استفسار عن الرعاية الصحية للاجئين العراقيين في عمان

[babil_lion]

شباب صباح الخير عليكم
بس طلب مساعدة لو ممكن
اني هنا عايش وحدي بعمان صارلي سنين وجنت كبل مداري روحي بالاعشاب وبغيرها لان ماعندي احد اعتمد عليه غير الله عز وجل
بس صارت عندي في الفترة الاخيرة انسداد في الاذن يرافقه الم شديد حاولت بالاعشاب بالعلاجات منا منا من دون جدوى

وهسه اني مضظر من شدة الالم اروح للمستشفى او للطبيب ولو متخوف هذولة يحولوني على متاهات ويمصون دم الواحد ومايشبعون بس ماعندي اي فكرة على السيستم ياطبيب زين يا مستشفى، شلون تعامل المستشفى القريبة مثل مستشفى الجامعة الاردنية ويا اللاجئين العراقيين، فدلوني تكسبون اجر وثواب

علما انه اني مؤقتا ساكن قريب من الجامعة الاردنية وامكانيتي المادية بسيطة فرحمة الله والديكم اللي يدليني  وين اروح علما اني مسجل على المفوضية ومجدد ورقة المفوضية دائما

تحياتي وبارك الله بيكم

[inter]

طالما انت عندك ورقة حماية. تكدر تروح على مستشفى الشامل قرب دوار الداخلية و تسجل على ورقة اليو ان.
راح يفتحولك ملف و تكدر من خلاه تراجع اطباء بكل الاختصاصات و الادوية تكون رخيصه جدا توصل لثمانين بالميه خصم و الدكاتره همينه خصم على المراجعات. اعتقد دينارين لمراجعة الدكتور. اني بحد ان مرايح للمستشفى لان اراجع بمستشفى العون بابو نصير. بس هسه سدوه لهذا المجمع العون. و اقربائي كلهم يرحون لمستشفى الشامل يم دوار الداخلية.

[عباس التميمي]

up
انشاء الله الشباب يساعدوك

[حمزة العراقي]

شباب صباح الخير عليكم
بس طلب مساعدة لو ممكن
اني هنا عايش وحدي بعمان صارلي سنين وجنت كبل مداري روحي بالاعشاب وبغيرها لان ماعندي احد اعتمد عليه غير الله عز وجل
بس صارت عندي في الفترة الاخيرة انسداد في الاذن يرافقه الم شديد حاولت بالاعشاب بالعلاجات منا منا من دون جدوى

وهسه اني مضظر من شدة الالم اروح للمستشفى او للطبيب ولو متخوف هذولة يحولوني على متاهات ويمصون دم الواحد ومايشبعون بس ماعندي اي فكرة على السيستم ياطبيب زين يا مستشفى، شلون تعامل المستشفى القريبة مثل مستشفى الجامعة الاردنية ويا اللاجئين العراقيين، فدلوني تكسبون اجر وثواب

علما انه اني مؤقتا ساكن قريب من الجامعة الاردنية وامكانيتي المادية بسيطة فرحمة الله والديكم اللي يدليني  وين اروح علما اني مسجل على المفوضية ومجدد ورقة المفوضية دائما

تحياتي وبارك الله بيكم

ماعندك غير العافية اخوية .. هذا رقم جمعية العون الطبي بشارع المخطة القديم  قرب البنك العربي المنقطة بعد وسط البلد ,, تدفع وصل بدينارين ويفحصك طبيب .. واذا مكدر يسويلك شي يدزلك على مستشفى حكومي على حسابهم لان همة مرتبطين باليو ان .. وعدهم طبيب اسنان ايضاً .. وهذا رقمهم ..
064651772 ,,الجمعة والسبت عطلتهم
تحياتي الك وسلامتك