حتى ال UN صارت بفلوس !!!

[Valantina Asaad]

جذب انتباهي بعد هذه الظروف التي مر بيها العراق وازدياد الهجرة خاصة الى تركيا عدة نقاط خلتني اتيقن ان (الواسطات) والرشوة موجودة حتى برا العراق ,فالناس التي داتجي هسه لتركيا ومثل ماتعرفون أنو ال UN داتنطيهم فترة طويلة قد تمتد الى شهور (للتسجيل فقط) لكن اللي دايصير هو ان الي يدفع فلوس قد تصل ال 2000 $ تقدم له فترة التسجيل وهذا كله على حساب الناس والي داتنتظر اشهر وداتصرف فلوسها بس علمود تسجل باليو ان وهالشي انتشر حتى عالفيس بوك يكولك اذا تدفع فلوس انقدملك موعد التسجيل وهالشي صار مع هواية جماعات نعرفهم جايين قبل شهر وسجلو واستقرو بمناطقهم والتلاعب الي دايصير من قبل العراقيين مو طبيعي معقولة ال UN مغمضة عن كل هالسوالف ؟؟؟.
ممكن الي عنده علم بالموضوع يفهمني شنو السالفة وليش هالتفرقه وشنو هالظلم؟؟؟؟؟ هالشي معناه حتى بالسفر اكو جماعات تفضل عن الاخرى .

تحياتي

[TOFEE.US]

اليوان مالها دخل احنا مو خوش شعب وين منروح نحركها يعني اليوان مال سوريا صارت بيها رشاوي من وره العراقيين واليوان مال عمان هم وهسه اليوان مال تركيا احنا شعب محد يفكر بغيرة محد يحس بغيرة كلمن يريد اله حتى لو على احساب الاخرين

[Valantina Asaad]

اذا ال UN ماالها دخل لعد منو الي دايقدم المواعيد؟ شون دايمشوها ؟
احنا صارلنا 4 شهور منتظرين بس التسجيل والي اجا البارحة سجل واستقر بمنطقته وفوكاها يضحك علينا يكول روحو دفعو 2000 دولار لو شوفلك كرسي مال معوقين وروح يقدمولك الموعد !!!
مع العلم انو احنا اول مااجينا لتركيا كلولنا لاتدفعون ولا فلس علمود تقديم مواعيد لان كلها نصب شو هسه صارت السالفه رسمية والكل دايسووها

[iraqforme]

اخي العزيز . بكل مكان صارت الفلوس هي المادة المحورية للتصارع عليها سواء يوان او اي او ام او  اي منظمة وذلك بسبب بعض النفر الضال من ابناء شعبنا اللي دخلو وسطاء بحجة مندوبين عن ابناء جلدتهم وهمه بالخفاء يتفقون على المبالغ والتسعيرات لكل ملف ( هذا الكلام يشمل تركيا والاردن ومصر ) ومو غريبة علينا قضية الرشاوي واذكرك بالضباط الامريكان المارينز اللي كامو ينطون ايميلات ويكفل الكيس ب10000$ !!! وكله بسبب الوسطاء اللي علموهم على الرشوة والكسب السريع.
ملخص الكلام اكلك السالفه مو جديدة علينا لان  باالاصل راس السمجه خايس  (واللبيب بالأشارةِ يفهمُ)
مودتي للجميع

[Valantina Asaad]

الله موجود مانكدر نكول غير شي ... محد دايحس بينا مع الاســــــــــف

[TOFEE.US]

اذا ال UN ماالها دخل لعد منو الي دايقدم المواعيد؟ شون دايمشوها ؟
احنا صارلنا 4 شهور منتظرين بس التسجيل والي اجا البارحة سجل واستقر بمنطقته وفوكاها يضحك علينا يكول روحو دفعو 2000 دولار لو شوفلك كرسي مال معوقين وروح يقدمولك الموعد !!!
مع العلم انو احنا اول مااجينا لتركيا كلولنا لاتدفعون ولا فلس علمود تقديم مواعيد لان كلها نصب شو هسه صارت السالفه رسمية والكل دايسووها

اخي هاي بس موعد التسجيل ياخذون فلوس لان الي يشتغلون بهاي المنظمة عراقيين وعرب وهمه متفقين بيناتهم اما اليوان متعرف بيهم لان محد يبلغ عنهم

[eidalmajed]

هالموضوع ذكرني بشخص كنت اعتقد انه صديق حاول ينصب علي مع محامي بالاردن  عنده مكتب بشارع الامير محمد طلب مني 1500 دينار وقال انه يضبط الملف بالمفوضيه بس وانا داخل المكتب لقيت واحد عراقي يبكي وماسكينه شخصين يحاولون يهدونه الظاهر انه قارصينه وماخذين منه مبلغ والله اعلم  فانتبهوا من النصابين ولاتدفعون رشاوي

[مظلومين]

كل المجتمعات بية الصالح والطالح واني برئي المنظمة هية المسئولة والدليل على كلامي المنظمات الي باوربا

[عراقي مغترب]

شر البلية مايضحك.

