بعد خمس سنوات في امريكا ... راح ارجع للعراق واعوف الاول والتالي!!

[Safaa Alkhrkhy]

السلام عليكم...
هاي السنة الخامسة اللي بامريكا ... شبعت قهر وشوق الى العراق.. كلما اسمع اغنية عراقية عيني اتدمع حتى بطلت اسمع اغاني عراقية .. اريد ارجع للعراق .. اريد اشتم الهوا العراقي .. اريد اكل فلافل يم فالح ابو العنبة ويم حيدر دبل!!! لحد يجي ايكلي اكو هواي مطاعم عراقية بامريكا .. اعرف والله اعرف .. اريد امشي بشارع الرشيد .. افتر بالشورجة ... اعرف اكو مفخخات وعبوات ومليشيات .. اعرف اكو طيحان حظ حشاكم .. اعرف اكو حكومة تعبااااانة وناخرها الفساد من ساساها .. اعرف يمكن بلحظة يجيك داعش من حيث لاتدري .. اعرف والله كل هاي السوالف .. بس الشوق والحنين موووووتني .. اعرف كلهة كم شهر واخذ الجنسية .. اعرف انه راح اخلي الجنسية بالكنتور واقفل عليهة .. اعرف انه ماراح اركض ثاني يوم اطلع جواز امريكي واضمهة بالكنتور مثل باقي العراقيين ... اعرف والله اعرف العراق ماراح اتصيرله جارة لو بعد مية سنة.. اعرف انه راح تكولون عليه اني بطران .. بس والله كلما اشوف صورة لبغداد احس قلبي يطير من مكانه ويرفرف شوقا وحنينا ... اعرف انه هذا حلم .. بس شيحقق الحلم احبتي؟؟!! اخيرا (فاينالي على كولة الامريكان) اعرف اني باقي بامريكا وماراح احجز للعراق..!!

ابو سارة

[iraqforme]

تحية من اعماق القلب لحضرتكم .
طبعاً وقبل كل شئ اهنيك اخي ابو سارة على مشاعرك الجياشه تجاه بلدك اللي صدقني كلنا لانتمنى فراقه لحظه لولا الذي حصل ويحصل فيه. صدقني لو العدو امامك وجهاً لوجه كنا اول الناس المحاربين ضده لكن الارهاب والفتنه والقتل والتهجر لادين لها تأتيك بخنجر مسموم وتطعن كل من لم يسعف نفسه وعائلته من هذا الذي حصل وللأسف مازال يحصل.
اما أماني جنابك الكريم لايسعني ألا ان اذكرك بالايه الكريمة اللي تقول .. بسم الله الرحمن الرحيم (( وَلاَ تُلْقُواْ بِأَيْدِيكُمْ إِلَى التَّهْلُكَةِ )) صدق الله العظيم
استغفر ربك وشيل هذه الفكره من مخيلتك لان صعبه جداً في الوقت الحاضر لان كلنا ينتابنا نفس الاحساس في بعض الاحيان بس نرجع ونقول (( ما باليد حيله )).
مودتي لك اخي

[سمك بني]

اعرف مشاعرك عزيزي اني صارلي 4 اشهر فقط ويوميه اتذكر بيتنه وشارعنه ومنطقتنه,وعيوني تدمع شوق.. افهمك.

[URAL16]

واللة ياخوية  اللة يساعدك ويعينك ضل كلبي يوجعني من كلامك .... اصعب امتحان الي يمر بية العراق والعراقيين الشرفاءها مو الحرامية وقطاع الطرق ... اخي اخذ الجنسية وحاول تسويلك زيارة حتى لو بسيطة  ...
شكرا لكلماتك الحنينة

[أبــو دجـــلة]

السـلام عليكم

آغاتــي أبو سـارة الــورد ....
تحياتي .. ها قد مر الزمن وأنطوت صفحات الايام بما احتوته من الشجون وأنس الوجود
كُبتت المشاعر ولُجم اللسان ولكن .. تضاعفت حدة الشوق واهتصرت النفس وتوالد الأنين
وزاد الانزواء للبحر أو للفضاء المفتوح .. نعم الانزواء والأختلاء للفضاء الواسع ..
لتئن بهدوء ودون وجل .. لتفجر مكبوتات النفس ولتزيح ما لا طاقه لنا فيه .. لــ تبكي
ولترقرق في المحاجر كبت الإشتياق ..
أبو سارة الجليل ..
أشارك أشتياقك وحنينك للوطن الأم .. روحي تذوب لكل نغمة فيها نفس (( العراق ))
ولكن .....
عش واقعك وتمعن واستقرء ما تستخلصه من نظرتك لـ سارة وللعائلة بــ هدف المستقبل
ولا تنسى بأن أبو سـارة وفي شهوره الأولى قد مــر بنفس الحنين .. و مرت الأيـــام
وعن تجربة تفرد بــ نفسك وفي مكان مفتوح واستمع لــ نغمة تهيج الشوق بك .. وعندها
أصرخ وبصوت عال .. وأسكب ما شئت من الدمع .. سوف يطويك هدوء النفس بــ رحمته وتبتسم
وتُحَلق مرحاً ..
بــث شـجونك أيقظ أبــو دجـــلة من سـباته .. وجعله يسطر المشـاعر ويخرج من قوقعته
تحياتي لك وللعائلة الكريمة .. متمنياً لكم السعادة

أبـــو دجــــلة

***

[DR.ROMII]

العم العزيز ابو سارة
تحية طيبة من قلب بغداد في احد صباحاتها الندية وهو غائم جزئي، سيدي العزيز انا لن اعيد واصقل فيما تفضل بهِ الاخوان قبلي واخصهم بالذكر العملاق ابو دجلة الي تشرفت اليوم بقراءة اول موضوع له. اخي العزيز اذا تقبل والادارة الكريمة تسمح لي ارفعلك صور من تصويري لكل الاماكن المذكورة وحتى فيديو اذا تريد وامر عليهم واحد واحد والله العظيم وحتى اذا الله كتبلي جيه لامريكا اجيبلك احلى صوغة عراقية وياي وبيك خير وتدلل، عمي العزيز العبرة مو هنا العبرة للاسف مفقودة عدنا بارض الغربة. لكل الجاليات في الغربة اكو تجمعات ونقابات تجمعهم وتخليهم عن طريق امسيات وندوات وحتى مشاركات مهمة يتعايشون بالم اقل مع غربتهم وتلاكي معظم هاي النشاطات طوعية. للاسف كل الي قريته في بعض المواضيع هو دير بالك من العراقيين لاتختاط بالعراقيين لاتسولف ويا الجماعة، اذا سمعت ٢ يحجون عراقي دير وجهك وغلس !
اخوان ليش ؟ يجيني هسة يگول ضغط الحياة ! عمي حقك بس ميخالف اكو ويك ايند اكو عطل. وخلي نفسك وعائلتك تعيشون اجواء عراقية حلوة ويمكن العشا سمك مسكوف، هسه تگولون شكد بطران !! لعد خلي اكللكم اكو والله جاليات من جنسيات تعبانه تسوي هذا واكثر، بس اريد اعرف ليش هاي السلبية بيناتنا ؟؟ هذا الخوف والشك بالمقابل والتسقيط؟ اي نعم اكو نماذج تعبانه بس والله العراقيين اهل خير. لحد يگلي تسولف بكيفك لان سبق وان عشت غربة ٤ سنوات بره العراق.
والله يا ابو سارة لو العراقيين متكاتفين هناك مثل الاسيويين والهسبانك چان احنه بخير.
خصم الحجي عمي شتوصيني اجيبلك انته والطيبين منا من بغداد؟ مو مجاملة الله يشهد عليه.
اتمنالك كل الخير والسعادة.

