مرحبا اخوتي وخواتي الكرام
اليوم بس حبيت اقدم نصيحة هي سهلة وبسيطة ولكن مفيدة كلش للاخوة الي يريدون السفر والي احتمال سفرهم عن قريب والنصيحة هي تعتمد على معادلة سهلة وهي انه الشغل يعتمد هنا على ثلاث شغلات وهي
القوة في اللغة الانكليزية
القدرة على السياقة واستعمال السيارة
ثم الخبرة الوظيفية في مجال اختصاصك
وتشوفون هنا انه خليت الخبرة الوظيفية في المرتبة الثالثة ؟؟؟ طيب ليش؟؟؟
اكلكم ليش يعني لو واحد عنده خبرة نكول بالتدريس وهو شاطر كلش بهالمجال مثلا مدرس احياء لحد هنا حلوة الشغلة واحد مبدع بالاحياء بس وين المشكله شنو الفايدة ان ما عرف لغة يعني كلشي مراح يكدر يوصل للطلاب والمدرسة والمدرسين والمدير والاداريين الي راح يوظفو يعني من راح يقابلو يشوفو مي جمع كلمة مع بعض فمعناها ما فادته الخبرة مالته وان كانت جيدة بس نشوف العكس لو واحد عنده لغة قوية وما عنده خبرة بمجال معين هنا راح يشتغل بسرعة يعني يبدي يتعلم ولغة جيدة راح يوظفو ويعلمو المهم يكدر يشيل نفسه يشتغل بفندق بمطعم باي شي عنده لغة بس عنده شهادة وما عنده لغة حتى الفندق راح يكله صعب اوظفك لان مراح تعرف تتعامل مع البشر, لهذا الشخص هنا من يجي اول شي المنظمة الي كافلته راح تنطي دروس مال انكليزي علمود تقوي اللغة مالته علمود يحاول يشيل نفسه بشغل معين لان مثل ما تعرفون هنا المعونات مالتهم هنا محدودة كم شهر, وراها يطبقون شعار يمضون وتبقى
يعني تبقى تحير بنفسك وعائلتك
فعليه اخوان نصيحة من اخوكم الدراسه بالعراق اللغة رخيصة ومعاهدنا رخيصة قياسا لغير دول وهنا وهم بنفس الوقت انت من تجي هنا راح تشوف وياك بدرس اللغة الي يخلوك بي عشرات من اللاجئين غير العراقيين يعني كينيين صوماليين صين هند باكستان شرق استان غرب استان وسط استان فهذولة كلهم راح يزاحموك على الشغل ؟؟؟ زين شلون تكدر تتفوق عليهم وتحصل وظيفة وفرصة اسرع من غيرك ؟؟؟؟ هو اللغة الجيدة مالتك والي لو تعلمتها وقويتها بالعراق راح تختصر عليك الوقت والمصاريف والجهد وهم الشي المهم المهم الاخر هو تعلم السياقة للي ما يعرف خلي يتعلم هناك حتى لو نص الخبرة بالسوق نص ستاو هم مو مشكله لان هنا الكل تستعمل السيارات والكثير من الوظائف ما توظفك ان ما عندك سيارة وتكدر تشتغل تكسي وكثير شغلات اخرى ,
على العموم هاي بعص النصائح الي يكدر ينطيها للي بعده هناك علمود يستفاد منها ويعمل عليها ويخليها هدف بباله لان تفيدة بمستقبله هنا
تحياتي
