السلام عليكم ورحمة الله وبركاته
عندي ولد اسمه (شلش) تعرفت بي قبل سنتين الولد شويه مندفع بس خوش زلمة المهم حقيقة من اجه الى تركيا كلشي مايعرف حته شنو اللجوء مايعرفه ساعدته بكثير من الامور والحمد لله الله وفقه وحصل قبول وحصل استيطان امريكا طبعاً هوه مايعرف شي منطيني رقم ملفه ويكلي شنو يصير انته اتصرف هههههههه عبالك عنده محل مال مخضر واني اشتغل بي
والله من فتحت الموقع وشفت استيطان وخلال فترة بسيطة فرحتله كأنه اني حصلت استيطان ..المهم اني جبته يمي بالبيت وفهمته كتله بابا لازم تعقل وبعد كافي وهسه الله فتحهه بوجهك وراح تروح لامريكا وتتغير حياتك وتبدي من جديد ونصيحتي الك لاتختلط بالعراقيين هنا وابتعد عن اي شي انته تعاطفوا وياك ونطوك استيطان بوقت سريع وهاي نادراً تصير ومن هذا الكلام المعدل كَال ابوسيوفي صدك جذب يمعود عد عيناك طبعا هذا شلش كارثه خبل العراقيين بانقرة ساعه تشوفه خوش ولد ومتدين وحباب ساعه تشوفه ويه الاتراك عبالك تركي وساعه تشوفه بالنوادي وساعه بالجوامع بين قوسين (ملطلط) الناس يجوني للبيت قسم يشتكون منه وعلى اعتبار هوه كلش يسمع كلامي مهما كان فادخل لحل مشاكله طبعاً تدخلي لكونه شاب وواصل مراحل اخيرة اكول خطيه اخاف يخسر كلشي وتجي رغم اني حذر من العلاقات الاجتماعيه في تركيا جدا جدا
المهم اني تركت انقرة وعفت شلش عنده مقابلة وفد فهمته بكل التفاصيل خطيه هوه جاب اصدقائه يساعدوني من نقلت الغراض الله يذكرك بالخير ياشلش
بعد مرور فترة رحت الى انقرة سالت عله شلش كالوا وين يمعود موقوف بامنيات انقرة يابه شنو السالفه كالو متعرف بعراقي وماعنده سكن خطيه وماخذته الغيرة ومستقبله يمه بالشقه وثاني يوم صديقه جايبله البوليس وشلش هوه نايم جايين البوليس وماخذي هوه والمخده ومايدري شنو الفلم؟؟ اني صدك ضحكت عمي كتلهم شلش كلشي يسوي بس مال يمد ايده ويخون صاحبه مستحيل واني مجربه وعرفته شنو بس هوه يدور درابين تعبانه ويحب يساعد ويختلط بالناس ..المهم اني من جنت بانقرة صار عندي معارف بالامنيات رحتلهم وطلبت ازور شلش والله حصلت موعد زيارة وادخلك والكي شلش شنو يابه كاعد بفندق مو سجن ها خويه شخبارك خطيه ظل يبجي ويحلف ماماخذ الفلوس كتله انته قابلت وفد كال اي وبقالي بس الفحص كتله خابرت لليوان كتلهم انته مسجون كال اي خابرت ووديت ولد الهم كلوله احنه ما النه اي علاقة عرف ولف بشلش كلهم يابه مو هو تحت حمايتكم جان كلوله لا يابه هو تحت حماية الحكومة التركيه هاي شلون؟ جان يكول خابرت لل اي سي ام سي اي وشكَلولك؟ كلوله احنه ما النه علاقه باي شي يابه شلون لعد شسوي ؟؟كلوله رتب امورك وهذا الشي يخص الحكومة التركيه؟؟؟؟؟؟؟؟
اني صبرته وكتله الله كريم والحق يطلع ورجعت لان حقيقه ماعرفت اخدمة بشي وادري بي مظلوم
