مشكلة في جواز سفر اولادي...

[AbooReem]

السلام عليكم اخوان .....
طلعت لاولادي جوازات ومن استلمتها لاحظت عدم تطابق اسم الجد الانكليزي ويه جوازي يعني شويه تغيير بالحروف..شاسوي هسه اغيرهن لو يمشن؟

[عباس التميمي]

ارجع عليهم اشرحلهم المشكلة او حاول تغيرهن

[Hasan&Yaseen]

اخي العزيز الجواز العراقي تحتاجه فقط للخروج من العراق يعني الاسم بالعربي هو المهم يعني اذا كان صحيح فماكو داعي تبدله الان
تحياتي

[AbooReem]

شكرا اخوان على الرد وجزاكم الله خير..بس مو على اساس هذه الجوازات راح نترجم شهايد الاولاد وراح تعتمد المنظمة عليهن واذا الله كتبلنا السفر راح يمشي الاسم وياهم فشتكولون؟

[سمك بني]

شكرا اخوان على الرد وجزاكم الله خير..بس مو على اساس هذه الجوازات راح نترجم شهايد الاولاد وراح تعتمد المنظمة عليهن واذا الله كتبلنا السفر راح يمشي الاسم وياهم فشتكولون؟

كلامك صحيح ابو ريم الافضل تصحح الجوازات وتنام رغد بدون قلق. وخاصةً في امريكا راح يثبت اسمهم في جميع المعاملات .

[iomtraveler]

اخي  ما ياثر  اني عندي نفس المشكلة فقط بلغت الاي او ام بهذا الشي  المهم وثائق السفر الي حتطلعها المنظمة الكم  الاسماء بيها تتطابق مع الجواز حرفيا
يعنيانت اتدز الاسم الي بالجواز فقط

[Hasan&Yaseen]

اخي العزيز المنظمة بسبب الاخطاء الكثيرة في الاسماء المترجمة للغة الانكليزية في جوازاتنا بدأوا يعتمدون على موظفيهم في ترجمة الاسماء للغة الانكليزية وهي المعتمدة في ال i-94 وكذلك في جميع الوثائق الرسمية والدليل هو في رسالة المقابلة تأتي اسماء الاشخاص الذين سوف تتم مقابلتهم بالغة الانكليزية حتى وان لم تكن مقدم جوازك بعد
تحياتي

[AbooReem]

جزى الله خير كل من ساهم بالرد...

[Ms.sabbah]

لاتوجد اي مشكلة انا نفس مشكلتك عندما اخرجت الجوازات ولم ابلغ المنظمة وانا الان بانتضار السفر

[alaa_iom]

السلام عليكم
عزيزي هذا الشي صار ويايه غلط في احد الاحرف بالاسم الاول بالانكليزي راسلت ال iom وجان ردهم بهذا الشكل (تريد تبقي بقي بس كول اوراقك واسمك والكرين كارد راح يكول على الاسم المكتوب بالجواز وما ياثر على سفرك او اذا تريد اصححه وادزلنا نسخه من الجواز الجديد ) فاني اختاريت ان اصححه وفعلا طلعت واخد جديد بالاسم الصحيح ودزينه الهم وهاي تجربتي بهذا الشي والامر يمك اتمنى اكون ساعدتك

[AbooReem]

السلام عليكم
عزيزي هذا الشي صار ويايه غلط في احد الاحرف بالاسم الاول بالانكليزي راسلت ال iom وجان ردهم بهذا الشكل (تريد تبقي بقي بس كول اوراقك واسمك والكرين كارد راح يكول على الاسم المكتوب بالجواز وما ياثر على سفرك او اذا تريد اصححه وادزلنا نسخه من الجواز الجديد ) فاني اختاريت ان اصححه وفعلا طلعت واخد جديد بالاسم الصحيح ودزينه الهم وهاي تجربتي بهذا الشي والامر يمك اتمنى اكون ساعدتك

مشكور اخي
بس حبيت اسأل اذا كان التصحيح سهل او لا ؟
لان سمعت الشغلة صعبة ومحتاجة موافقة مدير الجوازات وسمعت مو بسهولة احصل موافقته
وسؤال ثاني رحمة لوالديك
التصحيح محتاج صكوك جديدة ؟

[العراااب]

اخي التصحيح صك جديد صارت ويا اهلي قبل اسبوع
و اريد اسالك سؤال الله يخليك انت مقابل محلف يعني المنظمة عدها نسخ من جوازاتك و هسه دزيتلهم الجوازات الجديده لو بعد

[AbooReem]

اخي العراب اني بعدني ما مقابل لا اولى ولا ثانية
وهاي اول مرة ادزهن للمنظمة
تحياتي

[AbooReem]

يعني التصحيح يحتاج صك جديد والخطأ خطأهم!!
عمي نصيحة لوجه الله اللي يريد يطلع جواز خلي يرفق اسمه بالانكليزي بورقة ويه المعاملة لان الظاهر الجماعة بالجوازات ميدبروها

[العراااب]

اي الخطا منهم و احنا نبتلي لعد امي غلطانين باسم ابوها بالعربي عبد الوهاب  كاتبيها عبد الهاب الله يرضاها لعد لو احجيلك قصة جوازي 
بسنة 2006 طلعت جواز جي و من رجعت للبيت شفته رقم الجواز يختلف عن الرقم المزرف فوك بالجواز رحت رجعته و معاملة اتلاف و روح وتعال  وهاي جانت ازدحام وقناصين و انفجارات و عالكة وره شهرين ونص طلعت واحد جديد اخذته وسافرت لعمان و هسه سقط جوازي كالوا ميصير الا مستمسكات حديثة والله اربع اشهر يله طلعولياها من بغداد غير رحت داطلع واحد جديد يكولولي منو كلك جيب مستمسكات جديده كلشي يمشي كلت يله ميخالف دخل اسمي جان يكول تعال عندك جوازين وين الاخ كتله ماعندي بس واحد تذكرت القديم كتله علية كال لا  ثنينهم فعالة وين جوازك و ظليت احجيلهم وسولي محضر و هسه اسمي بالحدود بكل منافذ العراق ديشوفون مستخدم لو لا جوازي اذا محد مستخدمه يصدرولي جواز جديد و اذا مستخدم يسون القاء قبض على الي مسافر بي كتلهم زين مهاجر ميت اني شنو ذنبي و هسه من دون عائلتي معاملتي واكفة انتظر تقرير الاستخبارات الي بس من يمنا مفتحين حتى يوافقون يصدرولي جواز لو لا والله كريم

[AbooReem]

الله يعينك اخي العراب وتفرج عليك..صدك اللي يشوف مصيبة غيره تهون عليه مصيبته..الحمدلله على كل حال
راح اكعد واسكت قبل لايطلعولي بغير دالغه

[العراااب]

ان شاء الله يفرجها علينا كلنا يا رب
و نسيت اكولك اطفالي كل واحد اسمه شكل واحد منهم مكاتبيله لقب اسم جده كاتبي مره ثانية باللقب و الاملاء يختلف و لا جواز يشبه الثاني و اني مقابل ومخلص و مشوها عادي