من بلاد العم سام احييكم + تفاصيل الرحله

[rozh120]

سلام وعليكم اخواني واخواتي أعضاء منتدى عنكاوا الكرام
طبعا اشكر هذه المنتدى الرائع الي ساعدني بهوايه أمور بمختلف المراحل وحمد الله بفضل مساعده الأعضاء اني اليوم ابلاد العم سام
راح احجيلكم تفاصيل رحلتي مع العلم اني جان عندي موعد سفر بتاريخ 15\6\14 وتاجل علمود الأوضاع ولحد 27\10\14 ياله سفروني طبعا الأنظار بهل فترة كان قاتل بس حمد الله عدت
اكتملت الامنيه عندي مثل بقيه الأعضاء بتاريخ 17\10 ووراها بيومين اتصلو بيه المنضمه انطوني موعد سفر وموعد حبايه
تفاصيل الرحله \ طبعا صارت عندي عراقيل هوايه لحد موصلت بدايتها كانت رحلتي من مطار أربيل موعد الرحله ساعه 7.30 الصبح والتجمع ساعه 5 بالمطار
رحت للمطار بعد توديع الاهل بالدموع وفحص الجنط والعبور الى البنايه الثانيه قابلت الموضف الي انطاني الفيزة مالتي والتذكرة واني هم جان عندي تذكرة دازيها الي بالايميل والحاصل رحت كبال الكاونتر مال الملكيه الاردنيه انطيته الجواز والتكت كال الموضف هل تكت ماكو بالسستم طبعا اني انصدمت كتله مو هياته تكت طابعه وهذه رقم الحجز كال أي هل تذكرة لاغيها طلعت من السرة راني دافور رحت يم الموضف مال iom كال لحظه اخابرلك عمان اشوف شنو الفلم لان اخر ايميل وصلني بليل اسمك موجود وياهم اكيد غلطه من جماعه عمان لاغي بالغلط. ويدك محد يجاوب بعدهم مكاعدين من النوم اخر شي جاوبه مديرة بعمان بعينه النومه كال دزة للبيت اني انصدمت رجعت كولش ضايج للبيت محجيت ويه احد كلت بس خلي انام شويه وبس اكعد ادزلهم ايميل اكوللهم سدو الملف مالتي
جان يدك تلفوني ب2 الضهر طلع الموظف مال iom الي باربيل كال اسفين عل غلط الصار مثل مكتلك بالغلط رافضين تذكرتك ولان غلطتهم حجزولك تذكرة عل حسابهم اللبنان مناك لعمان حته تلحك تروح ويه جماعتك من عمان طبعا رجع الدم بوجهي كعدت تغديت وسولفت ويه اهلي وحمد الله رحت للمطار ب5 وطلعت الطيارة من أربيل اللبنان ب7 المغرب ومناك دورت عل موضف مال iom ملكيت حته الضابط مال مطار كال لازم اكو موضف يستقبلكم مطولنه بلبنان هوايه ترانزيتنه جان 3 ساعات بس وراها طرنه لعمان ب2 لحد مستلمت العلاكه ووقعت الأوراق مال تذكرة وودونه لفندق بعد مخلينه جوازاتنه يم الضابط مال مطار لان الفندق تروح بالباص برة المطار استلمنه الغرف وصعدنت بيها صارت ب4 وجماعتي الي طلعو من أربيل من ال9 جانو واصلين ومرتاحين. سبحت ونزلت للاستعلامات سالته عل نت حته اطمن اهلي كال أي اكو ساعتين ب5$ اشتركت بس علكد الرساله وراها نمت يادوب ساعتين لان تجمعنه جان ب8 الصبح نزلت ب7ونص تريكت بالفندق وشفت جماعتي الي جوي من أربيل مباشر طلعنه سويه للمطار بالباص واستلمنه جوازاتنه جانت رحلتنه عل نيويورك ب12 ونص افترينه شويه بالمطار وراها رحنه كعدنه بالكيت طبعا بعد تفتيش كولش دقيق عل رحله الي طالعه لنيويورك وأول مصعدت بالطيارة دعيت لكل واحد منتضر سفر انشالله يجي هل يوم وبالأخص أعضاء عنكاوا
طبعا كالو الرحله 13 ساعه كلت حيل هوايه واحنه فوك لندن جان ويانه رجال شايب تازمت حالته وتخربط هبطنه هبوط اضطراري بلندن انشتلنه ساعتين بالمطار ومكدرنه نطلع من الطيارة والطيارة مجانت مريحه حولش عذبتنه وراها طرنه منلندن وهم ولد لاخ اتخربط بالطيارة صحينا بالحلا والملوحه وبعد رحله دامت 15 ساعه وصلنه بسلام لنيويورك طلعنه بالمطار خلونه بغرفه انطونه باجات لكل واحد بيها تفاصيل رحلته الداخله ومكتوب بيها خذخ الشخص لاجء عراقي احتمال ميعرف إنكليزي ساعدو بقدر الإمكان بالمطارات
ملاحظه لكل واحد مقبل عل سفر انشالله الي يشوف بالباج مالته تفاصيل الرحله مكتوبه خط ايد يعني يروح بسيارة والي مطبوع يعني بطيارة
وراها كملنه اجرائات انطونه I-94 واخذو ال10 بصمات جانو كولش متعوانين ويانه بالمطار واراها اخذونه للفندق طبعا طلعت للشارع صافن عل عالم عل سيارات كلت معقول الحلم تحول حقيقه معقوله عبرت كل هل اميال والمحيطات
استلمنه الفندق ب12 بليل بي انترنت كنكنه وطمنه اهالينه وراها رحت للغرفه سبحت وغيرت ملابسي ونمت كعدت الصبح انطونه ريوك واخذونه بالباص لمطار داخلي كلمن حسب الرحله مالته ومناك صعد ب10:30 من نيويورك وصلت ب11:35 لواشنطن ديسي طبعا طيارة كولش صغيرة بحيث حته الجنطه مكفت اخليها فاكايا انطيتها للمظيفه عبالي حتخلي بالشحن ويه بقيه الجنط من نزلت راسا عفته ورحت وساعتين انتضر الجنط جتي الجبيرة مال شحن بس الصغيرة ماكو من سالت كالو أي احتمال باقي بالطيارة وارجع سويت ورقه حته اكدر اعبر للجهه اللخ مال مسافرين واسال وادور كالو الطيارة راحت طلعت مرة لخ زين شسوي مو بس هدوم بهل جنطه حته لابتوب بي سالت بالمكتب مال خطوط الجويه همزين لكيته طلع مخلي ورايحين طبعا ورة كل هل عقبات رجعت لبيت الكفيل هلكان راسا نمت
انشالله الموضوع الجاي احجيلكم شسويت معاملات وشسوتلي المنضمه
اسف عل اطاله واي سؤال اني بالخدمه

