أخوان العنده أو الينتظر مقابلة ثانية بغداد خلي يدخل .. مهم للغاية ؟؟

[العراقي72]

السلام عليكم ..
أخواني تره بعد ماكو مقابلات ثانية بغداد .. والعنده مقابلة راح يخابروكم المنظمة ويتم تخيير صاحب الملف بين الأردن أو مصر وذلك بعد تصفية أموره المادية وكل متعلقاته وعنده وصوله الى الدولة يقوم صاحب الملف بتسليم جوازه وأفراد عائلته أن وجد ولايسمح له بالسفر وينتظر نتيجه المقابلة الثانية والمنظمة غير مسؤلة عن التذاكر من والفيزة من بغداد الى عمان او مصر كما وأن المنظمة غير مسؤلة عن نتيجه قرار المحلف بعد المقابلة الثانية ..
مع الأسف فقط الذين أكملو كل المقابلات ينتظرون بغداد ..
هذا الكلام موثوق 100 بالمئه وعن طريق ناس أعرفهم صار أتصال بيهم وبلغوهم المنظمه ..
تحضرو جماعة المقابلة الثانية تلفوناتكم راح ترن ويتم تخييركم بين مصر أو عمان ..
وبالمناسبة واحد يسألني يكول زين ليش مو تركيا ؟؟ سألوهم للموظف عند الأتصال بالمنظمه وكال تركيا حاليا غير متاحه فقط للنازحين ..
شكرا وتمنياتي لكم بالسفر جميعا

[husseinsars]

اخي السلام  عليكم اكيد هذا الخبر والله لان  تعبنا زين وهذا صاحبك اشوكت اتصلوا بيه بلا زحمة عليك والافضل منو مصر لو الاْردن

[abo mays]

أخي الكريم العراقي 72
السلام عليكم

اتمنى عليك وعلى كل اخواننا في المنتدى ان يكونوا اكثر دقة في نقل المعلومه لان اغلبنا نتطلع بشغف الى اي خبر حلو , وان ما تفضلت به فيه مع احترامي لشخصك غير دقيق . ااكد لك بان المنظمة اتصلت بي قبل فتره واخبروني بان الان المقابلات موقوفة في العراق , وخيروني ( ااكد على كلمة خيروني ) بنقل الملف الى مصر او عمان ان اردت .
كما واتمنى عليك ان تقرا كتابهم المنشور في موقع عمان والذي يؤكدوا فيه بانه جرى نقل الموظفين بصوره مؤقته نظرا للحالة الامنيه في البلاد , وانهم سيقومون باستئناف المقابلات متى ما سمحت الظروف بذلك وهذا واضح جدا من خلال ذلك المنشور الموجود في موقع عمان , واود ان اذكر اذا ارادت المنظمه ان تلغي المقابلات في العراق فلا تستحي لا منك ولا مني ...
تحياتي للجميع واتمنى لكم استئناف المقابلات قريبا ... مع تحياتي


اخوكم ابو ميس

[ابو الامراء]

قبل 3 ايام اجاني ايميل من المنظمه بموافقه حوله اضافه وقبلها اسبوع اتصلوا بيه بخصوص الاضافه وكالوا ماكو مقابلات الان وانهم لا يعرفون متى يرجعوا موظفين المنظمه ولم يخبروني ان انتقل الى دوله اخرى

[كلبة مشلوع]

مخوش خبر ابد ، بلكي يطلع الخبر غير صحيح

[husseinsars]

والله اخي كلبة مشلوع صحيح الخبر عندي صديقي بامريكا همة كيسين اخوه بامريكا وهوة بعدة وعندة مقابلة محلفين متصلين عليه كايلياة بعد مقابلات بغداد ماكو وانتة مخير ياما  تنقل ملفك لعمان لو مصر فالخبر صحيح اخوية

[العراقي72]