السلام عليكم...
هاي السنة الخامسة اللي بامريكا ... شبعت قهر وشوق الى العراق.. كلما اسمع اغنية عراقية عيني اتدمع حتى بطلت اسمع اغاني عراقية .. اريد ارجع للعراق .. اريد اشتم الهوا العراقي .. اريد اكل فلافل يم فالح ابو العنبة ويم حيدر دبل!!! لحد يجي ايكلي اكو هواي مطاعم عراقية بامريكا .. اعرف والله اعرف .. اريد امشي بشارع الرشيد .. افتر بالشورجة ... اعرف اكو مفخخات وعبوات ومليشيات .. اعرف اكو طيحان حظ حشاكم .. اعرف اكو حكومة تعبااااانة وناخرها الفساد من ساساها .. اعرف يمكن بلحظة يجيك داعش من حيث لاتدري .. اعرف والله كل هاي السوالف .. بس الشوق والحنين موووووتني .. اعرف كلهة كم شهر واخذ الجنسية .. اعرف انه راح اخلي الجنسية بالكنتور واقفل عليهة .. اعرف انه ماراح اركض ثاني يوم اطلع جواز امريكي واضمهة بالكنتور مثل باقي العراقيين ... اعرف والله اعرف العراق ماراح اتصيرله جارة لو بعد مية سنة.. اعرف انه راح تكولون عليه اني بطران .. بس والله كلما اشوف صورة لبغداد احس قلبي يطير من مكانه ويرفرف شوقا وحنينا ... اعرف انه هذا حلم .. بس شيحقق الحلم احبتي؟؟!! اخيرا (فاينالي على كولة الامريكان) اعرف اني باقي بامريكا وماراح احجز للعراق..!!

ابو سارة

[اسعد العراقي]

اخوية الكرخي حياك الله
ذكرتني بابن خالي طبعا هو لاجئ بالدنمارك وكان اغلب همة يجي لبغداد وياكل فلافل ويروح لابو نؤاس وياكل سمك مسكوف ..الخ من الاشياء البغدادية. قرر يجي زيارة الى بغداد شهر كال اشبع فرات بيه مااطولها عليك بقةاسبوع كامت الظوجة تصعد عندة الىى ان كوة وصلها اسبوعين خابرني كلي اسعد طلعت روحي راح ارجع. رجع صارلة اكثر من سنتين وماجاب طاري الرجعة كل مااكولة تعال ارجع ايكولي الله ايساعدكم على هل العيشة....فيا اخوية نصيحة مني تعال ارجع للعراق لكن بعد ماتااخذ الجنسية وبعدين نزل موضوع عن رجعتك .تقبل مروري

[rory]

 حبيبي صفاء الكرخي هذا الحنين هو اللي يريد يرجعك الله يساعدك انت كلش حنين اتحمل هلثلث تشهر وتعال انت الترابط الاجتماعي اللي بالعراق هو اللي يشدك بس صفاء مكتلي شلون اكدر ارجع لامريكا واني عندي بس i94 الله يخليك اسئلي قبل ليصير لي الكثر من ست اشهر لان هو يكولون ست اشهر ويسقط صفاء اني بالله وبيك بداعة الحنان والشوق الي بداخلك دلينس عن طريقة ارجع بيها لامريكا

[Safaa Alkhrkhy]

تحية من اعماق القلب لحضرتكم .
طبعاً وقبل كل شئ اهنيك اخي ابو سارة على مشاعرك الجياشه تجاه بلدك اللي صدقني كلنا لانتمنى فراقه لحظه لولا الذي حصل ويحصل فيه. صدقني لو العدو امامك وجهاً لوجه كنا اول الناس المحاربين ضده لكن الارهاب والفتنه والقتل والتهجر لادين لها تأتيك بخنجر مسموم وتطعن كل من لم يسعف نفسه وعائلته من هذا الذي حصل وللأسف مازال يحصل.
اما أماني جنابك الكريم لايسعني ألا ان اذكرك بالايه الكريمة اللي تقول .. بسم الله الرحمن الرحيم (( وَلاَ تُلْقُواْ بِأَيْدِيكُمْ إِلَى التَّهْلُكَةِ )) صدق الله العظيم
استغفر ربك وشيل هذه الفكره من مخيلتك لان صعبه جداً في الوقت الحاضر لان كلنا ينتابنا نفس الاحساس في بعض الاحيان بس نرجع ونقول (( ما باليد حيله )).
مودتي لك اخي

مشكور اخي العزيز ... ربي يوفقك

[Safaa Alkhrkhy]

اعرف مشاعرك عزيزي اني صارلي 4 اشهر فقط ويوميه اتذكر بيتنه وشارعنه ومنطقتنه,وعيوني تدمع شوق.. افهمك.

اخي الغالي ... الحنين والاحساس اتجاه الوطن امر لابيدي ولابيدك .. نحن العراقيين معروفين بهكذا نوع من الحنين الابدي لاوطاننا... اشكرك على المرور العطر.

[Safaa Alkhrkhy]

اخي العزيز اني صار لي سنتين باميركا وكل ما اتذكر الفلافل ودوندرمة السائحة والقفاف وكيك الفهد وبقلاوة الصباغ وابو عفيف واللقم والمن سما مال نعوش وريحة الخبز العراقي وغيرها وغيرها اشوف ولدي ديبتسمون ويكولون هاي شجابهم ببالج ؟اكوم اغير الموضوع واباوع بشاشة حاسبتي حتى لايشوفون دمعتي بعيني...صحيح الرجعة للعراق صارت شبه مستحيلة وتبقى احلامنا نشوفها بفرحة ابنائنا وهم ديعيشون حياتهم بعيدا عن الظلم والتفرقة الطائفية ووووووو......تحياتي

اختي حلا .. هيجتي مواجعي كثيرا كثيرا عندما ذكرتي هذه الاسماء!!!
تحياتي اختي ويارب يحفظكم من كل مكروه.

[Safaa Alkhrkhy]

واللة ياخوية  اللة يساعدك ويعينك ضل كلبي يوجعني من كلامك .... اصعب امتحان الي يمر بية العراق والعراقيين الشرفاءها مو الحرامية وقطاع الطرق ... اخي اخذ الجنسية وحاول تسويلك زيارة حتى لو بسيطة  ...
شكرا لكلماتك الحنينة

شكرا اخي العزيز على مرورك العطر.

[Safaa Alkhrkhy]

السـلام عليكم

آغاتــي أبو سـارة الــورد ....
تحياتي .. ها قد مر الزمن وأنطوت صفحات الايام بما احتوته من الشجون وأنس الوجود
كُبتت المشاعر ولُجم اللسان ولكن .. تضاعفت حدة الشوق واهتصرت النفس وتوالد الأنين
وزاد الانزواء للبحر أو للفضاء المفتوح .. نعم الانزواء والأختلاء للفضاء الواسع ..
لتئن بهدوء ودون وجل .. لتفجر مكبوتات النفس ولتزيح ما لا طاقه لنا فيه .. لــ تبكي
ولترقرق في المحاجر كبت الإشتياق ..
أبو سارة الجليل ..
أشارك أشتياقك وحنينك للوطن الأم .. روحي تذوب لكل نغمة فيها نفس (( العراق ))
ولكن .....
عش واقعك وتمعن واستقرء ما تستخلصه من نظرتك لـ سارة وللعائلة بــ هدف المستقبل
ولا تنسى بأن أبو سـارة وفي شهوره الأولى قد مــر بنفس الحنين .. و مرت الأيـــام
وعن تجربة تفرد بــ نفسك وفي مكان مفتوح واستمع لــ نغمة تهيج الشوق بك .. وعندها
أصرخ وبصوت عال .. وأسكب ما شئت من الدمع .. سوف يطويك هدوء النفس بــ رحمته وتبتسم
وتُحَلق مرحاً ..
بــث شـجونك أيقظ أبــو دجـــلة من سـباته .. وجعله يسطر المشـاعر ويخرج من قوقعته
تحياتي لك وللعائلة الكريمة .. متمنياً لكم السعادة

أبـــو دجــــلة

***

الغالي ابو دجلة ...
لاتعليق ولاقول بعد قولك ...
دمت ابا روحيا لنا جميعا..
اسعدتني كلماتك الرائعة التي هي البلسم الحقيقي لجروح الغربة والشوق والحنين..
تقبل تحياتي العطرة لك وللعائلة.

