاجات الاطفال اي الجبس والنساتل اضافة الی الكرزات تعتبر اسعارها غالية

اتمنی اخي العزيز اكون فدتك واذا عندك اي استفسار اخر اني حاضر

تحياتي
سندباد العراق

[نازحين للابد]

شكرا اخوية سندباد على الرد يارب يوفقك