السلام عليكم أخواني الخبر صحيح 100 بالمية والأيام الجاية سوف تثبت لكم ذلك .. أخواني أنا لا أنقل خبر ولست متأكد منه للعلم والأطلاع ,, ومسألة المنظمة تستحي أو لا تستحي كما قال الأخ مشكور على مروره الكريم وتعليقه .. أنا هنا بصدد نقل حقيقة حصلت مع ناس مقربين لي شخصيا وغرضي نشر الموضوع للفائدة ولتبشيركم بالخبر الذي أنا شخصيا أعتبره سعيد وممتاز أحسن ما أظلون تنتظرون ديكولون للناس اليريد يطلع بس مصر واردن ومن توصلون خابرونه أو دزو أيميل بمكانكم علمود نساعدكم باقي الأجراءات ,, علمود لتظلون بفترة أنتظار غير معروفه ومع ذلك خلي أوضحها اكثر للجميع ..::
تره همه صحيح كاتبين ماكو مقابلات وألى أشعار آخر وديشوفون الشغله راح طول يمكن اختصروها وكالو بين قوسين اليريد ينتظر على راحته والميريد يجي لعمان لو لمصر ونكمله ألأجراءات .. مع تحياتي للجميع

[husseinsars]

بارك الله بيك اخ العراقي على نقل الخبر انتة رجل  عضيم  يااخي احنا لتلومنة لان تعبنا واني هم اتاكدت من الخبر وبارك الله بيك اخي العزيزومشكور لسعيك

[العراقي72]

بارك الله بيك اخ العراقي على نقل الخبر انتة رجل  عضيم  يااخي احنا لتلومنة لان تعبنا واني هم اتاكدت من الخبر وبارك الله بيك اخي العزيزومشكور لسعيك

أشكرك اخي والله أريد اريحكم من الأنتظار والتعب وكلت خلي أنقل الخبر وهذا هو قصدي .
تدلل أخي وتحياتي

[nemro]

كلام خاطيء غير صحيح
اني اتصل بيهم وتصلوو بية وقالو تريد تروح مصر  او الاردن يعيني خيار وليس   بعد ماكو وهاي شغلات
لا تخلون العالم هيجي ثم منو كلك مصر تطي فيزا ليش هية سهلة
لو الاردن شنو الحجي المخربط الي يريد يروح خلي يروح ينقل ملفة وخلص لا تطلعون اشاعات مع احتراماتي
ليش هية منظمى خايفة لو شنوو ثم شنو كلامك العبقري صفي اموك وسافر بعدين دكول المنظمة غير مسؤولة بقبول ورفض  زين شلون شنو ناس تيه هناك من تكتبون خبر فكرو شوية لو يريدون اصلا هيجي
جان سوو مقابلات بعمان مثل زما والواحد يروح يقابل ويرجع وخلص مو يكولولك تعال ابقة ومعلينة بيك
مع احترامتي
شلون يعيني يروح يتيه لو شنو شوية من تتكلمون فكرووووووووو مع احتراماتي

[امين عبد الله]

اخوتي الكرام

حاليا فان جميع المحلفين في دول الشرق الاوسط على اهبة المغادرة بسبب قرب اعياد الميلاد المجيد. وسيبدأوا بالتمتع باجازاتهم تِباعاً لغاية العشرين من شهر كانون الثاني عندما تلتحق اخر دفعة من الموظفين بدوائرهم. عندها  سيحددوا موعد عودة المحلفين الى بلدان الشرق الاوسط والذي سيكون، كما هو عادة، في شهر شباط القادم. كذلك سيتم اتخاذ القرار بشأن عودتهم الى بغداد تبعا لظروف البلد وقتها. فاما ستتم المقابلات في بغداد او اربيل او عمان او مصر.
فحتى يتم اتخاذ القرار من قبلهم وقتها فان اي تحليلات ماهي الا رجماً بالغيب.

