ممكن احد من اوهايو

[ابو عسكر]

تحية طيبة اخوان,
ممكن احد من ولاية اوهايو, لان اريد احول الى ولاية اوهايو بدلا عن نيويورك مدينة اثكا عندي وصولي الى المطار انشالله,
فارجو من الاخوان اللي بولاية اوهايو ان ينصحونا, يعني مثل اي المدن افضل, نوعية المساعدات ,الاسعار و نوع التعامل من قبل الناس وايضا فرص العمل.
واكون  ممنون اذا كان هناك كفيل.
مع العلم ان موعد سفري بداية الشهر القادم
مع بالغ التقدير والامتنان

[سيد النيل]

مانصحك تغير هسة اي شي بملفك ولا تغير الكفيل لئن راح يعرقل اجراءات السفر. ورة متسافر وتوصل بخير وسلامة لامريكا وتكمل جميع اوراقك وهذا الحجي ياخذ 3 شهور وراها عود فكر تغير مكان ايثامتك بس هسة مانصحك واني مع العلم اهلي وقربائي كلهم بولاية اوهايو كولومبوس المساعدت عدهم جيدة ولايجارات رخيصة ومتوفرة فرص العمل نسبا للغه مالتك

[ابو عسكر]

الاخ سيد النيل,
اشكر مرورك الكريم و النصيحة الاخويه , ولكني ذكرت في الموضوع اني ساطلب تحويلي الى ولاية اوهايو عند وصولي الى مطار نيويورك كما ذكر الكثير من الاخوان انه يحق لللاجئ طلب تحويله الى ولاية اخرى او مدينة اخرى عند وصوله الى اول مطار في الولايات المتحدة.
ومع العلم ان كفيلي في نيويورك هو شقيقي وبالاضافة الى ان المساعدات في نيويورك جيدة الى حد ما, الى انها تعتبر مدينة غاليةوفرص العمل تكاد تكون قليلة.
وكما اني قد قراءة بعض المواضيع التى تقول ان ولاية اوهايو ذات شعب ودود و غير عنصري . بالاضافة الى ذلك فاني رايت ان ايجارات السكن فيها مقارنة بنيويورك تعتبر رخيصة.
لهذه الاسباب طلبت بعض المعلومات من اناس يعيشون في هذه الولاية حول اي المدن افضل من جميع النواحي التي تهم اللاجئ .
مع بالغ تقديري وامتناني لكم

[apple iphone]

up

[ابو عسكر]

يعني معقولة بس الاخ سيد النيل عنده احد باوهايو , يمعودين ترى ماباقيلي بس 20 يوم واسافر ومحتاج كفيل او احد باوهايو لان قررت ان مااروح لنيويورك .
يعني اقلها فد شويه معلومات عن الولاية والمدينه الافضل لللاجئ بيها من ناحية السكن والعمل والدراسة , وشلون تعامل الناس ويه المسلمين اللي هي اهم نقطة خاصة نظرتهم للحجاب.
بالاضافة الى المساعدات شلون راح تكون والتامين شيشمل ؟؟؟
رجاء اخوان اللي يمتلك معلومات لايبخل بيها على اخوته , لان اني عندي 2 من اشقائي بنيويورك وقالوا انو احتمال ينتقلون الى اوهايو ايضا . لان شتاء نيويورك صعب وايضا المدينة غالية جدا والعمل قليل.
مع تمنياتي للجميع بالتوفيق

[موزارت]

اخي الكريم
اني من ولاية اوهايو مدينة كولومبوس
المدينة جيدة وامينة نوعا ما الحمد لله
الايجار بالنسبة لبيت غرفتين نوم وحمام ونص وبيسمنت ب 800 دولار عدا الماء والكهرباء
افضل المناطق هي دبلن وهيليارد والبثل رود ومليانة عراقيين وعرب
جوامع متوفرة محلات عربية متوفرة حتى حلاق عراقي موجود ومطاعم عربية ايضا
المدارس ممتازة العنصرية تكاد تكون معدومة منين ما تمشي تشوف محجبات يمكن اكثر من الامريكيات ههههههه
المساعدات تامين صحي للاطفال وللعائلة مستمر اذا كان دخلك دون الحد المقرر وفود ستامب لكن اي شي ثاني لا تعتمد عليهم
الشغل متوفر بالوير هاوس واللي اكثره شغل كراب ووكفة عالرجلين والاجور تبدي من 8 دولار وانت صاعد

جان كتلك اكفلك اني لكن اعذرني عندي ظروف وبطلت من شغلي وحالي متخربط هالايام
من سلبيات المدينة انها كئيبة جدا والحياة تنتهي ساعة 6 المغرب وباردة كلش بالشتا بس اظن اغلب امريكا بهالشكل

واي سؤال اني حاضر بس قليل كلش افتح الموقع ولله ييسرلك امرك