ابشركم

[abu shahab]

السلام عليكم أخواني وإخوتي الأعزاء
شلونكم اخباركم ان شالله تكون بخير ياربي انا مشتاقلكم كلش وللمنتدى الحبيبة
اعزائي حبيت ابشركم بموعد سفري يوم ٢٠١٤/١٢/١٤ اربيل عمان شيكاغو ناشفيل
بعد انتظار طال ٦ سنين
بعدما لغو اهلي السفر بموت والدي العزيز الله يرحمة ويرحم جميع امواتكم
انا كنت لا اسافر لأي دولة يأثر على سفري الى بلاد العم سام ، ومضى زمن طويل وانا كنت أعيش في السراب
اضطريت اسافر الى ايران لغرض عملية العين لأحد أفراد العائلة هاي أسبوع ومن رجعتي الى الوطن بالطريق اتصلو بيه حدودو موعد سفري السؤال هنا هل في أشكال لان على جوازي مختوم فيزة ايران والكل يعرف ايران مامرغوب
تحياتي واحترامي لكم جميعا وأتمنى لكم فرج

[iraqforme]

اخي ابو شهاب اولا الله يرحم موتاكم جميعا.
ثانيا الف مبروك موعد السفر ولاتقلق طالما اخذت موعد سفر ماكو بعد سين وجيم ربما في مطار جون كندي يسألوك كم سؤال حول هذه السفرة وقضي الأمر.
اتمنالك سلامة الوصول الى بلاد العم سام
مودتي لك

[مصرفي]

الف مبروك اخي ويرحم والدك الطيب
بس ممكن نعرف شوكت اكتملت الامنيه

[Khaled84]

اولا البقاء لله
ومبروك على تحديد موعد سفرك
ومالهم علاقة بعد حتى اذا سألوك انت رايح للعلاج والفترة قصيرة مو هواي
الله يتمم بل خير ويارب الموفقة
متى حددوا لك الموعد اليوم

[abu shahab]

شكرا جزيلا لكم اخواني ان شاالله يفرج عليكم
بالنسبة لتجيك الأمني صدكوني صار ستشهر ما فاتح الموقع لان الباسوورد منتهي الصلاحية وكنت شايل فكرة السفر
واتصلو بيه يوم ١١/٢٧ كنت على الحدود شغلت موبايل طلعلي رقم عمان كلي عندك سفر تسفار لو لا بهيج اُسلوب جان دياكل ويجي من ورا خشمهه
واني كلت ممكن أتنطوني ساعة واجاوبكم كال لا لان اكو ناس هوايه عالموعد واني كلت اي
ورقم كيسي ١١٧ تقديم ٢٠٠٩
بس كلي انتظر مكالمة تجيك من بغداد

[ابو الامراء]

الف مبروك السفر وان شاء الله توصل بالسلامه وحياة سعيده

[امين عبد الله]

اخي الكريم

عظم الله اجرك بانتقال الوالد الى جوار ربه، تقبل الله صالح اعماله قبولا حسنا وتجاوز عن جميع سيئاته واسكنه فسيح جناته والهمكم الصبر والسلوان، وانا لله وانا اليه راجعون.

ثم نبارك لك موعد سفرك الى ارض الميعاد جعل الله سفرك سريعا ومريحا وجعلك سالما غانما باذنه تعالى وفتح لك ابواب رزقه على اوسعها.

بالنسبة الى موضوع سفرة ايران، فلا داعي للقلق منها لان جواز سفرك سيختم بختم الخروج من مطار اربيل ومن ثم يوضع في حمالة الاوراق التي ستوضع على رقبتك وانك ستدخل الى الولايات المتحدة مع جماعة اخرين بموجب ورقة من المنظمة. هذا اذا كنت من جماعة ال IOM.

[abu shahab]

شكرا جزيلا لكم اخواني الكرام أمين عبدالله و ابو الأمراء
الله يجازيكم كل الخير في حياتكم
دوعائكم وتبريكاتكم تبقى في القلب

[*Ray]

الف مبروووك وتوصل بالسلامه ان شاء الله وبالتوفيق

اختك راي
US