[Valantina Asaad]

اشكركم جميعا على ردودكم وبس ملاحظة اني بنية مو شاب ولمن حجيت عالكرسي مال معوقين جان الكلام موجه للوالد كلوله هسه روح ادفع 2000 دولار و سوي نفسك مريض ويقربولك الموعد ,,ادري UN مداتشوف قابل العراقيين كلهم مقعدين ومرضى لو شنو !

[alwaleed88]

اذا صدك هذا الحجي روحوا المفوضية وطلبوا مقابلة المدير وقدموا شكوى بلكت ينزاحون أهل الرشاوي وتتقدم كل المواعيد

[مهاجر بلدي]

اخواااااااان صح كلامكم بس اكو حالات مشابهه اليو ان شكو بيهم لان من قارنو تاريخ دخولهم مع وقت التسجيل الي هيه وره يومين من دخولهم او ٣ ايام عرفو انو همه دافعيين رشوه لان مثل متدرون مواعيد التسجيل صارت لاكثر مت 5 اشهر فلي صار كامو اصلا يخابروهم ويأجلون مواعيد مقابلتهم الاولى وصارت حالات منهم شخص دفع رشوه وسجلو بنفس اليوم ونطو موعد قريب للمقابله لما المنظمه جيكت اتصلو بي واجلو الى اشعار اخر
يعني بين قوسين لتخاااااااافون الله ميضيع تعب احد
وخلي ينطووون فلوس وخلي يسجلوووو بنفس اليوم ومقابلته بعد 5 اشهر هسه يتصلون بيهم يأجلوهم الى اشعار اخر لان صارت هوااااي حالات هيج
وثانيا كونو على ثقه تره اليو ان متفوتهم هيج شغلات يعني بين قوسين خلي يدفعوووووون فلوس اول وتالي يأخروووو بالمقابله الاولى ويقدموووون الي انتظرو تسجيل فقط مدة ٥ اشهر
وان شاءالله تثبتلكم الايام كلامي

[MARK ANTONYO]

حتى الامم المتحدة ارتشت هزلت

[Valantina Asaad]

اشكر مروركم جميعا ...
الأخ مهاجر بلدي ,الناس الي هسه دايروحون للتسجيل كالو داياخذون جوازاتنا يتاكدون من تاريخ دخولنا لتركيا يعني مثل ماكلت احتمال اهنا راح ينلكفون جماعة الواسطات وانشالله اتكون ال UN عادله واتخلي هالشي وفترة الانتظار بنظر الاعتبار .
تحياتي

[iom 2013]

و لله شغلة غريبة
يعني انتو من طلعون من العراق عبالكم باقي الناس او الموظفين في الدول الاخرى ملائكة !!!!!!

[Valantina Asaad]

لا أخي مو عبالنه ملائكة بس عبالنه اكو عدالة وعبالنةبال UN ماكو تلاعب بس وين يروحون من الله الي دايسوون هالسوالف

[المهندس الزورائي]

ما اعتقد اكو هيج حالات في UN الامارات ( وهذا نفس تعليقي اللي كتبته عن الموضوع بالفيس ) رغم ان الكيس يطول لاكثر من 4 سنوات على اقل تقدير !

[iraqforme]

اذا صدك هذا الحجي روحوا المفوضية وطلبوا مقابلة المدير وقدموا شكوى بلكت ينزاحون أهل الرشاوي وتتقدم كل المواعيد

اخي الوليد بهيج مواضيع ميصير تقدم شكوى اذا ماعندك دليل ملموس ودامغ لان اذا ماعندك دليل الموضوع كله ينكلب ضدك . هي هاي قوانينهم .

[يعقوب بغداد]

السلام عليكم ...موضوع فلوس ورشاوي ما اصور الموضوع بهذا الكبر ..لان الموظف بالمنظمه من يشوف واحد بكرسي معوقين او حاله طبيه صعبه ما اعتقد راح ياخره ..حته لو كان هذا الشخص كذاب او متحايل ..لاكن تره ينكشف بعدين وهاي نومته ..المهم المنضمه بدلت اكثر الموظفين وجابت موضفين جدد وكثفت من الرقابه ..وان شاء الله هاي الحاله تختفي

[يوسف البابلي]

حبايب خلي نحجي شغله حض وبخت ..يعني منو منكم شاف شي بعينه ...اني متاكد محد شاف اي شي وكل هذا الكلام مو صحيح لان المنضمه فد شي كلش جبير صعب اي موضف ياخذ رشوة .. بعدين هيه عده مراحل مو مرحله وحده ..وكل مرحله اله موضفين يختلفون عن اللخ..يعني التسجل موضفي ما الهم علاقه بموضفي المقابلات ..والقانونيه موضفيهم ابد محد يشوفهم او يعرفهم والتوطين هم ..وبعدين الجان الي تقابل الي طلعلهم التوطين والمحلفين لا يابه ..هيه الشغله صار زخم هوايه وتاخرت الملفات وكام كل واحد يفتي بكيفه