والله ورة ايام اسمعت شلش طالع من السجن لان حققو ويه المشتكي وبأسالبهم البوليسة اكتشوا ان المشتكي يتردد على مكاتب (الدوفيز) الصيرفه وهوه كايللهم فلوس ماعندي جابوا المشتكي نص ساعه كاتهن كلهن وطلع المشتكي (قفاص) يجي لتركيا يقفص يالعوائل والشباب مستغلا طيبة وسذاجة البعض
هذا شلش رجع للساحه ونقلوا لغير محافظة خابرني كال اني ما اكدر اعوف انقرة شلون تعلمت عليهه كتله بابا انته بقتلك بس فحوصات وراح اطير للعلم في وقتها كانت الملفات سريعة وطيران بعد الوفد اكثر شي 3 اشهر بوكتهه حركة سفر قوية المهم كال راح بس اوقع وابقه بانقرة ظل اسبوع وشهر يوقع بعدين بطل كال انطيهم غرامة من اسافر لان تعبت روحه وجيه وخلاص ....طبعاً حاجين براسه جماعتنه وقافل عله هاي السالفه
ورة فترة خابر شلش لل اي سي ام سي كلهم يابه يمته اسوي فحوصات كلوله احنه نخابرك والحمد لله على سلامتك من طلعت من التوقيف واعذرنه لان ما عدنه اي صلاحيه اتجاه الموقوفين؟؟؟؟
والله ورة فترة خابرني رقم غريب بالليل طبعاً اني ورة الساعة 5 عصراً لو يخابر ابوي ما اجاوبه لأن بوكتهه جنت من التسعه الصبح للخمسه مخلي المبايل ومكابله اخاف يتصلون اليوان واخلص دوام وياهم بعد اخلي صامت وانتظر ثاني يوم بعدين اتصل رقم اعرفه كال يابه خابرك شلش كتله لا كال رقم غريب كتله اي اتصل هيج رقم كال هذا رقم مال الامنيات وشلش موقوف....هههههههههه هاي خويه شبي شلش ؟؟؟؟كال خطيه رايح لغير محافظة وكامشي البوليس وطالبين الكملك منطيهم ورقة اليوان كلوله شنو هاي ؟؟كلهم اني لاجيء ومقابل وفد وراح اروح لامريكا كلوله اي بس تفضل ويانه وتدلل يكول شلش لكيت الجو محترك بالتوقيف حمله قويه بوكتهه المهم مخابرين الانيات عله اليوان كلولهم بويه يا شلش عرف ولف احنه ما النه علاقه انتوا اتصرفوا طبعاً الضابط الي يخابر سولف لشلش شكلوله يكول شلش جان اطكَهم بورقة (التي يو) كلوله شنو هاي ؟ كلهم هاي مال اي سي ام سي كلوله تدلل هسه نخابر جان خابروا كلولهم عمي احنه منظمة نساعد على مقابلات الوفد شلنه علاقة بيكم وبشلش .....
كتله خوش زين اني شكو مخابريلي الامنيات؟؟كال لا مو الامنيات بس الرقم مالهم هذا شلش يريدك تروح لاسطنبول حته يساعدوا كتلو حلووووووو واني شنو مدير ادارة ما اي سي ام سي لو اخوي هناك كتله عمي سلملي عله شلش ولاعرفه ولايعرفني اني حاير بضيمي (شديت الجينكو) مو صارت صدك ههههههههههههههههههه
طبعاً شلش يكلهم اني ضارب امنيات وامنياتي الصحيحة بفلان محافظة كلوله ماعليك هذا شغلنه احنه نتحقق بالموضوع واربع اشهر شلش بالسجن عله ما اتاكدوا من امنياته رغم وجود الحاسوب؟؟؟؟؟وهذه عقوبه بحد ذاتها
كلوله شوف هاي الخاطر الله ماراح انرحلك ولان انته واصل للسفر بس اذا عدتهه ماتلوم اله نفسك والحمد لله اطلق سراح شلش للمرة الثانيه (والما يطيع ...يضيع..موووو)
