فيزا اليونان للدخول الى اوربا

[saally]

مرحبا ... ارجو افادتي بالمعلومه الدقيقه .. احنا عائله متكونه من 3 انا وزوجي وابني ...كدر زوجي يحصل فيزاشنكن اليونان و ببصمه متعدده عن طريق مكتب مضمون في بغداد والمكتب يستحصل الفيزا من اوكرانيا ...  وزوجي قرر يسوي فيزا اليونان باعتبار عن طريقها نكدر نتجول بالاتحاد الاوربي وبصمتها ممعترف بيها عند بعض الدول... السؤال فعلا نكدر نتجول بيها ونروح مثلا لفنلندا؟؟؟؟؟؟؟؟ ومن انقدم اولردي رح تطلع بصمتنا ونكلهم اجينا عن طريق اليونان حتى نقدم ... يعني ماكو احتمال يرجعونا لليونان لو اكو احد مجرب هاي الطريقه ...ارجو الاجابه الوافيه وشكرا

[saally]

اخوان ارجو الافاده

[تفرج]

UP

[saally]

شكرا لرفع الموضوع

[احباب الرووح]

السلام عليكم..
اختي ماكو مكتب في بغداد يطلع فيزا شنغن من اليونان بس خلي بالج يمي السفارة اليونانية في العراق مسدودة بس مفتوحة لتمشية مهام بسيطة يعني ما تصدر منها اي فيزا شنغن وصارت السفارة اليونانية في الاردن او السفارة اليونانية في تركيا هي مسؤولة عن فيزا شنغن للعراقيين فقط هاي السفارتين وتكدرين تتاكدين من هذا الكلام اذا تبعثين الهم ايميل ويفهموكم لان عدهم ألية في استلام الفيزا اول خطوة تبعثون الاوراق عن طريق الايميل ومن يوافقون عليكم يدزون الكم الموافقة عن طريق السفارة اليونانية في بغداد وراها لازم ترحون لسفارة اليونانية في الاردن او تركيا وتبصمون وراها ينطوكم الفيزا وهذا الكلام متاكد منة واذا تردين الايميل اكتبة الكم وراسلوهم وشوفي شراح يكولون الكم فأنتو كونو حذرين من فيزا الشنغن من مكتب في بغداد وهذا المكتب ما يكدر يطلع فيزا ديرو بالكم تروح فلوسكم..واما الفيزا اكيد اذا حصلوتها تكدرين ترحين الي فلندا واني سامع اليونان بصمتها ما معترف بيها يعني توكلو بالله وطلعو فيزا اذا كانت نظامية والله يوفقكم واي استفسار اني حاظر..
تحياتي.

[iraqforme]

الاخت الكريمة يجب توخي الحذر لان اليونان دولة عضو في الاتحاد الاوروبي وكلمة (مامعترف بيها) كلام لايتعدى جلسات السمر في مقاهي عراقيه .. ملخص مفيد البصمه في اي دولة من دول الاتحاد الاوروبي تُنشر على كل اعضاء دول الاتحاد. كونو حذرين .
مودتي للجميع

[marwan iraq]

اختي العزيزة
بعد عام 2010 وبعد انهيار اقتصاد اليونان قرر الاتحاد الاوربي عدم الاعتراف ببصمة اليونان . بمعنى ان اي شخص لديه بصمة اليونان وراح وطلب لجوء في هولندا مثلا على هذا الاساس اصبحت هولندا هي الدولة المسؤولة عن اللجوء . لكن لحد هذه اللحظة لم اسمع عن شخص اخذ فيزا لليونان فقط مجرد كلام واغلبهم يسأل ويقول ( اذا اخذت فيزا اليونان ممكن يرجعوني ) ولم اسمع ان شخص ما قد اخذها فعلا .

[Edy Simon]

عزيزتي الاخت ...saally..الفاضلة.
شكراً على دخولكي ومداخلتكي وسؤالكي الشيقة؟
واتمنى ان يكون جوابي لاستفساركي مرضي ؟
واتمنى الك الموفقية او اني حاضر لاي سؤال من
الزوار والضيوف والاعضاء الكرام
وانشاء الله اكون عندا حسن ظنكم؟
اخوكم
جوسي البغدادي ـ استشاري اللاجئيين والمهاجرين العراقيين المانيا