الحكولي اهل الغيرة راح اتجنن

[a75a]

السلام عليكم اخواني الطيبين
الحكولي راح اتجنن اخواني الطيبين مشكلتي كالاتي واريد نصائحكم وارائكم:
اني مقدم على الاي او ام من عام 2011 وقبل سنة طلعت خارج العراق وتم التعاقد مع جامعة لمدة سنة وبعد نص سنة من سفري اتصلوا بيه المنظمة وحددولي موعد سفر صعقني وصدمني والسبب انه الغاء التعاقد مع الجامعة يخليني ادفع مبالغ مالية طائلة فشرحت للمنظمة وضعي فخيروني بين امرين اما يتحددلي موعد ثاني للسفر وبهالحالة اذا ما اروح راح ينغلق الملف ويتكنسل نهائيا او يعلقون الملف لحين اكمال مدة العقد واخذ منهم تاكيد وعهود باعادة فتح الملف بعد رجوعي الى العراق فطلبت منهم ان يرسلولي ايميل يكتبون بيه انه راح يفتحون الملف بعد رجوعي للملف وفعلا صار هذا. المهم بعد ستة اشهر اي قبل شهرين رجعت للعراق وفاتحت المنظمة برجوعي وطلبي باعادة فتح الملف وفعلا تم الاتصال بي من قبل المنظمة الدولية وسالوني اسئلة بسيطة وكالو ان شاء الله يصير خير وكالو راح نحول امرك للجهة المختصة وبعد شهر يصير خير. المهم بعد شهر بالضبط كانت طبعا حالة الملف عندي بانتظار النتيجة وفجاة البارحة فتحت الموقع واذا بيه حالة الملف مغلق. طبعا انصدمت وبعد جهد جهيد من الاتصالات بالمنظمة اللي بعمان حصلت احد الموظفين وسالته عن الملف جاوبني وكال يم الادارة فشرحتلة الحالة كال هم يتصلون بيك والغلق مو معناه رفض. طبعا كتبتلهم رالة طويلة عريضة بيها كل التفاصيل وتواريخ الاتصالات ورسائلهم وارسلتها الهم.
الان الله يحفظكم ويخليكم ويسهل امركم وضحولي شنوا الموضوع؟ وليش صارت حالة الملف مغلق؟ وشتتوقعون النتيجة؟ ارجوكم ساعدوني ترة راح اموت اني وزوجتي واطفالي.

[a75a]

يعني والله مادري شنو فلم هالناس مو نخوة ردناها منكم ليش محد يساعدنا؟؟؟؟

[سمك بني]

المعروف عن صلاحيات المنظمه انها تعطي تاجيل لمره واحده فقط ولم اسمع ابداً ان من صلاحياتها اعطاء الوعود!! ربما المنظمه وكاجتهاد منها اعطت وعداً غير منطقي وخاصةً لقوانين الهجره.

[iraqforme]

الله يكون بعونك ..
اخي المنظمة حلقة وصل بينك وبين امريكا يعني ليس من صلاحياتها تنطيك وعد صعب التنفيذ واغلب الظن انو هذا اجتهاد من الموظف القليل الخبرة وورطك بهاذي الدوامه لان المنظمة صلاحيتها تأجل مرة واحدة والاخرى غلق الملف هاذا شي معروف.
انت حاول اتصل بيهم واطلب تتكلم مع المسؤل  على قسم الاستفسارات واشرحلة الحالة بلكت يساعدك لتضيع حقك.
مودتي

[عباس التميمي]

الله يساعدك
up

[حسين الجبوري]

الاخ العزيز
غلق الملف من المنظمه الدوليه للهجر الواشنطن  دي سي وليس لفرع المنظمه في عمان الصلاحيه بذالك والذي غلق ملف هو المحلف وهنا عليك تقديم طلب بفتح الملف بواسطة بريدك اللكتروني مع ارفاق  تغير جديد على الحاله الخاصه بك حيث كنت قد ادرجت لهم في السابق  في قصتك وتبين شيء لديهم اخر بعد سفرك للعمل او الدراسه فهنا يجب عليك ان تبدء بمخاطبة المنظمه من جديد ودرج احداث خطيره قد تواجهك بسبب تواجدك في بلدك الام
من الله التوفيق

[المهندس الزورائي]

المعروف عن صلاحيات المنظمه انها تعطي تاجيل لمره واحده فقط ولم اسمع ابداً ان من صلاحياتها اعطاء الوعود!! ربما المنظمه وكاجتهاد منها اعطت وعداً غير منطقي وخاصةً لقوانين الهجره.

المنظمة بامكانها تأجل لاكثر من مرة وبامكانها تغلق او تعيد فتح الملف ( والكلام عن تجربة ) لكن كل ذلك يعتمد على القناعة الشخصية للموظف بالمنظمة . الافضل تعزيز ايميلك بحادثة تؤكد استمرار تهديدك بعد رجوعك للعراق .. تحياتي

[cry pain]

الله يكون بعونك ..
اخي المنظمة حلقة وصل بينك وبين امريكا يعني ليس من صلاحياتها تنطيك وعد صعب التنفيذ واغلب الظن انو هذا اجتهاد من الموظف القليل الخبرة وورطك بهاذي الدوامه لان المنظمة صلاحيتها تأجل مرة واحدة والاخرى غلق الملف هاذا شي معروف.
انت حاول اتصل بيهم واطلب تتكلم مع المسؤل  على قسم الاستفسارات واشرحلة الحالة بلكت يساعدك لتضيع حقك.
مودتي