ولو طولتهه عليكم انتابني الفضول كلت خلي اشوف ملف شلش وين واصل والله فتحت الملف لكيت بس استيطان منذ الشهر الثامن/2013 صدك انصدمت خابرت عله صديقه كتله شنو الفلم ليش ماكو موافقه وباقي ملف شلش ؟؟ كال ابوسيف لحد هاي اللحظة ممخابري عله فحوصات ولانتيجة وفد وكلما يخابرهم ( يكلوله بدك تستنه)
طبعاً شلش قابل مقابلة محلف نهاية /2013 وباقي الى يومنا هذا مايعرف شنو مصيرة رغم ان الله سبحانه وتعالى وفقه كثيراً ونقذه من مصائب تعرض لها الا انه لم يتعض ونسى ذكر الله
هذه القصة واقعيه وحدثت من زمن قريب جداً وفيها حكم ومواعض كثيرة لعوائلنا الكرام واهم مانستفاد من هذه القصه او مثل ميكولون رباط سالفتنه لحد يعتمد ويكَول اني لاجيء ومقبول ومحد يوكف بوجهي واليوان ساندة ظهري والله لن ولن يتدخلوا باي موضوع يخص الحكومة التركيه واوكد واجزم بذلك يجب علينا الالتزام بالمحافظة الي يخصصوها للاجيء ثقوا يا اخوان ارى شباب من غير محافظات يسكنون في محافظتي اكلهم بابا مايصير مو اتأثر عليكم وعلينه يكولون شيردون يسوون خلي يسوون؟؟؟؟عجيب
بل اجد عوائل غير ملتزمة وضاربه امنيات ولا يمهم السالفه وبعدين يعضون اصبع الندم عمي اتحملوا سنتين او ثلاث ولعبوا بكيفكم ولا يمهم السالفه
وهم رباط سالفتنه شويه خلي نحدد طلعات واختلاط اولادنه لانخليهم براحتهم لأن وضعنه صعب جداً تابعوهم حتى في المدارس حتى من يوكفون بالبلكونه حتى اصدقائهم راقبوهم او ابعدوهم من الاصدقاء افضل لكم اخواني اخواتي هذه تركيا وليس سوريا ولبنان وعمان ومصر اقل مشكله تحدث تواجهك مصيبة اللغة وحتى لو لديك حق يضيع على ما تلكيلك مترجم اذا مو المترجم يلعب بيك طوبه ؟؟....عندي سالفه الكم ثانيه تخوووف كلش وهم قصه حقيقية
اختم لكم بهذه الوقائع
الان ظاهرة جديدة يوجد البعض من الشباب العراقي المنحط خلقياً يتربصون لكل شخص لديه موعد طيران عمي هذول شنو شغلهم اذا تاكدوا من شخص لديه طيران مباشرة يحوكوا له خطة توقعه معهم بمشكله يقومون برفع دعوى في البوليس طبعاً هاي كارثه موعد سفر وعليك دعوى بالشرطة ؟؟؟.....بعدين شيسوون يضلون يساوموك على مبلغ معين مثلا 2000$ عمي تنطينه لو نمشي الدعوى وهم تتوسل شويه وتذل نفسك الهم وتدخل زلم خيرة ويوكعولك منهن وتنطيهم فد 1000$ ولحد يكول اني واني واشتكي عمي موعد سفر تعرف يعني شنو؟؟لو يذبحون ابنك هم تقبل؟بالله عليكم شنو الحل في مثل هذا الموقف؟؟؟؟اني عن نفسي انطيهم واخلص لان اذا دخلت بمركز شرطة في تركيا وحتى لو دعوى كيديه بس الله اليستر وماتخلص بالشهرين كله مواعيد وحجز جلسات ولنفرض جدلا لو يتنازلون من الدعوه تبقه مشكله الاتراك لديهم تطبيق حكم الحق العام طبعاً للعلم وانا انصحكم لله اخوتي اخواتي يوجد حتى نساء معهم مشتركة بالموضوع جزاكم الله خيراً انتبهوا لهكذا امور (ومن خاف سَلِم )
اعتذر على الاطاله وحبيت انغير جو ونطلع من الروتين وهم تتسلون بالسالفه واعتقد فيها الكثير يخصنا جميعاً
تحياتي لكم
اخوكم
ابوسيف
