بعد اكتمال الامنيه بيوم رجع الملف هولد ومقابله المحلفين فعال شنو السبب

[علي البابلي]

اخوان اهل الخبره اليوم فتحت الموقع لكيته هولد بعد مااكتملت الامنيه البارحه خابرت المنظمه كالولي بانتظار موعد سفر اليوم خابرتهم كللولي تجييكات امنيه اضافيه زين ليش خانه المحلف صارت فعال اهل الخبره ارجو المساعده

[husseinsars]

سلام عليكم اخ علي البابلي زين قبل شكان تقرا خانة المحلفين وأشوكت اتغيرت عندك بل الموقع اي يوم وانتة اخي  من بغداد  لو عمان

[علي البابلي]

مكتمل لحد البارحه واني عمان

[husseinsars]

اخي احتمال ايعيدولك المقابلة مال المحلفين مدام صارت فعال

[sara51067]

اخ علي
السلام وعليكم
شنو كان نتيجة المحلفين يعني الظرف ( النتيجة )  الي استلمتة من المنظمة ويا تاريخ استلمت النتيجة؟؟
شكد صارلك من قابلت المحلفين يعني يا سنة ؟؟
وهاي الفتره هل رجعت للعراق او سافرت خارج الاردن ؟؟؟


اختك/ساره

[علي البابلي]

قابلت محلفين اول مره ب ٢٠١٢ وراها تعليق سنتين بعدين صار مكتمل وراها ضفت طفل هاي اسنه وعدت المحلف بشهر الخامس هاي السنه وثاني يوم صار مكتمل المشكله اليوم خابرت الموظف يكلي ماعندك مقابله محلف بس يكلي تجييكات امنيه اضافيه علما اني الاحد خابرتهم كلي بانتظار موعد سفر

[sara51067]

قابلت محلفين اول مره ب ٢٠١٢ وراها تعليق سنتين بعدين صار مكتمل وراها ضفت طفل هاي اسنه وعدت المحلف بشهر الخامس هاي السنه وثاني يوم صار مكتمل المشكله اليوم خابرت الموظف يكلي ماعندك مقابله محلف بس يكلي تجييكات امنيه اضافيه علما اني الاحد خابرتهم كلي بانتظار موعد سفر

هل سافرت الى العراق بهاي الفترة او خارج الاردن.؟؟؟؟

[علي البابلي]

صارلي سنه نص ماطالع من الاردن

[اوس العاني]

اخي الكريم اتوقع اعادة مقابلة محلف لان ميصير يتحول الى فعال الا بحالة اعادة المقابلة بس عيوني لتخاف هذا شي عادي كلش

[علي البابلي]

والله يااخيسالت الموظف  واكدت عليه انه مو اعاده محلفين كلي لا بس ليش تغيرت خانه المحلف ماادري بس شلون كلش عادي الشغله حاس وراها علسه

[مصرفي]

اخي الكريم
اني لاحظت انه حضرتك سبق وقد علقت في احدى المواضيع انه الامنيه اكتملت والسفر انتظار
فكيف يتحول المحلف فعال
ارجو التوضيح منك رجاءا وفي ادناه تعليقك

 علي البابلي
عضو فعال
 
مشاركة: 36

  رد: عاجل عاجل تحديد موعد سفري
« رد #7 في: 14:59 21/11/2014 »
الف مبروك وانشاله السفر بسلامه اني اليوم الصبح فتحت الموقع لكيت الامنيه مكتمل والسفر انتظار يعني شوكت يحددون موعد السفر
تنبيه للمشرف    سجل

[علي البابلي]

اخ مصرفي هي هاي المشكله كلشي اكتمل عندي الجمعه والبارحه رجع هولد والمحلف فعال والامنيه انتظار طبعا الموظف يكلي تجييكات امنيه اضافيه يعني ماكو اعاده للمحلفين والله اعلم

[مصرفي]

اخ مصرفي هي هاي المشكله كلشي اكتمل عندي الجمعه والبارحه رجع هولد والمحلف فعال والامنيه انتظار طبعا الموظف يكلي تجييكات امنيه اضافيه يعني ماكو اعاده للمحلفين والله اعلم

الله يساعدك يا اخي الكريم ويفرجها عليك وعلى الجميع