ابو سارة

[Safaa Alkhrkhy]

العم العزيز ابو سارة
تحية طيبة من قلب بغداد في احد صباحاتها الندية وهو غائم جزئي، سيدي العزيز انا لن اعيد واصقل فيما تفضل بهِ الاخوان قبلي واخصهم بالذكر العملاق ابو دجلة الي تشرفت اليوم بقراءة اول موضوع له. اخي العزيز اذا تقبل والادارة الكريمة تسمح لي ارفعلك صور من تصويري لكل الاماكن المذكورة وحتى فيديو اذا تريد وامر عليهم واحد واحد والله العظيم وحتى اذا الله كتبلي جيه لامريكا اجيبلك احلى صوغة عراقية وياي وبيك خير وتدلل، عمي العزيز العبرة مو هنا العبرة للاسف مفقودة عدنا بارض الغربة. لكل الجاليات في الغربة اكو تجمعات ونقابات تجمعهم وتخليهم عن طريق امسيات وندوات وحتى مشاركات مهمة يتعايشون بالم اقل مع غربتهم وتلاكي معظم هاي النشاطات طوعية. للاسف كل الي قريته في بعض المواضيع هو دير بالك من العراقيين لاتختاط بالعراقيين لاتسولف ويا الجماعة، اذا سمعت ٢ يحجون عراقي دير وجهك وغلس !
اخوان ليش ؟ يجيني هسة يگول ضغط الحياة ! عمي حقك بس ميخالف اكو ويك ايند اكو عطل. وخلي نفسك وعائلتك تعيشون اجواء عراقية حلوة ويمكن العشا سمك مسكوف، هسه تگولون شكد بطران !! لعد خلي اكللكم اكو والله جاليات من جنسيات تعبانه تسوي هذا واكثر، بس اريد اعرف ليش هاي السلبية بيناتنا ؟؟ هذا الخوف والشك بالمقابل والتسقيط؟ اي نعم اكو نماذج تعبانه بس والله العراقيين اهل خير. لحد يگلي تسولف بكيفك لان سبق وان عشت غربة ٤ سنوات بره العراق.
والله يا ابو سارة لو العراقيين متكاتفين هناك مثل الاسيويين والهسبانك چان احنه بخير.
خصم الحجي عمي شتوصيني اجيبلك انته والطيبين منا من بغداد؟ مو مجاملة الله يشهد عليه.
اتمنالك كل الخير والسعادة.

اخي الغالي..
ماتفضلت به هو الحقيقة (وللاسف) هنا في امريكا...
لي عودة لطرحك الرائع في موضوع منفرد ...

تحياتي

ابو سارة

[Safaa Alkhrkhy]

ابو  دجله  الاخ  والمتميز  بحق .
تحية المحبه .
لقد  اثرت  شجوني  بكلماتك  الصادقه   هذه  لا لانها  ايقضت  شعوري  نحو  وطن  كنا  فيه غرباء  اصلا اوعاصمه  ارخص  الاشياء  فيها هو  الانسان  وانما   تذكرت  الايام  الخوالي وانتابني   شعور غريب  وكأنك  تقف  بين  اطلال  مجد  بنيناه  بسواعد  وعقول نقيه  مخلصه . وما انا  الا صدى  لصوتك  الحاضر ..  ترى  هل  هي قلة  وفاء !! منا ام   الدنيا  الامريكيه وايقاعها  السريع  حال  بيننا  وبين هذا  المكان الذي  يحمل  اكثر من معنى  متجذر في نفوسنا (( عنكاوا))  ..  وانا  عن نفسي  بقيت ملازم  لهذا المنتدى  ربما  لانني  حُيِدتْ !انسانيا  بعد  ان  استبدلوا  لي 4  شرايين  للقلب  مما  وفر لي  الوقت الكافي  للتواجد ومنحني هذه الفرصه  . وضمن  السياق  وانا  اقرا  ردك  قفزت  الى مخيلتي  اسماء كانت  محط اعتزازنا  مثل  هشام مراسي  ومظلومه  سوادي  وانجي  وعكعك  وايكو9 والمدرس  واخريين !!  بكل ما  حملت هذه  الاسماء  الخييره  من مشاكسه  وضرافه  المعشر ومواضيع  مفيده   تهم  اللاجئين ..  واخيرا  انت  مدعوا  للعوده  الى  بيتك  الاصيل ...... مع  فائق  التقدير .

حامد  العيساوي  ( the peace ) /  سان دييكَو

اخ حامد العزيز...
لاتوجد كلمة في قاموسي كي استخدمها لاعلق على شذرات الذهب التي نثرتها هنا..
دمت اخا غاليا..

ابو سارة

[Safaa Alkhrkhy]

اخوية الكرخي حياك الله
ذكرتني بابن خالي طبعا هو لاجئ بالدنمارك وكان اغلب همة يجي لبغداد وياكل فلافل ويروح لابو نؤاس وياكل سمك مسكوف ..الخ من الاشياء البغدادية. قرر يجي زيارة الى بغداد شهر كال اشبع فرات بيه مااطولها عليك بقةاسبوع كامت الظوجة تصعد عندة الىى ان كوة وصلها اسبوعين خابرني كلي اسعد طلعت روحي راح ارجع. رجع صارلة اكثر من سنتين وماجاب طاري الرجعة كل مااكولة تعال ارجع ايكولي الله ايساعدكم على هل العيشة....فيا اخوية نصيحة مني تعال ارجع للعراق لكن بعد ماتااخذ الجنسية وبعدين نزل موضوع عن رجعتك .تقبل مروري

الله يساعدك ويساعد ابن خالتك..
رجعتي للعراق مرهونة بامور كثيرة .. كلها للاسف بعيدة المنال..

تحياتي

ابو سارة

[Safaa Alkhrkhy]

حبيبي صفاء الكرخي هذا الحنين هو اللي يريد يرجعك الله يساعدك انت كلش حنين اتحمل هلثلث تشهر وتعال انت الترابط الاجتماعي اللي بالعراق هو اللي يشدك بس صفاء مكتلي شلون اكدر ارجع لامريكا واني عندي بس i94 الله يخليك اسئلي قبل ليصير لي الكثر من ست اشهر لان هو يكولون ست اشهر ويسقط صفاء اني بالله وبيك بداعة الحنان والشوق الي بداخلك دلينس عن طريقة ارجع بيها لامريكا

اخي العزيز
شكرا لكلماتك
ممكن توضيح اكثر عن وضعك؟؟
هل انت بمفردك ام معك عائلة؟؟
اي ولاية كنت موجود بيهة..
هل لديك رقم سوشيل سكيورتي؟؟
لماذا رجعت للعراق؟؟ هل لديك ادلة واثباتات لظروف قاهرة دعتك للرجوع؟؟
اتمنى مساعدتك لكنني لااملك كل التفاصيل حول وضعك ...
اذا عندك رقم (فايبر) ابعثلياه على الخاص حتى استطيع الحديث معك..

اخوك ابو سارة

[Edy Simon]

عزيزي ابو سارة الورد
تحية طيبة من بلاد الغربة,
بالحقيقة اني عندي نفس المشاعر بالرغم من انه اكثر من 5 سنيني قاضيها بالغربة؟
او امبارحة جنت داحجي ويا اهلي بالعراق على ايام العراق او ايام الشورجة
اكيد مهما لقينا بالغربة ميتعوض عن عراقنا الحبيب او ايام بغداد او ولياليها؟
الاحجاية انه نحنا اتغربنا عن حياة عراقنا الحبيب او جنت قبل مدة في العراق
او بعد مابقيت كم شهر حسيت اني ابلد غريب مو هذا عراقنا الحبيب مال كبل؟
او على احجايتك اذا نحنا بالغربة انحن على عراقنا الحبيب او ايامه؟
او اذا نوصل عراقنا الحبيب بعد مدة نشعر احنا غربة عن البلد والحمد الله
انه ابجيبنا جواز سفر اجنبي او نكدر نرجع الى غربتنا اشوكت مانريد؟
او بالحقيقة مو بس اني احجي هذا الكلام من تجربتي وانما اغلب العراقيين
 اللي رجعو ديحجون نفس الحجي؟
او ماكدر اكولك غير اتوكل ابالله او ارجع او شوف وضعك اذا ارتاحيت خير على خير؟
واذا مارتاحيت اتصور تكدر ترجع او هذا القرار راجع الك او اتمنى الك الموفقية
او من المحتمل ان نلتقي بالشورجة لو بشارع الرشيد قريباً بأذن الله.
اخوك المغترب
ابو ديانا
جوسي البغدادي المانيا

[ضياع]

ربي يصبرك على الم الفراق واحنة هم راح نعيش هذا الاحساس والغربة صعبة

ويارب يرجع العراق مثل ايام زمان وكلنة نرجع

تحياتي المشاعرك والاحساسك الوطني

اختك ضياع

[Sound of Soul]

 امنياتك بعيدة المنال تلك اعطت القاً مميزا لاسلوب طرحك
 في ايصال ما اردت قوله  للمتلقي اخونا الكرخي

امنياتنا بالتوفيق لحضرتك ببلدك الحالي .
ساوند .

