طريقة الوصول لأوربا بشكل أمن وقانوني وتسريع عملية اللجوء ..مضمونة 100%

[كلكامش الألكتروني]

السلام عليكم حبايبي يارب تكونون بخير


اول شي احب اوجه رسالة محبة وتقدير لكل حبايبي والاعضاء المحترمون والادارة الكريمة
لكوني قد استفدت كثيرآ من هذا المنتدى وكان سبب في انتقالتي الاخيرة


ابدي وياكم الطريقة بالشرح المفصل حول كيفية الوصول دول أوربا شنغن بطريقة أمنة جدآ وسليمة وقانونية وكل الذي اتمناه هي دعوة صادقة وقراءة الفاتحة على روح امي
لعل الاسطر والاحرف التي سأكتبها تكون سببآ لراحة عراقي عانا ما عانا من ويلات الحروب ومصائب الدنيا
فأسئله ان يذكر والدتي بالاحسان

الطريقة تعتمد على لغة انكليزية جيدة بالمراسلات او ممكن تعتمد على شخص يقوم بذلك


الطريقة تعتمد على الحصول على دعوة رسمية لاوربا عن طريق مؤتمر

بعد متحصل دعوة رسمية لأوربا عن طريق مؤتمر
ادز هاي الدعوة للسفارة المعنية الي تريد تقدم ببلدها اللجوء وأكد على هذه النقطة
تاخذ الدعوة من نفس بلد اللجوء لكي تستفاد من معاهدة دبلن ومتحصل رفض
يعني اذا تريد توصل لبلجيكا تاخذ الدعوة من بلجيكا وهكذا

بعد متراسل السفارة تاخذ موعد من عندها
وهي راح ادزلك الاوراق المطلوبة
 ولي هي
1-اثبات عمل بالعراق مثل تأييد استمرارية عمل وهو مهم.
2-كشف حساب مصرفي لا يقل عن 10 الالف دولار وهو مهم جدآ ومطلوب ويجب ترجمته ترجمه قانونية
3-الضمان الصحي خلال فترة الزيارة
4-باجات تثبت عملك
5-سند بيت او سند كاع او محل يعني سند عقار
6-تاخذ وياك نسخة من الدعوة
7-تاخذ تكت ذهاب واياب من بغداد للدولة الي راح تروحلها ومن ضمن فترة الدعوة الي واصلتلك
8-تثبت ان عندك زوجة واطفال بالعراق


وتروح للسفارة اهم شي اوراقك كاملة وما بيها نقص وكلشي تكملة وتوصل للبلد الاوربي ولازم خلال فترة الفيزا اتقدم اللجوء وما تتأخر والا تحصل على غرامة عن كل يوم تأخير وهذا ما يسموه بـ Overstay visa وتختلف من بلد الى بلد وممكن ان انت متدفعه بل تتكفل الدولة باستقطاعها من الراتب الي راح تطيكياه


اما بالنسبة لسؤال الاخوة حول فنلندا


فقانونيآ فنلندا مترجع احد عراقي عدا من محافظات الاقليم والمحافظات الجنوبية
اي الي من بغداد او الرمادي او ديالى ,كركوك,صلاح الدين,انبار,فلوجة,نينوى,موصل

فيحصل لجوء مثل الورد واقامة 4 سنوات من نوع A

اني حاليآ في فنلندا
واي سؤال حبايبي اني حاضر

اما جو فنلندا كئيـــــــــــــــــــــب جدآ الا ابعد متتصورون لدرجة ان الفنلندين يهاجرون منها
وبشكل كبير جدآ,والعجيب ان الفنلندين يسألون طالبي اللجوء ليش اجيت فنلندا جوها كئيب وبارد!!!!

[programmer.scop]

حمد لله على سلامتك والف مبروك وأن شاء الله تبدي حياة جديدة وسعيدة . ورحمة الله على والدتك وأن شاء الله في جنات الخلد
بالنسبة لجو فنلندا هذا شي معروف واكيد كل واحد راح الها حاط بنظر الاعتبار هلشي بس اكيد إلى يسمع مو مثل إلى يشوف
يعني انت من رحت فنلندا فنلندا اكيد مجبور تختارها هي بالذات لأن حسب كلام الإخوان إلى بالمنتدى اللجوء شبه مضمون . وطبعا اني وجهتي ان شاء الله فنلندا لأن الدول إلى كاعد تنطي لجوء حاليا كلها أكثرها للسوريين والأقليات يعني الي مثل حالي وحالك من بغداد صعب نحصل بغير دولة مع العلم اكو دول انطت لأهل بغداد مثل النمسا و بلجيكا وحتى النرويج بس تبقى مجازفة والضروف في النمسا وبلجيكا مو مثل فنلندا لأن اكو مشكلة السكن حسب كلام أصدقاء هناك بعد ما تحصل إقامة لازم ادورلك على سكن خلال أربع أشهر طبعا خصوصا للعائلة شي صعب لأن مو مثل الشباب يكدرون يتشاركون بسكن واحد وإضافة إلى صعوبه إيجاد السكن اكو مشكلة الدلالية والتأمينات وايجار كم شهر مقدم يعني تكلف الموضوع من 3000 الى 6000 يورو حسب جوده السكن ونوعه ومكانه ومساحته وهذا طبعا مبلغ مو قليل خصوصا لشخص وصل لاوربا ودفع كل إلى عنده وإلى ماعنده علمود هلشي فتبقه فنلندا الأفضل حاليا رغم قسوة الجو وشعبها الجامد مثل جوها

[programmer.scop]

وأحب أسألك على اجرائات الاقامة شكد أطول بصورة عامة إذا صارت عندك فكرة وشلون التحقيق يكون ?

