ندي ابني قاصر عمره هسه ١٧ سنه و٤ اشهر واريد اطلعه للسويد عن طريق اليونان وگالولي ماننطيه فيزا لليونان الا وياه ولي امر وانا وامه مانگدر نروح وياه بس خالته السويديه تكدر تجي
نكدر نسويلها وكاله حتي يروح وياها لليونان ومناك تاخذه للسويد يعني هل بالامكان جعل خالته السويديه هيه ولية امره بتوكيل من المحكمه ومترجم ومصدق من الخارجيه يعترفون بيه السفاره اليونانيه وشنو نسبة نجاح حصوله علي حق اللجوء بالسويد وماهي احسن الطرق افيدونا افادكم الله .
أهلاً بيك ابو شهاب او نورت المنتدى ؟
ـ بالحقية انه عدة اسئلة وجهتها او راح احاول ان اجاوب عليها بالتفصيل:ـ
1ـ بما انه ابنك قاصر اكيد مايكدر ان يحصل على فيزة الا بمرافقة ولي امره اي الاب او الام؟
2ـ انه خالته ماتعتبر ولية امره بس اكو حل واحد اذا ردتو ان تكون خالته ولي امره,
عليها ان تقدم طلب في السويد للمحكمة السويدية بان تتبني ابن اختها ولازم تذكر اسباب التبني؟
اذا قتنعت المحكمة السويدية او وافقة على تبني الخالة الى ابنكم, تكدر خالته ان اتقدم الطلب بالبلدية مدينة مالتها على الفيزة لابنكم لجلبه الى السويد؟
ـ تكدر تاخذ الطلب بيدها او اتسافر الى المكان الموجود بيها ابنكم او اتروح وياه الى السفارة السويدية او اتقدم طلب البلدية او راح تمنحه السفارة الفيزة او يكدر يسافر ويا خالته الى السويد رأساً بدون الحاجة الى فيزة اليونان؟
او من يوصل للسويد تكدر خالته ان تتصرف وياه كولي امره او اله الحقوق مثل ابنها في السويد؟
او ماكو داعي بقدم طلب اللجوء لانه راح يمنح الاقامة بموجب اقامة خالته؟
يس لازم خالته تستفسر عن الموضوع بالسويد او تستشير محامي بهذا الموضوع لانه اسباب
التبني لازم اتكون مقنعة لمحكمة السويدية؟
ـ هذا مع العلم انه كثير من العراقيين سوها ابوربا او كدرو ان يجيبون اولاد اخوتهم؟
اتصور هذي افضل طريقة الى سفره ويا خالته او لازم تستعجلون كبل ان يبلغ سن الرشد,
بعدين احتمال التبني يكون ضعيف؟
تحياتي