[Sound of Soul]

السـلام عليكم

آغاتــي أبو سـارة الــورد ....
تحياتي .. ها قد مر الزمن وأنطوت صفحات الايام بما احتوته من الشجون وأنس الوجود
كُبتت المشاعر ولُجم اللسان ولكن .. تضاعفت حدة الشوق واهتصرت النفس وتوالد الأنين
وزاد الانزواء للبحر أو للفضاء المفتوح .. نعم الانزواء والأختلاء للفضاء الواسع ..
لتئن بهدوء ودون وجل .. لتفجر مكبوتات النفس ولتزيح ما لا طاقه لنا فيه .. لــ تبكي
ولترقرق في المحاجر كبت الإشتياق ..
أبو سارة الجليل ..
أشارك أشتياقك وحنينك للوطن الأم .. روحي تذوب لكل نغمة فيها نفس (( العراق ))
ولكن .....
عش واقعك وتمعن واستقرء ما تستخلصه من نظرتك لـ سارة وللعائلة بــ هدف المستقبل
ولا تنسى بأن أبو سـارة وفي شهوره الأولى قد مــر بنفس الحنين .. و مرت الأيـــام
وعن تجربة تفرد بــ نفسك وفي مكان مفتوح واستمع لــ نغمة تهيج الشوق بك .. وعندها
أصرخ وبصوت عال .. وأسكب ما شئت من الدمع .. سوف يطويك هدوء النفس بــ رحمته وتبتسم
وتُحَلق مرحاً ..
بــث شـجونك أيقظ أبــو دجـــلة من سـباته .. وجعله يسطر المشـاعر ويخرج من قوقعته
تحياتي لك وللعائلة الكريمة .. متمنياً لكم السعادة

أبـــو دجــــلة

***

عمنا العزيز ابو دجلة
اشرقت وانورت .. سعداء جدا بخروجك من سباتك
تحياتي .
ساوند .

[Safaa Alkhrkhy]

عزيزي ابو سارة الورد
تحية طيبة من بلاد الغربة,
بالحقيقة اني عندي نفس المشاعر بالرغم من انه اكثر من 5 سنيني قاضيها بالغربة؟
او امبارحة جنت داحجي ويا اهلي بالعراق على ايام العراق او ايام الشورجة
اكيد مهما لقينا بالغربة ميتعوض عن عراقنا الحبيب او ايام بغداد او ولياليها؟
الاحجاية انه نحنا اتغربنا عن حياة عراقنا الحبيب او جنت قبل مدة في العراق
او بعد مابقيت كم شهر حسيت اني ابلد غريب مو هذا عراقنا الحبيب مال كبل؟
او على احجايتك اذا نحنا بالغربة انحن على عراقنا الحبيب او ايامه؟
او اذا نوصل عراقنا الحبيب بعد مدة نشعر احنا غربة عن البلد والحمد الله
انه ابجيبنا جواز سفر اجنبي او نكدر نرجع الى غربتنا اشوكت مانريد؟
او بالحقيقة مو بس اني احجي هذا الكلام من تجربتي وانما اغلب العراقيين
 اللي رجعو ديحجون نفس الحجي؟
او ماكدر اكولك غير اتوكل ابالله او ارجع او شوف وضعك اذا ارتاحيت خير على خير؟
واذا مارتاحيت اتصور تكدر ترجع او هذا القرار راجع الك او اتمنى الك الموفقية
او من المحتمل ان نلتقي بالشورجة لو بشارع الرشيد قريباً بأذن الله.
اخوك المغترب
ابو ديانا
جوسي البغدادي المانيا

اضفت ملحا وبلسما في آن واحد اخي العزيز ...
كلنا (مع اختلاف انتمائتنا)نشتاق للعراق وكل حسب مايراه...
لعل الوطن ليس هو الارض والامكنة فحسب!!
الوطن (وهذه وجهة نظري) هو الناس والمجتمع واخلاقهم وتعاملهم مع الاخرين.. فكم من عراقي احس ب(عراقيته) خارج اسوار الوطن وكم من عراقي فقد (عراقيته) وهو بين احضان دجلة والفرات؟!!
الناس والاخلاق والمجتمع والتعامل بيننا كعراقيين في بلدي اصبح ماضي نحن اليه ولانجده بين اناملنا .. ونحن كعراقيين اولا وكعرب ثانيا لانحس بقيمة الشيء ولانقدره الا عندما يولي عنا ونفتقده..
تحياتي مرة ثانية اخي الفاضل..

ابو سارة

[Safaa Alkhrkhy]

 امنياتك بعيدة المنال تلك اعطت القاً مميزا لاسلوب طرحك
 في ايصال ما اردت قوله  للمتلقي اخونا الكرخي

امنياتنا بالتوفيق لحضرتك ببلدك الحالي .
ساوند .

دمتي القا ولؤلؤا اختي ساوند...
حقيقة هناك امور (هواية) مرهونة برجوعي الى العراق ولو كزائر .. اسال الله ان يقربها ولايجعلها بعيدة المنال..
تحياتي

[زورائي بيانكونيري]

لا تعليق ..!!

[كلبة مشلوع]

نصيحة ، ارجع للعراق حتى لانة انت مشتاقلة و اذا ضل هيج ما راح ترتاح فا لازم ترجع كزيارة فد شهريين ، و بعده انت من يمك تريد ترجع اني متلكد طبعا ، و خلي ابالك العراقيين كله تتمنى تسافر و كله تتمنى تكون ابدالك  ،،،،، و على كولت ولد الفلافل  بلغربة وطن ههههه  و تحياتي الك استاذ اخوك من بغداد و صارلي من ٢٠١١ دنتضر  سفر

[أبو توفي]

السلام عليكم ورحمة الله وبركاته
الاخ العزيز العراقي الصميمي أبو ساره الغالي لقد سببت لنا جميعاً شلل التعبير وخصوصاً رجل بمكانة حضرتك الراقي وهويتكلم على حنين الوطن وخاصةً للاصيل مثل حضرتك صعب ان يفهما اي شخص الا اذا كان بمستوى حب ابو ساره لبلده... اليوم تجدنا لدينا الحجة القوية لترك البلد ويمكن تصل الجرأة عند بعضنا بنعته بأقبح الاوصاف وينسى او يتناسى بان هذا البلد به عرقه الذي انحدر منه ...
اليوم العراق جعل العراقيين خاصة وشعوب العالم عامة بحيرة من الذي يحصل به لكن يوجد منا من هو الجذر تجذر عنده ومنا من هو جذره اساساً به خلل ، أحلى وأرقى ما ببلدي هو هذا الحب والحنين الذي يحمله له ابنائه الغيارى امثال حضرتك وأخوتي الذين شاركوك بموضوعك الراقي ...
وثق يا أبو ساره العزيز لو وجدت في بلاد الغربة عراقيين بنفس الروح التي تحملها لبلدك لم تفكر على الاقل بهذه النبرة المحزنه والتي تريد ان تدفع نفسك لا سامح الله الى التهلكة من أجل حنين وشوق لبغداد العروبة
...لا يوجد شعب بالعالم ينتقد بلده وهذه اوربا فعلت ما فعلت بها الحرب العالمية الاولى والثانية لكنهم لم يحقدو على بلدهم كوارث انسانية ومن الطراز الاول لكنهم بدأو النهوض وعمرو ووصلو الى ما هو هم عليه الان ...نحن فقط الذين دمرنا بلدنا بايدنا لاننا فهمنا للدين افسد للود قضية عندنا وترى مثقفينا وانت خير دليل عندك وهم الان امامك المفروض قد زال عنه تأثير الدين عليه لكنه تشاهده لا زال متأثراً عشوائياً متطرفاً بكل ما تحمل هذه الكلمة...
عراق السيتينات والسبعينات وجزء من الثمانينات قد ذهب الى غير رجعه ولسبب بسيط وقاعده أيمانية قرآنية بحدته (( أن الله لا يغير ما بقوم حتى يغيرو ما بأنفسهم )) اذا يجب علينا جميعاً ان يشملنا التغيير وبمن ضمنهم المتكلم حتى نستطيع ان نعيش ضمن مجتمع يتقبل الرأي والراي الاخر حتى وان تقاطعت الاراء فأن القاعدة تقول هذا لا يفسد للود قضية..
تقبل مني كل الود والاحترام العالي لشخصك الراقي يا أبن بلدي الغالي


    أخوك أبو توفي

[Islam2]