[العراقي72]

كلام خاطيء غير صحيح
اني اتصل بيهم وتصلوو بية وقالو تريد تروح مصر  او الاردن يعيني خيار وليس   بعد ماكو وهاي شغلات
لا تخلون العالم هيجي ثم منو كلك مصر تطي فيزا ليش هية سهلة
لو الاردن شنو الحجي المخربط الي يريد يروح خلي يروح ينقل ملفة وخلص لا تطلعون اشاعات مع احتراماتي
ليش هية منظمى خايفة لو شنوو ثم شنو كلامك العبقري صفي اموك وسافر بعدين دكول المنظمة غير مسؤولة بقبول ورفض  زين شلون شنو ناس تيه هناك من تكتبون خبر فكرو شوية لو يريدون اصلا هيجي
جان سوو مقابلات بعمان مثل زما والواحد يروح يقابل ويرجع وخلص مو يكولولك تعال ابقة ومعلينة بيك
مع احترامتي
شلون يعيني يروح يتيه لو شنو شوية من تتكلمون فكرووووووووو مع احتراماتي

مع أحترامي ألك ولو طريقة كلامك غير لائقه ,, بس أني أقدر مشاعرك وأتعاطف وياك .. بس لو تركز على الكاتبه بالموضوع وكلت أنته مخير بين مصر والأردن وأستثنيت تركيا بسبب النازحين وكثرتهم ,, وأيضا أخي أنته مخير وتريد تبقى بغداد على راحتك بس المنظمة غير مسؤلة على طول فترة بقائك وأنتظارك بغداد ,, وبعدين حضرتك تريد المنظمة طلعلك فيزة لمصر لو لعمان ,, طبعا أنته تحير بروحك لأن بأختصار أنته مجبور على مقابلة المحلف بدونه أنته متعرف راسك من رجليك بمسألة التوطين هو اليقرر . عموما هذا الموضوع آني متأكد منه شخصيا ونقلته للفائدة ونتمنى يرجعون المحلفين لبغداد وتقابلون .. تحياتي

[العراقي72]

اخوتي الكرام

حاليا فان جميع المحلفين في دول الشرق الاوسط على اهبة المغادرة بسبب قرب اعياد الميلاد المجيد. وسيبدأوا بالتمتع باجازاتهم تِباعاً لغاية العشرين من شهر كانون الثاني عندما تلتحق اخر دفعة من الموظفين بدوائرهم. عندها  سيحددوا موعد عودة المحلفين الى بلدان الشرق الاوسط والذي سيكون، كما هو عادة، في شهر شباط القادم. كذلك سيتم اتخاذ القرار بشأن عودتهم الى بغداد تبعا لظروف البلد وقتها. فاما ستتم المقابلات في بغداد او اربيل او عمان او مصر.
فحتى يتم اتخاذ القرار من قبلهم وقتها فان اي تحليلات ماهي الا رجماً بالغيب.

أخي الخبر حقيقي مو رجما بالغيب .
تحياتي ألك بس أتمنى لحد يستعجل بالرد أقرأ الموضوع زين وبعدين كول رجما أو أي شي ؟؟
الكلام منقول من ناس قريبين عليه ومخابريهم وكايليلهم المنظمة باحرف الواحد مقابلات محلفين مااااااااااااااااااااااااااااااااكو تريدون طلعو لعمان لو لمصر ويقابلوكم هناك .. بعد شلون تطلع هناك هاي مشكلتكم .. مثل ما تبقون هنا هم هاي مشكلتكم وهذا الموجود .. تحياتي

[احمد البغدادي55]

ترا الولد راد ينقل صورة مباشرة حصلت مع صديقة او قرابتة
ليش هذا تهجم وهذا الشي الي منتضرين افضل لكم احسن من انتم متعلكين لا بل عراق ولا بعمان ولا بامريكا
صارلهم 7 اشهر خارج العراق وبرئي الشخصي اذا بيهم رجعة جان رجعو وهسة سمعنا هم خبر ان شاء الله يكون صحيح ان بعد السنة الجديده يرجعون خلي ننتضر هذا الشهر يعدي بخير وسلامة وتبين سالفة

