لطفاً أصحاب الخبرة باللجوء من داخل أمريكا | إستفسار ...

[انسان]

إخواني أخواتي بالمنتدى.
تحية طيبة.
عندي إستفسار حول التقديم من داخل أمريكا ياريت تفيدوني بتجاربكم.
وصلت للولايات المتحدة عن طريق فيزة B1 "بزنس" لمدة شهرين وكان المفروض رجعتي خلال شهر الواحد 2015 لكن شركتنا بالعراق تعرضت لتهديد وأفكر بالتقديم على لجوء.
أتصلت بمحامية عن طريق أحد الأصدقاء وطلبت مني أن أقدم أوراق تثبت التهديد حتى ترفقها بالقضية لسلطات الهجرة والباقي بيد الله على أية حال.
سؤالي: هل طبيعي أن يتم أرسال أوراق التهديد من العراق لأمريكا عن طريق البريد السريع؟
كذلك التهديد تم خلال وجودي داخل الولايات وليس خلال وجودي بالعراق لكن النتيجة وحده بمعنى حياتي أصبحت في خطر داخل العراق. فهل الأمر إعتيادي بالنسبة للـكيس مستقبلاً...

أتمنى إلي مر بهكذا تجربة يكتبلي شي عنها ربما يخفى شيء عن المحامية حتى أضبط قضيتي قبل لا أمشي بالموضوع , وأكون شاكر تعاونكم أخواني...

أخوكم
إنسان - تكساس

[yasereal]

الاخ الكريم

بس احب اسألك شنو الاجراءات اللي من خلالها حصلت على فيزا B-1 مال بزنس لان اني هم قدمت ومحصلت لا على بي-2 ولا اف-1
يعني ياريت تسولفها عالخاص برسالة ولو رح اتعبك هوااااااااااااااااية هههههه
اما بالنسبة لسالفتك وانت حاليا بامريكا ما ممكن انه تكون الحالة افضل من انه انت بامريكا وصار التهديد وبذلك ما رح يكون بامكانك ان ترجع ..
بالنسبة للبريد السريع اي طبعا تكدر تدز الاوراق بس من الافضل انه من بداية الاسايلم ما تقدم الاوراق الاصلية وانما نسخ فقط عن طريق الايميل تجيك وعود من تصير موعد المقابلة من الله يفرجها روح قدم الاوراق الاصلية
سلامي الك....

[عباس التميمي]

بس سؤال الفيزه B1  بزنس شكد سعرها وشنو الاجرائات 

[yasereal]

اخي هي سعرها 160$ وهذا هو سعر طبيعي لاغلب الفيز المتعارف عليها بس المشكلة شلون تجيب اوراق وتقنع الي بالسفارة انه ينطوك الفيزا !!!

[عباس التميمي]

بلكت الاخ انسان يساعدنه لان محتاجها حيل والله

[انسان]

اعتذر على التاخير اخواني.
اخي عباس التميمي تاشيرة اميركا متنباع بس تقدم عليها وتكلف رسوم 160 دولار بس.
وموضوع فيزة الزيارة امرين لا ثالث إلهم:
1- شنو سبب ذهابك؟
2- شنو يثبت ترجع؟
وهنا تختلف من شخص لآخر حسب مشاغل وارتباطات الشخص داخل بلده, وآخر شي يبقه بيها تقديرات القنصل والي محد يعرفها غير الي قوي بالآي كونتاكت ويكون واثق من كلامه بالنقطتين السابقات.
أشكر كل الي مرو ع الموضوع وعلقو وحالياً قدمت آسايلم يم المحامية والباقي تسهيل من الله.
أكرر شكري.
أخوكم
إنسان/تكساس