عمو ابو سارة الله يساعدك انت تعرف كل الوظع بالعراق وكاتبة
الله يساعد العراقيين كلبنة مشلوع بس نكول الف الحمدلله والشكر ع كل حال
بس هوة القدر خلانة هيج وهاي قسمتنة صرنة نتمنة نشوف اهلنة
اني صارلي سنتين من طالع من العراق ووحدي مو وية اهلي وطلعت عمري 22يعني احتاج اهلي اكثر من اي احد
 وكاعد انتظر اللجوءبس اريد اخلص بس شنسوي نصبر ونكول الله كريم لازم يجي يوم وتفرج .. تحياتي اللك عمو وربي يوفقكم

[Tanner007]

اخي العزيز .. الكرخي
اني من يمي حسيت بالحنين مع اني عايش بالعراق عمري كله وصارلي خمس سنوات انتظر سفر وممسافر اي بلد خارجي واعرف راح يذبحني الحنين للعراق اذا طلعت لكن ما باليد حيلة. للاسف العراق صار مثل النار كما تتقربله يحرقك اكثر واذا تبتعد عنه تحس نفسك جامد بمقبرة كلها ثلج وترجع تشتاق لحضنه الدافئ... زين بعدين والحل ؟؟
لازم العراقي يطلع ويحصل جنسية ويحصل سكن مناسب ويعيش حياة طبيعية مثل باقي البشر حتى يحس بالامان داخل نفسه عالاقل ثم يزور العراق اذا امكن حتى ميظل ياكل بنفسه ليش طلعت وعفت بلدي ومن يشوف القتل والدم والدمار يقول الف الحمد لله عندي بلد وبيت بره يلفيني ويطلع والدمعة نحفر خده ويودع العراق.
مع تحياتي ..
ابو علي

[Safaa Alkhrkhy]

السلام عليكم...
اشكر الجميع (بدون استثناء) على المداخلات الرائعة والكلمات الصادقة..
قدمت الى الولايات المتحدة سنة 2010 وكان اصغر اطفالي عمره سنة واحدة بالتمام والكمال.. واليوم وانا امضي في سنتي الخامسة على هذه الارض انظر بحيرة وخوف وقلق الى صغيري هذا وشقيقه الذي مازال يحبو .. اقول مع نفسي كيف لي ان اجعل هاذين الصغيرين بعد سنوات يفهمان بان جذورهما ليست هنا وان لهما بلدا هناك بعيدا يحملان جنسيته قبل ان يحملان جنسية هذا البلد؟!! كيف لي ان اجيب عن تساؤلات طفلي عندما يبدئان سؤالهما المنتظر والمتوقع (( ليش عفنة العراق؟))ماذا عساني ان اجيبهم؟؟ كيف لي ان اوصل لهم بان بلدهم العراق الذي لايعرفون عنه سوى حروفه الاربع قد دفنته بالتراب يوم قررت ان اضع حقيبتي في الطائرة التي اقلتنا جميعا الى عمان لتكون اول خطوة على طريق المنفى؟ كيف لي ان اجيب عن سؤال اطفالي الاربع جميعا عندما يسالوني الواحد تلو الاخر عن خالهم وخالتهم وعمهم وعمتهم وعن فلان وفلانه الذين يرونهم في الصور؟ كيف لهم ان يعوضوا ضمة وقبلة الخال او الخالة او العم او العمة بل وحتى الجد والجدة ببوست على الفيس بووك او صورة عابرة او حتى مكالمة على السكايب او الفايبر؟؟ اعرف جيدا انهم احرار في الذهاب والسفر الى العراق .. واعرف جيدا جيدا بانهم لن يستطيعوا ان يعيشوا فيه بعد الان!! اعرف جيدا بانني قدمت لهم اقصى مااستطيع وجعلتهم يعيشون في اكبر واعظم بلد في العالم ولكنني في نفس الوقت اعرف جيدا بانني حرمتهم من جذورهم الاصيلة ومن بلدهم الاول العراق...!!
لعل من له عائلة واطفال هنا في امريكا سوف يكون شريكي في المي هذا وحيرتي هذه ولعل الغير من العراقيين الذين لايملكون عائلة هنا هم اشد حنينا وشوقا الى لفحة هواء ساخن في تموز وهم في كراج العلاوي..!!!

تحياتي مرة ثانية للجميع .

ابو سارة

[اجونة]

السلام عليكم
اول ماقرأت اسم صاحب الموضوع انصدمت ....كلت معقوله هذا الشخص قديم جدا ونحن نقرأ مشاركاته الرائعه ع الحياة في اميركا تبادر الى ذهني عدة اسئله وبسرعه وانا ادخل ع الموضوع واهمها ...لماذا الرجوع ؟....بماذا يفكر ؟ وبعدين قرأت خمس سنوات تبسمرت في مكاني .... وقلت في نفسي حييييل كل هاي المده شلون تحملتها ...؟ ولكن من اكملت الموضوع وعرفت السبب الرجوع هو الحنين لكل شي في العراق وباﻻخص عاصمتنا الحبيبه بغداد نزلت دموعي تهللل وتضحك ع ذكريااات حللوه وجميله صحيح نحن وصلنا الى اميركا قبل تقريبا شهرين .... ولكن قبلها كنا فى اﻻردن ﻻكثر من 8 سنوات ولكن الغربه اهون من اميركا ولو هي الغربه...غربه ...
واﻻن كلما انظر الى اوﻻدي وبداية مستقبلهم الدراسي اكول تهون واتحمل اكثر واكثر ....وﻻجل عين تكرم الف عين ...
اخي الفاضل صفاء الكرخي ...ان شالله بعد حصولكم ع الجنسيه والجواز اﻻمريكي بأذن تعالى...حقق حلمك وارجع للعراق زياره مو غلط واشبع من شوفة اﻻهل واشبع فلافل من فالح ابو العمه وسمج مسكوف ع ابو نؤاس  وبقلاوة نعوش .....الخ ....وﻻ تخلي شي بقلبك يعتب عليك والله الحافظ...تحيااتي للجميع
اختكم اجونه ..من امريكا

[حسين الجبوري]

إلـيـــــــك َ يـحــن ُّ القلــب يــاوطــنـــــــــــا ً

 يامــهــد الحضــارة ِ ومســرى الأنبـــيــاء

 وأحنــي الضــلوع َ علــى الضــلـوع ِ مرتجـــفا ً

 ألــم ُّ شــتـات َ الأمــس يـلـهـمـنــي الـرجــــــاء

 اليـــك يـاوطــن َ الأحـــزان ِ شــاخصــة ً

 دمـــوع ُ الثــكـالى فـي صـبــاح ٍ ومســـــــــــاء

 قــد تـرجــم ض الأعـــداء ُ أقــوالــك لـغــطــا ً

 فـاخـتـلـطــت ْ هـجـيـتــهم لحـــروف الـهـجــــــــــاء

 ســاقـوك للـمــوت والآهـــات ِ مـنـعــزلا ً

 هــدمــوا الصــوامـع والقــبب َ العــليـــــــــاء

 أسقــَـوك َ الــردى مـاعــرفوك وطـنـا ً

 تســجـُـد لـعـليـــاءك َ النــجــوم ُ فــي الســمــــاء

 يــاوطــن الـمجــد ِ يــاحــرا ً ومبــتهــلا ً

 هيهــات أن تــثنــيـك َ اللعــبـة ُ الهــوجـــــــــاء

 هيــهـات َ أن تــذهــب الدمـــاء ُ ســـُدا َ

 فـفــيــك َ العـــزَّة ُ تــاهــت والإبـــــــــــــاء

 عــزَفــوا علــى نـهــريــك َ جــُـرحــا ً ودمـــاً

 ليــسـت ْ كـكــل ِّ الجـــراح ِ ولا الدمـــــــــــــاء

 يـــاوطــن الأحـــرار ِ اســتمــحيــك َ عــُذرا ً

 هــل ْ أصـبــح َ الظــُلـم ُ مـع الحــق ِ ســــــواء ..؟

 هــل ْ جــاز َ للأشــرار أن يغــتــالـوك َ ســـرا ً

 ويــغـتــالــوا بـنـيـك َ بــــلا عـنـــــــاء ..؟

 إلــيـــــك َ يــاوطـنــا ً بـالمــكـنــون ِ د ُراً

 يــزهــو بعـــرس ِ أبــنــائـه الشـــهـــــــــــداء

 ســموك َ ومــاعــرفــوك َ فـي الأهــوال ِ فــعــلا ً

 لا قــولا ً كــمــا يـتـفــوَّه ُ الجـبـنــــــــــــــــاء

 و لاعــرفــوك َ مــن بـيـن المــعــادن ِ تــبــرا ً

 تـــزداد ُ وهـــجــا ً فــي الـلــيلــة ِ الــدهـمــــــــــاء

تحياتي للاخ العزيز ابو ساره المحترم
اخوكم
حسين الجبوري

[sindbad2014]