[العراقي72]

ترا الولد راد ينقل صورة مباشرة حصلت مع صديقة او قرابتة
ليش هذا تهجم وهذا الشي الي منتضرين افضل لكم احسن من انتم متعلكين لا بل عراق ولا بعمان ولا بامريكا
صارلهم 7 اشهر خارج العراق وبرئي الشخصي اذا بيهم رجعة جان رجعو وهسة سمعنا هم خبر ان شاء الله يكون صحيح ان بعد السنة الجديده يرجعون خلي ننتضر هذا الشهر يعدي بخير وسلامة وتبين سالفة

اكللهم يابه صار ويه ناس قريبين عليه يكلك رجما واحد يكول ماعرف شنو ,, عجيييييييب...
تحياتي وشكرا لمرورك أخي

[امين عبد الله]

أخي الخبر حقيقي مو رجما بالغيب .
تحياتي ألك بس أتمنى لحد يستعجل بالرد أقرأ الموضوع زين وبعدين كول رجما أو أي شي ؟؟
الكلام منقول من ناس قريبين عليه ومخابريهم وكايليلهم المنظمة باحرف الواحد مقابلات محلفين مااااااااااااااااااااااااااااااااكو تريدون طلعو لعمان لو لمصر ويقابلوكم هناك .. بعد شلون تطلع هناك هاي مشكلتكم .. مثل ما تبقون هنا هم هاي مشكلتكم وهذا الموجود .. تحياتي

اخي الكريم

قبل كل شئ اود ان اشكرك على نقلك لهذا الخبر الذي ان دل على شئ فانما يدل على  حرصك و غيرتك على اخوانك كي يأخذوا احتياطاتهم مبكرا.
 
ان اختلاف الرأي لا يفُسد من الود جانب. وعبارة رجما بالغيب ليست مَعيبة لكنها واقعية لان القرار النهائي فيما يتعلق بعودة المحلفين الى بغداد سيتم تحديده عند اكتمال عودة الموطفين من اجازة اعياد الميلاد. اما ما تفضلت بذكره ما هو الا مقترح منهم وليس قرار نهائي، قد يُعمل به او لا، تبعا لما ستؤول اليه احوال العراق.

[يويسف]

ان اني همين انصح بالخروج من العراق الى الاردن لانه اني وية سقوط الموصل اجاني مقابلة  اولى والطرق كانت مسدودة فنلغلت المقابلة اضطريت وراهة اخذ عائلتي ورحتم ن صدقا ورة يومين من وصولي سويت مقابلة اولى ورة اربعين يوم سويت محلفين وراهة هم اربعين يوم استلمت موافقة مشروطة وراهة بيومين سويت فحص وراههة 45 يوم اكتملت الامنية وبعدين اسبوع حصلت على موعد سفر يعني من يوم المقابلة الاولى لحد يوم السفر اربع اشهر ونص

[يمته تفرج]

الادارة , أرجو النظر في هذا الموضوع وطلب مصدر رسمي للخبر من صاحب الموضوع لانه وحسب تعليمات المنتدى يجب ان تكون لهكذا مواضيع مصادر موثقة والا ينذر صاحب الموضوع وبعدها تحذف عضويته هذا ماقرأته لكم مسبقا في احد المواضيع

[ابو الامراء]

من اجل ان نعرف الخبر صحيح او لا هل يوجد احد الاخوان في المنتدى اخبروه المنظمه بذالك الرجاء منه تاكيد الخبر

[حكيم عيون]

اذا الخبر صحيح ،فالشغله كلش خربانه ،اني حسب رايي الشخصي الخبر غير موثوق ،لان المنظمه لما كان الوضع كلش موزين قبل خمس او ست سنوات همه كانو يشتغلون عادي ، فاعتقد بعد عطله اعياد الميلاد راح يتوضح كلشي ،وما نكول غير الله كريم