[marwan iraq]

الف شكر على هذه المعلومات والله يغفر للوالدة  ويجعل مثواها الجنة . وان شاء الله الاخوان يستفادون من هذه المعلومات .

[sundsvall]

why you choose Finland ?!!
it's very cold, it's really what we say "" a freeze "" and I think you don't want to spend the rest of your life in freeze.
however, I hope to you the best in your life and hope to you fast decision and get your permanent residence soon, but it's not a place to live, it's freeeeeeeze, and don't tell the life in Iraq is like a hell, you will discover after a period of time that the Iraqi life with all it's problems may be better than the life in Finland, especially you start looking for a job and the only available job you will get is "" dishes wash "" in a restaurant, at that time you will start compare between your old job in IRAQ and your old life and the new shit life.
sorry, may be I bother you now, but it's important to tell you the bad news and not only the good news.
 

[زمن الحلاق]

الله يرحمه ويسكنه فسيح جناته للوالدة  وياربي يفرح قلبك مثل متفرح وتساعد اخوانك والله يوفقك
اخوك زمن البغدادي

[12omar]

السلام عليكم ..
شكرا اخي على الموضوع
ياريت اعرف لم الشمل في فلندا كم من المتوقع ان يطول لانه اني اب لاطفال اثنين و طبعا ماكو امكانية اادبر فيز للجميع لكن قد استطيع تدبير فيزه الي .. كم من المتوقع الحصول على لم الشمل في فلندا
سؤالي للاخ كلكامش او كل اخ لديه معلومة بهذا الخصوص

[اخونا]

شكرا لللجميع
ممنكن نعرف وضع السويد

[كلكامش الألكتروني]

شباب بالنسبة للم الشمل في فنلندا فلا تحتار لان همة يتكفلون بعائلتك يجيبوها الك وع حسابهم وخلال فترة قصيرة لا تتجاوز الست اشهر

الاقامة كذلك من ست اشهر الى سنة
التحقيق الاولي سخيف جدآ
يعني يسألك شكد عندك فلوس بجيبك
اوراقك مستمسكاتك ولتطي الجواز نصيحة
وراها يدزوك للكمب
اذا عائلة فيخلوك بشقة تتسع 2-3 عوائل

اما العزابي فيخلوه بكمب مثل الفندق وغرف شيرنك
الراتب مو شي ميغطي التكاليف

[zaidss]

السلام عليكم اخوية اني حاولت هواية اطلع من تركيا مصارت وحاليا رجعت لبغداد وقررت اطلع بفيزا شنكن لاكن الفيزا من السفارة اليونانية بس المشكلة بصمة تأثر على اللجوء بفلندا سمعت حجي انه مامعترف ببصمة اليونان

[Hasnawi]

السلام عليكم اخ كلكامش ..... اولا حمد الله على سلامتك واسأل الله ان يرحم والدتك ويسكنها فسيح جناته ثانيا عندي كم استفسار بخصوص لجوء فنلندا لأن اني ناوي اروح لفنلندا اذا شاء الله ... ردت اعرف شنو نوع الاسئلة الي يوجههوها للاجئ ؟ واذا اجيب وياي هويات التجارة ورجال الاعمال هل تنفع ؟ وهل المستمسكات الي يطلبوها مثل هوية الاحوال وبطاقة السكن والتموينية الاصلية يريدون لو مستنسخة تمشي ؟ وهل يحتاجون انو اقدملهم مستمسكات اولادي وزوجتي ؟ وهل يريدون الاصلية ؟ ارجو الاجابة ولو طولت عليك مع خالص شكري وتقدير لجهودك ,,,,,,, اخوك بلال من بغداد

[hasan humam]

السلام عليكم اخ كلكامش وحمدا لله  على السلامه
اخي اذا امكن حضرتك حسب ماذكرت انه دخلت فيزا مؤتمر يعني رسمي وهسه تكول لا تسلم جوازك من تطلب لجوء  ، طيب اذا سالوني شأكول ؟ يعني افهمهم انه جاي تهريب ؟
بالنسبه للعائله حضرتك تكول يكعدوهم بشقه تكفي ٢-٣ عوائل يعني مشتركه ؟ وكم من الوقت يبقون على هالحال؟
الراتب للعائله حسب علمك هم مايسوه لو جيد، طبعا عائله مكونه من زوجين وطفلين
وشكرا الك

[زمن الحلاق]

عاشت ايدك ربي يحقق كل امنياتك وان شاءالله الاقامه عن قريب

[sundsvall]

شلون الصحة استاذ كلكامش
انشاء الله بخير
شو ماكو اخبار عنك, صارت سكته, بالنا يمك
فد لا اتجمدت 

[كلكامش الألكتروني]

اعذروني شباب مجاوبتكم واتأخرت عليكم بالجواب


بس شحجيلكم يكلك خير لتسوي شر ما يجيك

اخوكم جان مسجون بالغربة وكلة بسبب الي جنت معتبر صديق وطلعتة وياية لفنلندا ودخلتة بيتي واكلتة ما غزر بعينة هذا كلة ... ويوم الي كلي محتاج فلوس كتلة تعال نتقاسم الفلوس الي عندي بالنص لحد متوصلك الحوالة من العراق
سويتلة اوراق تثبت ان هوة وياية بالشركة عقد عمل ومن هالسوالف.....