السلام عليكم
اول ماقرأت اسم صاحب الموضوع انصدمت ....كلت معقوله هذا الشخص قديم جدا ونحن نقرأ مشاركاته الرائعه ع الحياة في اميركا تبادر الى ذهني عدة اسئله وبسرعه وانا ادخل ع الموضوع واهمها ...لماذا الرجوع ؟....بماذا يفكر ؟ وبعدين قرأت خمس سنوات تبسمرت في مكاني .... وقلت في نفسي حييييل كل هاي المده شلون تحملتها ...؟ ولكن من اكملت الموضوع وعرفت السبب الرجوع هو الحنين لكل شي في العراق وباﻻخص عاصمتنا الحبيبه بغداد نزلت دموعي تهللل وتضحك ع ذكريااات حللوه وجميله صحيح نحن وصلنا الى اميركا قبل تقريبا شهرين .... ولكن قبلها كنا فى اﻻردن ﻻكثر من 8 سنوات ولكن الغربه اهون من اميركا ولو هي الغربه...غربه ...
واﻻن كلما انظر الى اوﻻدي وبداية مستقبلهم الدراسي اكول تهون واتحمل اكثر واكثر ....وﻻجل عين تكرم الف عين ...
اخي الفاضل صفاء الكرخي ...ان شالله بعد حصولكم ع الجنسيه والجواز اﻻمريكي بأذن تعالى...حقق حلمك وارجع للعراق زياره مو غلط واشبع من شوفة اﻻهل واشبع فلافل من فالح ابو العمه وسمج مسكوف ع ابو نؤاس  وبقلاوة نعوش .....الخ ....وﻻ تخلي شي بقلبك يعتب عليك والله الحافظ...تحيااتي للجميع
اختكم اجونه ..من امريكا

مرحبا اختي ( اجونه )
ربي يوفقكم في الحياة الجديدة ويعوض صبركم خير
بصراحة اسف واتمنى ان لاتعتبرين سؤالي تدخل لان اني خفت من قريت جوابك او ردك بموضوع الاخ صفاء الكرخي حول الحنين الى العراق
حيث عرفت شيء أذهلني وصدمني وهو انك كنتي في عمان ثمان سنوات قبل تحقق السفر الى امريكا
سؤالي اختي هل هذا يعني ان الاجراءات أخذت كل هذه المدة
لان اني بصراحة خايف لان قابلت محلف يوم 15\9\2014 واستلمت النتيجة والي هي نفس نتيجة الموافقة المشروطة لكن بلغونه وقتها اننا معلقين بسبب الامنية وتحول الملف من يومها الى معلق وخانة المحلف بعدها فعال والفحص غير فعال

فقط ردت اعرف هل ممكن لأحد أن يطول انتظارة كل هذا الوقت ام كان لتأخيركم اسباب اخرى مع الشكر
واسف لللاطالة بس والله القلق حياكلني

تحياتي

[اجونة]

مرحبا اختي ( اجونه )
ربي يوفقكم في الحياة الجديدة ويعوض صبركم خير
بصراحة اسف واتمنى ان لاتعتبرين سؤالي تدخل لان اني خفت من قريت جوابك او ردك بموضوع الاخ صفاء الكرخي حول الحنين الى العراق
حيث عرفت شيء أذهلني وصدمني وهو انك كنتي في عمان ثمان سنوات قبل تحقق السفر الى امريكا
سؤالي اختي هل هذا يعني ان الاجراءات أخذت كل هذه المدة
لان اني بصراحة خايف لان قابلت محلف يوم 15\9\2014 واستلمت النتيجة والي هي نفس نتيجة الموافقة المشروطة لكن بلغونه وقتها اننا معلقين بسبب الامنية وتحول الملف من يومها الى معلق وخانة المحلف بعدها فعال والفحص غير فعال

فقط ردت اعرف هل ممكن لأحد أن يطول انتظارة كل هذا الوقت ام كان لتأخيركم اسباب اخرى مع الشكر
واسف لللاطالة بس والله القلق حياكلني

تحياتي

السلام عليكم اخويه السندباد ﻻﻻﻻ يظل بالكم  في قلق ..كل ملف وحالته .
معظم العوائل او الملفات الي ويانه والي بعدنا جاءو الى اﻻردن سافروو قبلنا بسنين فلا تقلق وﻻ تقيس او تقارن ملفكم مع غيركم
وان شالله متطول اقامتكم في اﻻردن ..وندعو لكم بالسفر القريب

[sindbad2014]

شكرا اختي على الرد
الله يوفقكم وييسر اموركم

[دشتي]

الأخ ابو سارة المحترم

احب ان احييك اولا و انا بصراحة احاول ان اقدر مشاعرك لأني لم امر بهذه التجربة من قبل و ان كنت اتمنى ان امر بها و لا انوي ان اعود لأرض الوطن الذي لم ار فيه راحة يوم واحد و قد نشأت و انا اراه يعاني ويلات الحروب و الكوارث و و و و و هذه الحروب و الكوارث التي عقدتني نفسيا و صحيا و اجتماعيا و ماديا و لا اتصور انها موجودة في اميركا.
و لكني لو خرجت من العراق و اتحدث عن نفسي فاذا اشتقت فساتذكر هذه الفيديو

https://www.youtube.com/watch?v=RxDu7ezRsJY

تحياتي لكم و لجميع الأعضاء و اعتذر ربما لم افهمك بشكل صحيح و لكن هذا قدر فهمي لقلة التجربة كما ذكرت لك و مثل ما قبل شر البلية ما يضحك

اخوكم دشتي

[Awsaws]

الى العراقي الغيور ابو ساره
نادرا ما يقرء الانسان بقلبه وليس بعينيه في بادء الامر خشية ان يكون موضوعك هو بدايه للانسحاب والهروب الى المجهول ولاكن بعد ان  اكملة قرائة ما كتبت اناملك الذهبيه انتابني شعور امر واصعب لانني احسست انا ما تمر به هو اصعب بكثير من قرار العوده لا يوجد بيدنا غير الدعاء والصبر تحياتي لك والكل من ساهم في موضوعك هذا بكلمات تنبع من قلوب محبه حفضكم الله انتم واهلكم من كل سوء
ابو اوس

[محارب]

ابو ساره الصديق المحترم شبيك اليوم عيوني تره ضوجه وتعدي حالهه حال باقي الضوجات طبعا ما اريد أكون مواسي لك لأنك اكبر من هذا الشي
أمامك خيارين الخيار الاول تحجز تأخذ لك أسبوع بالعراق والخيار الثاني ان تبطل تسمع اغاني
لان المطربين يسكنون خارج البلد و يشترون مشاعر شخص ما لتجارتهم يعني  مثل فرقة الإنشاد يغني على ألساتر كلنه تعنينه وهم بالإذاعة وشبعانين طرب ودك اصبعتبن و محد ماكلهه غير ولد الخايبه. خليني أكون قاسي حتى محد يقره موضوعك وعنده كم فلس يرجع و يروح بالرجلين ببلد الذئاب .
دعني أكون من غير عواطف لان موضوعك احبطني
شعورك شعور طبيعي جداً هو شعور كل مواطن يحن الى بلده ومنهم من يخفي ذلك ، يعني الهندي يحن الى دلهي و كالكتا والفيل والحيه شلون من تطلع من التنگه على أنغام الناي و سينمات بوليود والأفغاني يحن أيضاً والمصري كذلك.
لا اخفي عنك ان شربة ماء من دجلة تساوي عندي تنكر من بير زمزم لكن كلما اذكر تلك الأيام التي شربنا الماء بطعم أجساد إخواننا المغدورين الذين تفسخت جثثهم في الماء ونجبر للشرب منه للبقاء على قيد الحياة اكره ذلك المجتمع وتلك البيئة ممكن ان يراودنا الشوق او يقتلنا احيانا لكن حينما يقتل الأب ابنائه فذلك بحث اخر
متى سيشبع العراق من قتل ابنائه بيد اللقطاء الذين جاء بهم ليحملوا اسمه ويشاركون  أبناؤه على وليمتهم واحدا تلو الاخر .
ابو نؤاس والشورجة ياصديقي لم يتغيروا إنما تغير ماهو اثمن وهو المعدن الأصيل .

