السلام عليكم
تم الاتصال بي قبل اربعه ايام لتحديد موعد سفر بتاريخ 7/12 وموعد فحص يوم 4/12 بس ماعرفت شنو فحص هل هي الحبايه اللي يحجون بيه الاخوه بالموقع المحترم او غير شي وايضا حددوا لي عدد الحقاءب اللي لازم اخذه وهي اثنين وزن 23 وحقيبه اسمه هاند باك وحده واخبرني انو قبل السفر ابثلاثه ايام راح يتصلون بيك حتى يحددوا الك وقت الرحله
بس سؤالي هو اني عندي مبلغ بس تقريبا 1500 دولار راح يكفني هناك واني ماعندي كفيل المنظمه هي كافلتني وايضا اني اشتغل بالبصره بالنفط تقريبا هذا ثاني شهر ابشركه وذرفور اشتغل مهندس سلامه وعندي لغه والحمدلله اشتنصحوني ابطل من الشركه واروح لامريكا واني رايده كلش بس اصدقاء كالو اخذ وياك فلوس بس والله احتكم على بس هل المبلغ زين المنظمه راح كبل سكني لو راح اكضيه ااجر واكل بالمطاعم ساعدوني الله يخليكم واني اخوكم من بغداد وراح اطلع ابوحدي ماعندي اي واحد كدامي..ها صدك اتصل بيه ابو المنظمه سالني على واحد اسمه عبدالستار صرماط ماعرف هيج اسم ابوه كتله شبيه كال عنده موعد سفر اندك عليه ومانحصله كتله بلكت بالليل اتحصلوه خطيه حاولو لا اتركز كالي اكيد هو احنه مطلوب منه انو لازم نتصل بيه واجبنه
وشكرااا
