مكاتب الهجرة في عمان الاردن

[inter]

السلام عليكم
اكو مكاتب بالاردن يسوون هجرة عن طريق كفيل لاستراليا منو عنده معلومات عن هذي المكاتب و مصداقيتها. علما بان اقربائي قدموا و طلعتلهم هجرة الى استراليا عن طريق المكتب بس احب اخذ اكثر معلومات منكم.

[iom 2013]

الهجرة الى استراليا متوقفة حاليا وكلامي هذا مو تسفيط كلام لا عن تجربة في اخر 3 اشهر لم يحصل اي شخص مقدم على الهجرة على رقم فايل نمبر . واني شخصيا قدمت معاملتين اثنيناتهن انركن على الرف

[ahmed842013]

ياريت لو تنطونه معلومات حتى نقدم

[inter]

حبي اي او ام اني اعرف ناس معرفة تامة مقدمين على استراليا و طلعتلهم وو الموضوع بحثت عنه بالانترنيت و لكيته صحيح و اكو اشخاص بالمنتدى هذا مسوين نفس الطريقه و طالعتلهم بس ما اعرف ليش لحد ما ردوا اي رد. على فكرة صاير ضعف بهذا المنتدى و الاعضاء خاملين الا كم واحد.

[iom 2013]

اخي inter
يعني شنو تعرف ناس طلعتلهم زين استشيرهم للناس هؤلاء الي تعرفهم . و كفالة الصديق حاليا متوقفة بس كفالة من الدرجة الاولى تمشي واني من ده اتكلم مو كاعد بعمان واسولف اني بأستراليا ودائرة الهجرة عن بيتي 20 دقيقة ونايم بابهم لان مسوي كفالة لاخوية وصارله 3 اشهر مه طلعلة رقم فايل نمبر وصديقي اهنا هم مقدم لاخو ونفس الشي صاير وياه مع العلم قبل سنة ونصف قدمت لابنه عمي كفالة وره عشرة ايام طلع رقم الفايل نمبر وهي لحد الان تنتظر مقابلة محد سئل عليها . اما المكاتب الي تسوي كفالات طبعا يسوولك البحر طحينة وبعد دفع المبلغ اخذ منهم ليل وعتابا

واذا ده تشوف كلامي مو دقيق سوي الي انت مقتنع بي اني بلغت اللهم فشهد .

 

[hellousa]

كفالة الصديق غير متوقفة حاليا بتركيا شغالة بس الظاهر انو المتقدمين من الاردن ومصر اعدادهم كبيرة وبعضهم يشتري الكفالة بفلوس وبعلم مكاتب المحاماه عشان كذة توقفت تلك الكفالات في مصر والاردن بشكل اكبر راسالت في اكثر من مرة دائرة الهجرة الاسترالية ولم يؤكدوا صحة توقف كفالة الصديق الاخبار هذة عن توقف كفالة الصديق ما نسمعها الا من سفارة الاردن انصح كل شخص حرم من الفيزا بسبب كون كفيلة صديق بان يقوم كفيلة بتقديم التماس ودعوى الى دائرة الهجرة في استراليا يوضح فيها انة تم حرمان مكفولة بسبب سبب تافة كونهم اصدقاء .......

[inter]

شكرا هيلوسا على الرد و تاكدت من الخبر و اتضح ان كفالة الصديق لم تتوقف و لكن في كل عام هناك ستة اشهر لليو ان و ستة اشهر للكفالات تفتح لاستراليا لذلك دائرة الهجرة في استراليا توقف كفالة الصديق لفترة محدودة و تفتح مرة اخرى و لكن ليس هناك منع او اغلاق ملف كفالة الصديق و شكرا لكم مرة احرى على تفاعلكم بالموضوع.

[قيس النعيمي]

  :-\اخي الفاضل مكاتب الاردن مثل الي يرمي فلوسه بالبحر ابحث عن مكاتب لها سمعه او تجربه في الاقل