[محارب]

اخي  صفاء  الكرخي  ابو ساره  ..   جميع  الاخوه   اللذين  ساهموا  في    موضوعك  الان  لا  يعرفون  بان  ابو ساره  وقبل سفره  بايام  قد  تعرض  لاطلاق  نار   في محاولة  اغتيال  في  بغداد  وادخل  المستشفى   على  اثرها  وقد  نجا بفضل  الله  .....  رغم اني  لم  اساهم  بشكل  مباشر  في  موضوعك   هذا .  الا  ان  الكلم  الطيب  الذي  صدر  منك بحقي  وقد  لا  استحقه  .
(( اخ  حامد  العزيز ...
لا توجد   كلمة  في  قاموسي  كي  استخدمها  لاعلق  على  شذرات  الذهب  التي  نثرتها  هنا ..
دمت  اخا  غاليا . .
ابو  سارة  ))

 جعلني  اعود  ثانيتا  لموضوعك  ..
لست  مبالغا  اذا  قلت  بان  كل  الاخوه  اللذين  كتبوا ردودهم  لم يعرفوا  قصدك وما ترمي اليه  الا  انا  وسيده  اخرى     وقد  اقترب  ابو دجله   من  ما  ذهبت  اليه   ولو  بشكل نسبي  !!  .  ولذلك  اثرت  الصمت  على  الرد   لعمق  موضوعك  الانساني .  البعض  يحاول  ان يزايد  على  الوطن  وعلى  العراق  وهو  اصلا  لا  يفقه  ماهو  العراق  وكيف  انشيء  وكيف تكون  وما  هي  الجذور  التاريخيه  لهذه  التسميه .  حتى  انهم  يجيرون  بلاد  ما  بين النهرين  لصالح  العراق  الحديث   الذي  هو  خليط  من  ابناء ما  بين  النهرين والمستعرقون  المتشبثون  بهذه التسميه  وقد  تجد  جذورهم  تركيه او  فارسيه  او  هنديه او من  رعاع  الصحاري  !!  .  ولخوائهم  الفكري  ولضمائرهم المعقده  نراهم    تاره   سياسي وتاره  واعض   بالدين  ويستشهد  بآيات  من  القران   .  اي  انه  ضبابي  في  افكاره   وذو جذور  عائمه  لذلك  يخلط  بين  الموضوعيه  والذاتيه  وبشكل بائس   .  وليست لديه  الشجاعه  لقول  ما  يود  قوله  ! . وهؤلاء  المستعقرون  ان جاز  التعبير  نراه  يلعن  امريكا ويشتمها  لان  عادتهم  تختلف  عن  عادتنا !  وهم  بلاد  الكفر  وفي  نفس  الوقت  يسلك  سلوك انتهازي  مشين  للوصول  اليها واكل خيراتها   والبصق  بعد  الاكل  باواني  الاكل  !! .   انا  ارى  انهم   ليسوا  اهلا  للرد  عليهم  ....  ابو ساره  هنيئا  لامريكا  بكم  ... وهنيئا  لكم  بامريكا  .  فانت  احسن  من  يستحقها  بجداره  ...  وحتما  هي  وطننا  الذي لن  ابدله  بالف  عراق  من  عراق  اليوم  .......  مع  كل  الود . [/b][/color]

نعم أستاذي الكريم
هناك من انتسبوا الى بلاد الرافدين من الرعاع والغجر و اليوم يجردون السومريين من هويتهم
صدقت بان هناك جذور عفنه وضعت مع الجذور الطيبه فتضرر جزء وبقي جزء ضد الصدع
حيث عاش اهل البلاد الأصليين تحت قمع اصحاب الجذور العفنه بمسمى الوطن الواحد

[sameer88]

حبيبي أبو سارة.... انت من القلائل الذين عندما اتحدث اليهم واسمع نبرة صوتهم أشعر بالثقة وبأنني أسير بالطريق الصحيح.
بالأووف القادم مالتك أتصل بيك وندردش شوية... بس فهمني... مصارلك 3 اشهر من فريتلك 4 ولايات؟ شبسرعة لحكت تضوج؟

[امين عبد الله]

السـلام عليكم
آغاتــي أبو سـارة الــورد ....
تحياتي .. ها قد مر الزمن وأنطوت صفحات الايام بما احتوته من الشجون وأنس الوجود
كُبتت المشاعر ولُجم اللسان ولكن .. تضاعفت حدة الشوق واهتصرت النفس وتوالد الأنين
وزاد الانزواء للبحر أو للفضاء المفتوح .. نعم الانزواء والأختلاء للفضاء الواسع ..
لتئن بهدوء ودون وجل .. لتفجر مكبوتات النفس ولتزيح ما لا طاقه لنا فيه .. لــ تبكي
ولترقرق في المحاجر كبت الإشتياق ..
أبو سارة الجليل ..
أشارك أشتياقك وحنينك للوطن الأم .. روحي تذوب لكل نغمة فيها نفس (( العراق ))
ولكن .....
عش واقعك وتمعن واستقرء ما تستخلصه من نظرتك لـ سارة وللعائلة بــ هدف المستقبل
ولا تنسى بأن أبو سـارة وفي شهوره الأولى قد مــر بنفس الحنين .. و مرت الأيـــام
وعن تجربة تفرد بــ نفسك وفي مكان مفتوح واستمع لــ نغمة تهيج الشوق بك .. وعندها
أصرخ وبصوت عال .. وأسكب ما شئت من الدمع .. سوف يطويك هدوء النفس بــ رحمته وتبتسم
وتُحَلق مرحاً ..
بــث شـجونك أيقظ أبــو دجـــلة من سـباته .. وجعله يسطر المشـاعر ويخرج من قوقعته
تحياتي لك وللعائلة الكريمة .. متمنياً لكم السعادة

أبـــو دجــــلة

***

اخي الكريم ابو ساره

لا استطيع ان اجد كلمات او تعبير ابلغ مما كتبه لك الاخ ابو دجلة. فالعراق ليس وطن نعيش فيه لأنه وطنٌ يعيش فينا.

 اريدك ان تسمع هذه القصيدة اخي الكريم ابو سارة


https://www.youtube.com/watch?v=Jv0dLQVEz2k

[يمته تفرج]

هل فعلا ارض الرافدين ارض الخير في رأيك وتريد الرجوع اليها ؟؟؟!!!
سيتهمني الكثير انني لا احب بلدي ولكن لناتي الى تاريخ هذه البقعة وما حدث فيها عبر مر العصور
العراق الارض الوحيدة التي تكونت فيه اربع حظارات نلاحظ ان كل دولة لها تاريخ قديم قد ظهرت فيه حظارة واحدة مصر وادي النيل والفراعنة الحضارة اليونانية في اوربا وهكذا والحضارات العراقية لم تاتي لتكمل احداهما الاخرى بل تدمر مابنته الحضارة التي تسبقها وتقتل قاداتها لتبني حضارتها الجديدة حسب فلسفتها ومعتقداتها والعجيب ان ارض الرافدين لا يعرف لهم سكان اصليين اذ ان اغلب سكانها هم من النازحين من الاراضي التركية او من اليمن وهكذا هؤلاء النازحين كانوا يعملون باعمال بسيطة ثم يشتد عودهم ويتوغلون في مفاصل الدولة حتى يسقطونها وينشؤون دولتهم او حظارتهم الخاصة بهم وهذا ما حصل فعلا للحضارات الاربعة القديمة
ارض الرافدين صحيح هي ارض الانبياء لكن الحقيقة ايضا ان هؤلاء الانبياء قد قتلوا في هذا الارض شر قتلة
اما الحقبة التي تلت هذه الحضارات وظهور الدولة الاسلامية نرى ان ارض العراق كانت ارض النزاعات والحروب المستمرة منذ تحريرها من الامبراطورية الفارسية ولحد الان الامويون حكموها بالحديد والنار كانت سابقا الكوفة والبصرة كذلك العباسيين فاغلب الثورات التي حدثت ضدهم كانت تقمع بوحشية وقتل جماعي بدون رحمة هذه الارض قتل فيها الانبياء قتل فيها ائمة ال بيت رسول الله وفي العصر الحديث حدث ولا حرج من احتلال هولاكو لبغداد الى الاحتلال العثماني والبريطاني واليوم حكم البعث ثم حكم الاحزاب الحالية والعنف الطائفي الذي لم ينتهي منذ 1400 عام ولحد الان
الحقيقة التي يكابر البعض ولا يريد الاعتراف بها ان هذه الارض نشات عليها حضارات بنيت بعرق ودماء الفقراء باجور زهيدة وعقوبات اسهلها الموت
اما الفترة الاسلامية فنلاحظ كثرة الثورات التي حدثت على هذه الاض ونهاياتها المؤلمة بغض النظر عن اسبابها وطبيعتها اما شعب وادي الرافدين فقد كان دائما هو الوقود الذي تتحرك فيه ماكنة الاحداث قتلته الحضارات المتعاقبة ليرضخ للواقع الجديد قتله الامويين قتله العباسيين قتله العثمانيين قتله الانكليز قتله البعثيين قتلته الاحزاب اليوم والافجع والامر اليوم اننا بتنا نقتل بعضنا الاخر بعد ان اوهما السراق والارهابيين من سياسيين وعمائم مزيفة اننا اعداء
ارض الرافدين الارض الخضراء ارض المياه ارض الانبياء ارض الائمة والعلماء ارض البترول اول من علم الانسان الكتابة وسن القوانين يعيش اهلها في خيم بالية جوعى مرضى فقراء نستجدي اللقمة نبحث عن الامان رحمك الله شاعرنا السياب مطر مطر مطر ...............وفي العراق جوع

هل تريد الرجوع الى هذه الارض ؟؟؟!!!