[Bernard Alhaskani]

السلام عليكم اخواني صدقوني اني قبل اسبوع دزيت ايميل للمنظمة وراها بكم يوم خابروني كتلهم اني نازح ولا عندي بيت ولا فلوس وعمان يحتاج مصاريف هواية  وكتلهم اني انتظركم من 4 سنين ومستقبل اهلي بين ايديكم لازم تشوفولنا حل البنية كالت ربع ساعة ونعود نخابرك
انتظرت وعشر دقائق خابرني نفس الرقم بس غير شخص كالي عدنا خيارين اما تجي على عمان او مصر او تنتظر السنة الجديدة لان دنفكر اما نجي البغداد او اربيل او بصرة ولكن ما محددين الزمان والمكان بشكل دقيق . وراح نقرر بعد السنة الجديدة . والله كريم
واحد الاخوان ذو المعارف بهذا الشان ايظا نصحني بالبقاء الى ذلك الموعد
وادعولنا ويومية راسلهم كوللهم ما عدنا امكانية نجي هناك بلكي يحسون بينا ويرجعون

[Auoob81]

السلام عليكم الى جميع الاخوة الذين ينتظرون مقابلة في iom 
اقتراح وعسى ان يكون خير للجميع
رسالة نطالب فيها باجراء مقابلات في العراق بسبب الحالة المادية وعدم القدرة على السفر الى دولة اخرى  اقصد مصر والاردن وارجوا من الجميع ان يرسلوا رسالة
 

[ابو الامراء]

كلام الاخ Auoob81 صحيح خلي الكل ترسل الى المنظمه ونكللهم ماديا ما نكدر ولا اكوا فيز لهذه الدول ونريد نشوف كم واحد من اخواننا في المنتدى يوافق على هذا

[جاسمين]

ياجماعة والله هذا الاقتراح مال الاخوان كلش حلو نسوي حملة  وندز ايملات للمنظمة منكدر نسافر للاردن او مصر بسبب الوضع المادي واحنة عوائل..
 وانشالله يجينة خبر زين

[Bernard Alhaskani]

اخوان ترى هذا الاقتراح راح يكون احسن حل
اني كل اسبوع اسوي هذا الشي وراح تنفع باذن الله وشوفو انا اش كاتب بالرد السابق وراح ترتاحون

[العراقي72]

أخواني الأعزاء السلام عليكم ..
بالمختصر آني حجيت هواية وكلامي جان واضح واليريد يقرأ الكلام موجود فوك .. أما موضوع مقابلات المحلفين أكيد ماكو 100بالمية يعني مو بس آني متأكد من خلال جماعه مقربين ألي وأنما أيضا بصريح العبارة المنظمه جاية تكللكم بالأوتو ربلي مالتها ماكو مقابلات .. يعني أنتو تصورو مقابلات مال زيارة لأمريكا ماكو وهاي جدا بسيطة طبعا داأحجي على مستوى العراق من البصرة ألى الشمال ,, علمود لحد يكلي الوضع الأمني لأن راح أجاوية أكله زين والوضع الأمني بالشمال مستقر ليش لغوها للمقابلات ؟؟!!
مع ذلك ياأخواني أنتو تعرفون كلش زين من شهر السادس هذا العام الأوضاع مو زينة والجماعه حقهم يخافون على المحلفين أنتو ليش ضايجين اليريد ينتظر خلي ينتظر بغداد واليريد يسافر للأردن أو مصر ألله وياه ,, ولحد يكلي الفيزه وأحنا شلون ومنين جيب حبيبي أنته مهاجر وأنتم جميعا مهاجرين المنظمه تنظر اليكم على هذا الأساس أي بما معناه أنتم ظروفكم الأنسانية غير طبيعيه ولهذا يتم الموافقة عليكم وتوطينكم ببلد آخر والأمورة زينه ومستقر هنا خلي يكعد ويسكت ولينافس العالم وعيب وكافي طمع بكل شي .
أخوان المنظمه حاليا ماعدها مقابلات محلفين ويبقى بالمستقبل يفتحوها الله وأعلم , آني مجرد نقلت خبر من ناس مقربين ألي أتصلو بيهم المنظمه وبلغوهم هذا الكلام ,, تحياتي للجميع

