مساعده عاجله رحم الله والديكم/اختكم متعرف شتسوي

[reem90]

مساء الخير احبائي اخواني اخواتي ,,,
اشتريت سياره جديده بالتقسيط ودا ادفع كل شهر وفرحانه بيها خلصت من المصلحين وضيمهم
اليوم بالكراج موكفتها وجاي واحد معنده انشورنز ضابها وطاعج الباب الخلفي
كام يتوسل لان معنده لا انشورنز ولا اجازه يكول لتخبرين واني شكد ميطلع اسدد وانقهرت عليه والله
هسه شسوي اني ؟؟؟
واذا وديتها للتصليح اكيد حتبقى كم يوم شسوي اني شلون اروح للشغل والجهال منو يوصلهم مستحيل اكدر استعمل باص لان المسافه طويله
ساعدوني الله يبارك بيكم

[انيس الجالسين]

اختي المفروض تتصلين بالشرطة في وقت الحادث !! لكي يضبطوا السائق متلبس بالفعل !
المهم انو اخذتي صور للحادث ؟! او للشخص ؟!
نصيحتي اتصلي بالشرطة والانشورنز ايضا
سيتكفل الانشورنس بتوفير سيارة حديثة ثاني يوم ويعرض عليك تعويض التصليح او شراء السيارة
واظن ان المبلغ سيكون مجزي في الحالتين لان السيارة جديدة ويمكن اختيار الافضل
بالنسبة للتصليح بدون اخبار الانشورنس او الشرطة
ممكن ذلك اذا اخذتي ضمان من الشخص بدفع كامل التكاليف  وبضمنها تأجير سيارة لك لحين الإكمال
لكنك ستتحملين مسؤلية هبوط سعرها او تاريخ السيارة وتبديل او تصليح الخلل
في حال بيع السيارة لشخص يستطيع إثبات الضربة او معرفتها

بالتوفيق ان شاء الله

[سمك بني]

اختي الكريمه هنا ماكو شي اسمه خطيه بل اكو شي اسمه نظام وقانون وكلمن ياخذ حقه والي يتساهل بحقه ينوكل وينشرب وهذا الشخص يعرف كلش زين تبعات السوق بدون اجازه او انشورنس ومع هذا خالف اذن منو اللي راح يتظرر غيرج؟ هسه انتي راح تخسرين آلاف الدولارات وتاخير وتوقف التزاماتج على مود شخص فوضوي لا اكثر ولا اقل.انطيج مثال اني اول ما حصلت على البرمت اشتريت سياره وصاحب المعرض ساق بسيارتي الى شركة التامين بعدين وصلني للبيت وبقت السياره بالبارك الى ان حصلت على اللايسن يلله سقتهه!!ليش؟ لان اعرف اذا سويت حادث محد راح يرحمني..

[reem90]

الله يحفظكم الي يارب وشكرا للجواب
بس اني اكول اذا تكفل بالمصاريف يصير ما اخابر الشرطه ولا الانشورنز وامشيها لو الاحسن اخابرهم

[zoka]

شنو الضمان ان ما يغلس .. فلوسج ما بايكتها اعتقد وسيارتج حلالج وانتي حره بيها بس شنو الضمان ان يصلحلج وما يطفر

[Ghassan2]

اهلا

لا مايصير و لسببين :
اولا هذا الشخص مرتكب جريمة تعتبر جدية جدا بسياقة السيارة من دون اجازة و بأخفائك هذة الحقيقة من الشرطة اصبحتي في محل غير لائق.
ثانيا حتى لو صدق دفع مبلغ التصليح , سيارتك مراح تسوة كثيرا بعد اليوم لأن اذا الضربة قوية او متوسطة راح تعتبر (سالوج) و هذا يبين يوم الي تبيعين السيارة و مراح يشتروها منك بفلس.احسن شي تسالي خبير هل الضربة تعتبر قوية بحيث السيارة تصير (سالوج) اذا اي ما بيها مجال لازم تخبرين علي و اذا لا, فيمكن بيها مجال انه هو يدفع فاتورة التصليح.

اظن هذا الشخص مهاجر غير قانوني و سبب خوفه انه راح يرجعوا الى بلده الاصلي حال القاء القبض عليهو فأذا تريدين تراعين حاله لازم يشتري سيارتك بسعرها الاصلي و بهيك حاله انت راح تشترين جديدة و هو راح مايتسفر, ولكن هذا اذا بعده مافالت !!! و لاتنسين انت مابلغتي عن الحادث نفس اليوم راح يثير الشكوك حول الحادث عند شركة التأمين.

نصيحتي اذا ضربة قوية: اما عنده كاش يدفعلك فورا او بلغي الحادث فورا و الا خصري كثير من المال ولكن يبقى اجر عدم تسفير هذا الشخص الك !!

[BAIDAA.M]

قضاء وقدر
والتعويض من رب العالمين
ارحموا من في الارض يرحمكم من في السماء
(ميصير هيجي متعرفون هو الشخص شنو وضعة الرحمة حلوة اذا ساعتي وكفتي بصفة رب العالمين راح يسهل امرج صدكيني

[تفرج]

الله يساعدج تهون ادعي الله وهي تهون