أخواني متشوفون الموضوع بيه غرابة اشوية

[الاحلام]

السلام عليكم

يعني موظفي IOM كلهم طلعو ابسبب الاوضاع الامنية واحنه كلنه نعرف مكانهم اي المنطقة الخظراء زين اشو السفارة موجوده والموظفين ايضا موجودين وياهم وثاني شي اكو حماية من الجيش الامريكي الهم زين اشمعنى موظفي الاي او ام طلعو هل تتوقون مثل مدى اتوقع اني هل من المعقول راح ايصفون المفات المنتهية وهل يعني ان هاي بداية لانهاء هاذا البرنامج في العراق اريد اشوف ارائكم صراحه لان دخت بهل الموضوع هاذا
ولكم مني كل التقدير والاحترام وكل ماكتبته مجرد توقعات

[امين عبد الله]

لا اختي الكريمة، الملفات نُقلت الى عمان بسبب تدهور الاوضاع الامنية. ستعود الى بغداد في حال تحسنها. اتوقع انها ستعود مع قرب عودة المحلفين الى بغداد. اما وجود موظفي السفارة في اماكن عملهم فهذا موضوع اخر.

[الاحلام]

لا اختي الكريمة، الملفات نُقلت الى عمان بسبب تدهور الاوضاع الامنية. ستعود الى بغداد في حال تحسنها. اتوقع انها ستعود مع قرب عودة المحلفين الى بغداد. اما وجود موظفي السفارة في اماكن عملهم فهذا موضوع اخر.

اني اخوك والاحلام هيه صفة وليس اسم
واخي العزيز يعني قصدي ماكو داعي ان ينقلوهم مادام الوضع بيه امان مو متأزم لهل الدرجه الي همه اتوقعوها بس يمكن احتايطات امنيه قبل حدوث اي شي يمكن هاذا وارد
ومننون على مشاركتك

[امين عبد الله]

اني اخوك والاحلام هيه صفة وليس اسم
واخي العزيز يعني قصدي ماكو داعي ان ينقلوهم مادام الوضع بيه امان مو متأزم لهل الدرجه الي همه اتوقعوها بس يمكن احتايطات امنيه قبل حدوث اي شي يمكن هاذا وارد
ومننون على مشاركتك

اخي الكريم

في البداية اقدم اعتذاري الشديد عن ما بدر مني دون قصد.
في الوقت الذي قرروا فيه نقل الملفات كان الوضع متازما جدا وكانت التقارير مرعبة ولا تبشر بالخير، فتوقعوا ان سقوط بغداد امر مفروغ منه. فخوفا من وقوع الملفات بايدي مجموعات عدة، ويتقاسموها كُل مجموعة حسب موقعها ويبدأ الانتقام من المتقدمين او من اهاليهم، تم نقل الملفات الى عمان. 

[يمته تفرج]

اني هذا الموضوع مأرقني ودائما أفكر بي ودائما اسأل نفسي ليش السفير الامريكي موجود بالسفارة الامريكية وهو اعلى جهة دبلوماسية تمثل امريكا بالعراق وموظفين الاي او ام اللي همة موظفين اردنيين عاديين سافروا من العراق وليش المحلفين اللي همة حسب ماافتهمنا ضباط بدائرة الهجرة الامريكية سافروا وغادروا العراق يعني هذولة حسب فهمي مو اهم من السفير الامريكي والدبلوماسيين الامريكيين الموجودين بمكتب السفير والسفارة الامريكية مو صح ؟ زين ليش سافروا ولحد هسة ماكو خبر رسمي على رجوعهم لبغداد ؟ بصراحة موضوع محير ومقلق بنفس الوقت ومااعرف شنو نهايته واني بديت افكر جديا ان اتحرك واشوف حل لنفسي ولعائلتي عن طريق السفر لعمان لان الظاهر المنظمة مناوية ترجع للعراق بهاي الظروف وحسبت الموضوع حساب عرب مثل ميكولون اهلنا وشفت انه بالمدة اللي اكعد بيها بالعراق انتظر رجوع المنظمة وتحددلي موعد مقابلة محلفين يمكن اني مقابل ومسافر من عمان اذا الله سهل وراد

اني هذا رأيي بالموضوع