[ابو الامراء]

سبق وكتبت اذا احد الاخوان بالمنتدى بلغوه بعدم وجود مقابلات في العراق مستقبلا حتى نعرف صحته الخبر ولا واحد كال انه تبلغ بهذا الخبر صحيح اللي يذهب الى الاردن اومصر يكمل مقابلاته ويكدر يسافر بس شكد ينتظر حتى تخلص الامنيه لان اكو عندنا اعضاء بالمنتدى صارلهم سنين منتظرينها وهم خارج العراق ولا واحد يعرف شوكت تفرج عليهم والله يسهل امورهم ويسافرون .....الافضل ان ننتظر للشهر الثاني ونشوف ان شاء الله يجون ونقابل لمعلوماتك ان البصره اكثر امانا من اربيل اللي عصابات داعش قريبه جدا منها وان البش مركه اثبتوا انهم لن يستطيعوا ان يدافعوا عن كردستان الا مع قوات مكافحة الارهاب بقيادة فاضل برواري وطيران العراق والتحالف

[العراقي72]

سبق وكتبت اذا احد الاخوان بالمنتدى بلغوه بعدم وجود مقابلات في العراق مستقبلا حتى نعرف صحته الخبر ولا واحد كال انه تبلغ بهذا الخبر صحيح اللي يذهب الى الاردن اومصر يكمل مقابلاته ويكدر يسافر بس شكد ينتظر حتى تخلص الامنيه لان اكو عندنا اعضاء بالمنتدى صارلهم سنين منتظرينها وهم خارج العراق ولا واحد يعرف شوكت تفرج عليهم والله يسهل امورهم ويسافرون .....الافضل ان ننتظر للشهر الثاني ونشوف ان شاء الله يجون ونقابل لمعلوماتك ان البصره اكثر امانا من اربيل اللي عصابات داعش قريبه جدا منها وان البش مركه اثبتوا انهم لن يستطيعوا ان يدافعوا عن كردستان الا مع قوات مكافحة الارهاب بقيادة فاضل برواري وطيران العراق والتحالف

اخي أبو الأمراء السلام عليكم
أولا المنتدى ميمثل الناس كلها المقدمه على الهجرة يعني هواية ناس ممسجله بيه بل والأغلبية من المقدمين على برنامج الهجرة وهاي بيها هواية أسباب مو وكتها نحجي بيها .
ثانيا شجاب داعش بالنص ؟؟؟
ثالثاموضوع الأمان بالبصرة أو بجنوب العراق والمحافظات الوسطى لايقارن بأقليم كوردستان .. والدليل كلش هواية أخوانه من الجنوب والمحافظات الوسطى مهجرين بالخارج بأمريكا وتركيا والأردن والأمارات ومصر .. لعد أذا همه مرتاحين ليش يطلعون من العراق ويهاجرون ؟؟؟؟؟؟؟
وحضرتك أذا تشعر بالأمان لعد ليش مقدم على الهجرة لأمريكا ,, أكعد بلدك أذا مرتاح هنا عزيزي .
تحياتي للجميع وأرجو أن لحد يخرج عن الموضوع .

[nemro]

هسة انت شكتلت نفسك وتعلق على ناس
عمي متروح انت للاردن وتفضها شعليك بعالم اذا انت مقتنع هيجي
متروح وفضها واللة وياك كاعد تححلل شمال احسم وناس ليش يطلعون