اخوان مشكله ارجوا تساعدوني بيها

[likeman]

السلام عليكم  اخوان ارجو مساعدتي بخصوص ماحصل  اليوم اتصلت المنظمه بي وسالتني الموظفه هل انت حاليا مهدد جاوبته لا بس صارلي سنه من تارك بيتي علما انه رافع كل المستمسكات الهم ومن ضمنها  قصه التهديد سؤالي شغلتي انلاصت حاليا لو عادي زين الاتصال شنو الفائده منه اذا ماكو منظمه ومقابلات بالعراق حاليا واني هم سالتهم على رجوع المنظمه كالوا قريبا تخدير اعصاب  شنو اسوي بهاي الحاله سمعت اراء مختلفه ومهبطه صراحه  ارجوا  الرد واكون شاكر جدالكم

[alwaleed88]

عفواً أخي على أي أساس قلت لا؟
الوضع بالعراق بعده خطر وطالما تعرضت للتهديد سابقاً هذا لا يعني أنك بأمان الآن
ثم إجراءات المنظمة مرتكزة على التهديد الفعلي لمقدم الطلب وأنت بهذا الجواب نفيت سبب تقديمك للطلب وأزلت الخطر عنك
لا أريد أن أسبب لك الإحباط ولكن جوابك لم يكن موفق وأسأل الله أن لا تكون المكالمة مسجلة أو تمت كتابة الإجابة

[Lion New York]

اني ماتفق ويا الاخ الوليد بالرئي لان عند اتصال المنظمة للشخص همه فقط يستفسرون اذا ماحصل اي تهديد جديد حتى يضيفوا الى الملف
ولكن ما راح تحصل اي مشكلة اذا كال صاحب الملف انه لاجديد من ناحية التهديد او اي شي اضافي الى الملف ويكتفي فقط بالاستفسار حول وضع ملفه
يعني الموظف مو من صلاحيته انه  يشيل التهديد الاول الي تكلم بخصوصه صاحب الملف عند اجراء المقابلة الاولى
همه فقط يتصلون اذا كان صاحب الملف عنده شي يريد يضيفه الى الملف

[likeman]

اخواني بس اني ذكرت انه انا خارج منزلي منذ سنه تقريبا وعدهم قصه التهديد الاولى اوكي
اذا كلام الاخ وليد صحيح شنو الحل ؟؟؟؟؟

[Carloiraqi]

ليضل بالك اخوية موضوع كولش عادي وجوابك ما بي اي مشكلة لان مقل ما كالو الاخوة همه من سألو على تهديد جديد وانت حاليا مهدد بشكل مباشر بغض النضر على الاوضاع العامه فه يا اخوية لتخاف ابد

[alwaleed88]

الأخ lion new york
كلامك صحيح في حالة سؤال الموظف عن تهديد جديد ولكن صاحب الموضوع لم يقل ذلك
يوجد فرق بين السؤال (هل تعرضت لتهديد جديد) وبين (هل أنت حالياً مهدد؟)
أعتقد الفرق كبير وواضح
السؤال الأول لا بأس أن يقول لا، أما السؤال الثاني إن قال لا يعني أن الخطر زال
 
صاحب الموضوع أعلم بصيغة السؤال

أخواني يجب الحذر كل الحذر عند أي اجابة للمنظمة، هذا لمصلحتكم

[likeman]

اخي العزيز انه غلطت بالكتابه سالتني الموضفه على تهديد جديد  واكن جوابي لا لايضاح واسف على الخطء وشكرا جزيلا

[rafula]

اخي العزيز انه غلطت بالكتابه سالتني الموضفه على تهديد جديد  واكن جوابي لا لايضاح واسف على الخطء وشكرا جزيلا

اخي احجيلك اللي صار وياي اني هم مثلك اتصلت بية المنظمة وسئلتني اكو تهديد جديد كتلهة حاليا ماكو بس اني خايفة جدا كالت اوك مع العلم اني ملفي كان قيد الدراسة لمدة سنتين واني تقديم ٢٠١٠ هذا الاتصال قبل شهر ونص طبعا انتضرت ورة الاتصال عادة رسالة تجي هالمرة ماكو رسالة ثاني وساعة ٩الصبح واصلة رسالة قيد الدراسة العادية ...... ساعة ١١.٣٠ وصلني ايميل الرفض وطريقة كتابة الاستئناف ادعو من الله ان تعبر قضيتك

[likeman]

والله دخت من الاراء ماعرف شسوي الردود مابين ايجابي وسلبي والله كريم احاول ابعث ايميل الهم افهم بالوضع واختلق اعذار بلكي تمشي الامور

[likeman]

اخي احجيلك اللي صار وياي اني هم مثلك اتصلت بية المنظمة وسئلتني اكو تهديد جديد كتلهة حاليا ماكو بس اني خايفة جدا كالت اوك مع العلم اني ملفي كان قيد الدراسة لمدة سنتين واني تقديم ٢٠١٠ هذا الاتصال قبل شهر ونص طبعا انتضرت ورة الاتصال عادة رسالة تجي هالمرة ماكو رسالة ثاني وساعة ٩الصبح واصلة رسالة قيد الدراسة العادية ...... ساعة ١١.٣٠ وصلني ايميل الرفض وطريقة كتابة الاستئناف ادعو من الله ان تعبر قضيتك





حبيت استفسر اني ملفي فعال  بس ماكو ولا مقابله يعني بهاي الحاله من يجي رفض اكدر استانف او اسوي فد شي لان اني ماذكرت شي مخالف سوى انه هاي الفتره لم اهدد ولكن تارك منطقتي وبيتي منذ تقريبا سنه

[Lion New York]

اخوية انت مقابل مقابلة اولى لو لا ؟
حيرتنا وياك ؟
اذا مقابل مقابلة اولى وحاجيلهم قصتك والتهديد ( لان اكو مقابلتين )
ميجيلك رفض لتخاف
لان الرفض يجي في حالة اذا جنت انت مقابل محلفين ( اللجنة الامريكية )
والمحلفين ينطون ( قبول , قيد دراسة , رفض )
واذا ممقابل ولا مقابلة مجرد عند رقم ملف وبعدك تنتظر مقابلة اولى هم ماكو مشكلة
لان البرنامج مفتوح لكل الي مشتغلين مع الامريكان
وسالفة انه ممكن يشوفوك ما مهدد ويسدون ملفك هاي ورا ماتقابل المحلفين
وماكو شي اسمه مو مهدد كل الي مقدمين على البرنامج المفروض مهددين
لذالك المحلف يدرس ملفك وياخذ القرار النهائي ( بعد المقابلة )


اتمنى تكون وضحت الصورة الك وماتضل قلقان من الردود

[alwaleed88]

الحمدلله ردك منطقي وهو نفي التهديد الجديد وليس التهديد بشكل عام
وأنصح نفسي وأخواني بأن نكون حذرين ودقيقين بأي تعامل مع المنظمة سواء مكالمة لو رسالة لو مقابلة ونسمع السؤال عدل ونجاوب بشكل مناسب
لأن السالفة بيها حياة أو موت بصراحة
الله يوفقك أخوي