سؤال اصدقائي ومحتاج اجابة ظرورية

[cristiano ronaldo]

السلام عليكم
طبعا اني مقيم بهيوستن راح يصير سنتين وكلشي تمام والحمدلله, وهسة كل اهتمامي وتركيزي هو اجيب صديق عمري الي هو ابن خالي هنا
علساس يروح للاردن ويقدم UN بس سمعت انو باليو ان ميصير انت تختار الدولة الي تريدهة انت وحضك اكو هيج شي ??
واذا اكو هيج شي يصير يكلهم اني عندي كفيل بامريكا وكفيلة طبعا راح تكون عمتة لان هو ابن خالي مثل مذكرت لو ميصير ??
والي عندة غير حلول ياريت يشاركني بيهة واكون ممنون
سلامي لكم جميعا
اخوكم كريستيانو رونالدو
هيوستن-تكساس

[iraqforme]

حبي كريستيانو اللاجئ مومخير يختار بكيفه الدولة لأعتبارات كثيرة  مثل انو هو يريد بلد امن يأمن بي على حياته مو يدور كرايب ولمه ومن هالسوالف ( اسف بس هذا كلام المنظمة نفسها ) فه عندك خيار واحد اذا طلعله بلد غير امريكا( وهذا شي صعب لان اغلب التحويلات على امريكا )  من حقه يرفضه بحجة انو هو ميعرف احد بكندا او البلد اللي تحوللها اياً كانت  واقاربه كلهم بأمريكا وهو شايف امريكا بلد راعي للحرية والديمقراطية ومن هالملاعيب  فه اوتماتيكياً يتحول الى امريكا بس يبقى الوقت  عاد هو وحظة ..
واسف على الاطالة . مودتي لك

[يمته تفرج]

اعتقد يصير بس لازم الكفيل يكون اقارب درجة اولى , اني هيجي قاري بالمنتدى

[apple iphone]

طبعا هو من حقة يرفض الدولة اللي تطلعة ويختار امريكا بس يتأخر هواية
وبالنسبة للتوطين بالاردن 95% لأمريكا
تحياتي

[Ghassan2]

صديقي كريستيانو !!

هم ما يرسلون العراقي الى اي دولة غير امريكا اصلا, الا اذا كان عنده كفيل من الدرجة الاولى في دولة اخرى, فأنت لا تقلق لأن هو راح يطلعله امريكا.

[امين عبد الله]

اخي الكريم

اعتقد ان الاخوان كفوا و وفوا باجاباتهم ولا جديد عندي يخالف رأيهم. لكني اود ان اضيف شيئا، هو ان يحسب ابن خالك حساب انه سيعيش بالاردن مدة كم سنة الى ان تتم الموافقة على توطينه، ولا يحق له مغادرتها. الحسابات التي اعنيها مادية ونفسية.

[مهندس احمد]

هو اذا عندة كفيل بامريكا راح ينطوه امريكا وحتى اذا ما عندة هم امريكا  لان باقي الدول عدهم كفلاء بيهة ومدتحصل بسهولة