[asdko]

رحله متعبه وانشاء الله تقطف ثمارها بالحياه السعيده و التالق
ننتظر جديدك

[امين عبد الله]

فرحة الوصول تنسيك تعب الرحلة، المهم انت اخيرا وصلت الى ارض الميعاد، امنياتنا لك بحياة ملؤها النجاح والموفقية

[ابو الامراء]

الف مبروك وصولك بالسلامه وان شاء الله حياة سعيده

[ghassan_alabdi]

السلام  عليكم . الف حمد الله على السلامة والف الف شكر على هل تفاصيل الي تبين كلشي النا بحيث كنت اقرا وعبالك اني الي بالسفر .هههههههههههه

[iraqforme]

حمدالله على سلامة الوصول والله عوض صبرك خير اتمنالك الحياة السعيدة .. الله يعوض جميع الصابرين على البلاء .
مودتي

[DR.ROMII]

حمداً لله على سلامة الوصول والله يوفقك في حياتك المستقبلية امين يارب العالمين
الله يوفقني ولكل الممنتظرين هذه اللحضات عاجل غير آجل بحق الحبيب محمد
(ويارب الكل تسافر)

[ليث سعد]

الحمد لله على سلامة الوصول وبالتوفيق حياتك الجديدة
شكرا على الدعاء

[ابو مؤمــل]

الحمد لله على سلامتك والف مبروك

[مصرفي]

مبروك اخي الكريم
متمنيا من الله العزيز ان يجعل هذه الخطوه خطوة خير لمستقبلك

[engmhmdkori]

الحمد لله على السلامة يمعود.
انشاالله كمللنا الحلقات الجاية.
واذا متحجيلنا نسحبها من الانترنت.
موفق انشاالله...............

[Lion New York]

الحمد الله على سلامتك اخوية
الله يساعدك على العذاب الي شفته بس الحمد لله عدت على خير
وان شاء الله موفق بحياتك الجديدة

[AbooReem]

مبروك اخي والحمدلله على السلامة..اليوم ثاني واحد نباركله فاتحة خير انشالله ..صحيح الرحلة متعبة لكن مميزة بعراقيلها اللي زادتها حلاوة اتمنى لك التوفيق ورفدنا بما هو جديد.

[g.l.s]

مبروك اخي والحمدلله على السلامة

[ضياع]

الله يساعدك اخي على الرحلة المتعبة

بس الحمدلله على سلامتك ويارب حياة سهلة ومريحة

تحياتي الحضرتك اختك ضياع

[ابو هفال]

الف مبروك

[TOFEE.US]

الف الف مليون مبروك والحمدلله على السلامة وان شاء الله بداية حياة سعيدة 

[URAL16]

اللة يساعدك ..... ربي يوفقك ونشاء اللة حياة سعيدة

[rozh120]

شكرا جزيلا اخوتي واخواتي عل التعليقات الحلوة صدكوني فرحت بهل تعليقات بكد فرحتي بالوصول
وهل هذه اقل شي اقدمه لهل منتدى الي ساعدني هوايه
وحجيتلكم التفاصيل لان اني من عشاق التفاصيل واعرف شغلات بسيطه ممكن تستفادون منها مستقبلا انشالله برحلاتكم واذا الله قدرني راح اكتبلكم موضوع لاخ عن الي امنضمه تسوي هنا الك وشنو حقوقكم وواجباتكم

[المهندس الزورائي]

تسلم وتعيش ع السرد اللطيف ,, فعلا رحلة متعبة جدا سبحان الله شكد عراقيل صارت ! كلها تنسي وتصير سوالف .. تحياتي

[ابو مؤمــل]

الله يكون بعونك ويسعدك بالحياة الجديده

[um shaheen]

الف الحمد لله على السلامه رحله طويله ومتعبه يارب تصير سوالف وبالموفقيه بأذن الله
تحياتي
اختك ام شاهين

[القلب المهاجر]

كل التوفيق ان شاء الله

[اونزووو]

الحمد لله على سلامة الوصول وان شاء الله الحياة السعيدة والتوفيق
تحياتي

[عراقي مغترب]

حمدا لله على سلامة الوصول.  ومبروك لكم الاستقرار ببلد الحلم اصبح حقيقة