[Imad al Timimi]

كأنك في قلبي ايها الاخ " يمتة الفرج ".
ان الطبيعة الانسانية وبدون ان يشعر بها الانسان نفسه تصَوِرُ له ان الماضي ( مهما كان مؤلما) جميلُ وليته يعود . لنسأل انفسنا والمثال قريب جدا وهي فترة الحرب ماقبل دخول الكويت . من منا لم يجزع وكان يتمنى ان تقف دواليب ومسننات الحرب الضروس وما رافقها من مآسي يندى لها جبين الانسانية ومن منا لم يقل سرا وعلانية  " ليكن ما يكن فسأعيش على الحصير واكل خبزا وبصل .. أنا راضٍ لكن فقط ان تضع الحرب اوزارها ".. وها هي قد توقفت واصبحت في طي الماضي ولكننا نرانا الآن نقول لقد كانت حقبتها اهون من الحقبة الحالية ( بمعنى ليتها تعود وتستبدل الحال الان ..وهي اهون الشرين) الكل يقول ليت ايامنا الان كما هي ايام تلك الحقبة بمآسيها ففيها لم يقتل ابنائنا شر قتلة ويُرمَون في مكب النفايات ولم يُهجَر بعضنا البعض بالملايين فقط بسبب ضرب طابوق مزار يؤمن بمكانة وبركات صاحبه كل الاطياف. هذا هو ديدننا ياناس فكلما نوغل بالمستقبل نندب حاضرنا ونتمنى ماضينا. انها طبيعة النفس البشرية يا أخوان وهذا هو حال كل الامم حتى شعب امريكا ان تسأله اي حقبة تحن لها وتحب ان تعيش فيها فسيرد فورا " الماضي" علما بأن امريكا اليوم قوة عظمى لا يقف بوجهها الى الله العظيم وبلد فيه كل وسائل الترفيه والعلم الصحة والسلطة .. نعم ان العالم يعيش الان اكثر رفاهية ولكن سحقا لها من رفاهية فكلنا وحتى مترفي العالم كلنا نتمنى العيش على البساطة والفطرة ولكن هيهات هيهات ان تعود.
متى رأى العراقيون خيرا ؟ في زمن المملكة؟ الجمهورية؟  أم في زمن التشرذم والمحاصصة الحالية؟ في زمان الملكية كان الناس فقراء والتعليم  يغطي نسبة اقل من خمسة بالمئة ( في هذه انا ابدو كأني قد بالغت قليلا) ، وماذا كان المستوى الصحي والمستوى ..و .. و ألخ ؟ وهكذا دواليك فحدث ولا حرج مع باقي الحقب التي توالت علينا.
يا قارئي العزيز .. كلما عاش انسان ووصل به العمر من الكِبَرالى ان يفكر بنهايته كيف ستكون واين سيوارى الثرى ستراه يحن الى اصوله ومسقط رأسه (وكل طير يحن ال عشَة) . لم نر شبابا مهاجرا من اوطاننا فكروا بنفسية تعبانة .. فقط عندما يبلغ بهم الكِبَر مبلغا.
الماضي ولىَ ولن يعود والحاضر نعيشه والله الساتر اما المستقبل ! فحينها تلفن لي ان لم تقل حينها اتمنى الماضي ولا اعيش ايامنا هذه  (- : 

[عباس التميمي]

كلمات تفطر القلب 

[صبيه]

الاخ العزيز ابو ساره
احي فيك حبك للوطن ولهفتك وشوقك لبغداد واتمنى ترجع لبغداد زياره من تتحسن الاحوال وتستقر الحاله الامنيه اكيد لازم ترجع اتشوف اهلك واحبابك واصدقائك وتشوف دجله والفرات وابو نواس وشارع الرشيد وشارعكم وبيتكم وكلشي حبيته بلعراق واله ذكرى عزيزه عندك
اني من عشاق بغدادومحبيهاوادعو من الله ان يرجع العراق ويستعيد عافيته
ولك مني هذه https://www.youtube.com/watch?v=vbwvIRn3IpE
مع كل التقدير
صبيه

[farisalfaris]

الحبيب ابو سارة الحقيقة اني ما عندي سابق معرفة بجنابك لكن احب انطيك كم كلمة
عراقك مات وبنص مزبلة دفنوه
وبقة بس الرذيل الباع عماتة
بقة وية الرذين احمار مابي فود
ينطح بالجبل حسبالة شماتة
ترة اسم العراق انباع وية الموت
وية العراق انباع شمعاتة
احذر لا ترد ويهزك الشوق
عراقك بالغدر مكسورة ساعاتة

اني مو شاعر بس احب اهديك هل كم كلمة

[AboDiana]

تحية من اعماق القلب اخي ابو سارة.
نعم لك الحق كل الحق في الحنين والشوق الى العراق وبالاخص بغداد العزيزة
انا قضيت الان ومنذ وصولي امريكا حوالي 3 سنوات وكل يوم اشتاق ويزداد الحنين و الشوق الى بغداد؟؟؟
وامني النفس بالصبر الى حين ...والتمس الاخبار والصور عبر المواقع علي اشبع ولو القليل من الحنين الى الديار .
تحياتي اخوكم ابو ديانا - كاليفورنيا

[مهند العبيدي]

الله على العراق والله على الغيره العراقيه وهذا الحنين الي بداخلك اخويه مو بدينا بس شنسوي عفنه بلدنه وطلعنه من وره اولاد الحرام ويبقى العراق بلد الحظارات تحياتي الكم

[texasddddd]

الله يساعد كل متغرب وينطي الصبر والنسيان
بس آشو أني مو مثلكم
أني اشوف صور بغداد كلبي ينعصر واخاف لا انجبر فد يوم ارجع أعيش بي
مع انو جزء من عندي (اخويه) مدفون ببغداد
وعندي شهادتين من العراق وجان راتبي نعمة من الله وسيارتي الخاصة
وكل مدة سفر
بس جنت محرومه من الأمان امشي وأتلفت
رياجييل وشباب عبالك حيوانات مثل الهمج حشا الزينين القليلين
حمامات المدارس والمستشفيات وصخة
ابو الزبل جنت أسوِّق واروحله اتوسل بي لان احير وين أذب الزبل
ارجع هلكانة من ازدحام وشغل وناس تافهين وسيطرت يذلوني الكه واير مولد مكطوع وصيف حر أحير وادوخ
يخلص الغاز واني صايمة وحارة والقنينه ثقيله
حسبي الله ونعم الوكيل على كل من يأذي مرة ولو بكلمه
الرشاوي والمعاملات الخرة بيت ملك مال اهلي من زمن صدام وماعندي بطاقة سكن ولا احد يقبل ينطيني مع انو جارتنا المذيعة دالي والراقصة لولو عدهم بطاقة سكن
وبزمن صدام بعد أتعسين بابا المسكين وماما ابطال ربونا وخلونا نتعلم الله يوفقهم ويعطيهم طوله العمر والصحة ياربي
كلشي بلعراق تعيس
الضلم الظلم الظلم
ينعصر قلبي والله بس اشوف بغداد
الشي الوحيد الي اشتاقتله الفلافل وحلويات ابو عفيف ابو رافل وزنوا الست الحسيني
الحمد لله والشكر مليون مرة الي وفرلي وطن ثاني
الله يحمي تكساس ياربي