لوما اني ميوصل لفنلندا
تالي متالي ينكت بية ويرتكب عليه يم الشرطة
ويكت الاول والتالي وفوكاها اتهمني اني مزور اوراق لحضرتة غير عقد العمل

بس شكول بس حسبي الله ونعم الوكيل

حاليآ اني بالمطار هلسنكي راجع للعراق والله يسهل
وربي يعرف شنو شفت ان شاء الله يشوفها بعينة ويحترك قلب كل عزيز عليه مثل ما حرك قلب اهلي علية

هههههههه اخر شي يسويلي بلوك ع الفيس بوك !!!!!

يعني ما اعرف شحجي

شباب الي يسألني خلي يسأل هنا واني حاضر
هواية مسجات ع الخاص جايتني فياريت الي سألوا ينزلون سؤالهم هنا

[Edy Simon]

الحمد الله على السلامة كلكامش الورد!
اقدم لك تأسفي على الحصل او انشاء الله يعوض كل ماخسرت المهم انته سالم؟
وانشاء الله ترجع بالسلامة
تحياتي
جوسي البغدادي المانيا

[كلكامش الألكتروني]

والله أخوية EDY ما ادري شحجيلك بس اكول فاقد الشئ لا يعطيه

خسرني فلوس هواية بس اكول حسبي الله ونعم الوكيل

الحمد لله والشكر ع كل حال اني جنت متردد بالرجعة واجتي من الله

والله اعرف بصالح الامور

والادهى من هذا كلة جان يحذرني دير بالك تختلط بالعراقيين !!!!!
 
بس الاناء ينضح بما فيه سبحان الله

[sundsvall]

 
الله يكون بالعون والله يعوض عليك.
بس بالمناسبة حسب ما فهمت من كلامك,
انت اصلا كنت متردد بالرجعة الى العراق, يعني اصلا وضعية فنلندا ما عجبتك من البداية,
ممكن أتوضحنا ليش,
على الاقل الشباب اللي حلمهم يصلون لأوربا او فنلندا بالتحديد يعرفون شنو السلبيات والايجابيات الموجودة حاليا.
طبعا الله يكون بعونك مرة ثانية على هاي التجربة وانشاء الله تنساها وترجع لحياتك الطبيعية.

[Edy Simon]

والله أخوية EDY ما ادري شحجيلك بس اكول فاقد الشئ لا يعطيه

خسرني فلوس هواية بس اكول حسبي الله ونعم الوكيل

الحمد لله والشكر ع كل حال اني جنت متردد بالرجعة واجتي من الله

عزيزي كلكامش العراقي!
والله اعرف بصالح الامور
ـ اكيد رب العالمين هو الاعرف والحمد الله هو اللي يدبر كل امورنا, بس لاتنسى شي واحد
وهو انه بني ادم لازم يتعلم من الاخطاء او مايكرر الغلط؟

والادهى من هذا كلة جان يحذرني دير بالك تختلط بالعراقيين !!!!!
ـ مولانا هذي التجربة اني مريت بيها او صارت عبرة اللي او اني على طول اكول:
1 ديرو بالكم من الاجانب او العرب بالخارج؟
2ـ ديرو بالكم من العراقيين او الاقارب بالغربة لانه اغلبهم يريد يمص دمك بالرغم من انه ابن بلدك؟
لهذا السبب واحد لازم يتعلم من الغلط وان لايكرره؟
بس الاناء ينضح بما فيه سبحان الله؟
ـ اكيد امبين على وجوهم سبحان الله؟
ـ يلا مو مشكلة على كولة المثل بالمال ولا بالاعيال او المال يروح ويجي
بس الصحة اهم شي او بعدك نشط او تكدر اتعوض اللي خسرته او اتكون اكثر حذر من الماضي؟
تحياتي
جوسي البغدادي المانيا

[زمن الحلاق]

والله ياخي قهرتني بس المهم حبيت اكلك حمدلله على سلامتك والشخص معرض لهاي المواقف بس ممتوقعهه اتمنى اشوفك بدوله اوربية افضل لان انت كنت متردد في بقائك والحمدلله على كل حال

[the omen]

الله يرحم والديك ووالدين كل اخوانا ويسكن والدتك فسيح جناته وبالتوفيق الك ان شاء الله

[programmer.scop]

لا إله إلا الله شكد ناقص هذا والله قهرتني واحترم كلبي عليك