حياة الشاب العزابي في امريكا بوسطن او ماسشوستس

[omaarvip]

السلام عليكم ورحمه الله وبركاته ..

قبل كلشي دير بالك تشتغل قبل نهاية الـ8 اشهر مالتك ابد ابد ابد لا تسويهه وتخسر كلشي دير بالكـ
خلص الـ8 اشهر مالتك روووح عيييش  8 اشهر اتونس اتعلم افتر شوف كلشي واااخر شي فكر بالشغل
محد راكض وراك اخذ راحتك اخوية عندك 8 اشهر لا تستعجل .. and هاي الولاية بيهه شغل خير من الله 
 
 في البداية الشاب حياته راح تكون حلوه من ناحية حريته وتنقله واول ما توصل الامريكا .. راح يستقبلوك منظمة ( لتخاف ما تضيع لو يجي الوحي ) بعد ما يستقبلوك ياخذوك الشقتك راح تلكه بيتزا وبطل بيبسي وراح يكعدوك ويه
 2 عراقيين او 3 او حسب يمكن يكونون سود او بيض او هنود اي شي هههههههه ....المهم من توصل راح تلتلقي بالكيس وركر مالتك الي هو شغله يسويلك السوشال سكيورتي وياخذ شهر الى شهرين لحد ما يكمل والفود ستامب ياخذ 3 ايام ويكمل وبطاقة العمل تاخذ من شهرين الى 4 اشهر لحد ما تكمل او حسب حظك وبعد كم شغله خفيفه فحوصات وسوالف تعبانة  بعدها  الكيس وركر راح يبقى وياك لمدى 8اشهر يمكن يكون عراقي  او امريكي بس يحجي عربي . وراح ينطوك كل شهر 460 دولار تكضي بيهن امورك ايجار ومادري شنو .. لتخاف الاكل من الفود ستامب بلاش ...يحطولك بالفود ستامب كل شهر 200 دولار ..للاكل فقط . وخل ينكول ايجارك 250 كل شهر لان كاعد ويه 3 ولد او 2 . تبقالك خير من الله. طبعا راح تبدي تطلع وتفتر بالمنطقة وتتعرف ع عراقيين وراح ياخذوك  للمنظمة راح تلكي خير من الله عراقيين وراح يدخولك صف انكليزي لحد ما تصير 6 اشهر ويبلشون يلكولك شغل ويشغلوك ومن تصير 8 اشهر يعوفوك وحدك بعد انت تبدي تعيش حياتكـ وتقرر شتسوي ما تسوي .ماسشوستس وخصوصأ منطقة ( Lynn) هي افضل مكان بهاي الولاية اول شي بيهه عراقيين اهوايه ورخيصه وقريبه على بوسطن كلش وكل المولات يمكـ  والبحر كلش قريب عليك والنوادي الليليه قريبه كلش عليكـ يعني شتريد موجود ههههههههههه .. اني عشت هناكـ وهي افضل مكان بالنسبة الي شفته .انتقلت الاكثر من ولاية بسبب دراستي ومالكيت مكان احلى من ولاية ماشسوستس هي افضل ولاية وربي ... المهم طبعا حياتكـ راح تكون حلوه وونسه اول 8 اشهر راح تحس بغربة ونفسيتكـ شويه تتعب بعدين راح تتعود اول 8 اشهر راح تكضيهه تحشيش وطربكه ..عيش حب حب  ..

خلصت الـ8 اشهر .....

قبل لا ابدي .. لا تقارن حياتكـ بحياة ابو العائلة لان حياته تختلف شويه عليه تخفيضات

وحياتهم تختلف وراح اسولف عنهم بموضوع ثاني

لا تفكر تشتري سيارة اول ما توصل لان راح تدفع فلوس بكد شعر راسكـ

.. اهنا تبدي تشتغل ونصيحتي الك اتحمل الشغل شلون ما جان وشويه كون سبع وحرك واتعلم بسرعه ولا تستحي يعني من امريكي يحجي وياك لا تبدي كله (يس يس يس ) ) لا بالعكس اسأله شنو معناه هذه وليش افتهم من عنده لا تحاول تدعبله هههههههههههههه اهنا راح تبدي شويه صعوبات اول 4 اشهر بالشغل شويه راح تكون صعبه بالنسبة الك او سهله حسب .. من تشتغل اول راتب تستلمه تروح تسوي اكاونت بنك ومن تكمل الاكاونت بنك مالتك ينطوك الدبت كارد ( فيزا كارد بالعراقي )  وتروح تنطي رقم الدبت كارد مالتك للشركة وراح يحولون راتبك كل شهر مباشر الحسابك بالبنكـ طبعا بكل الشغل بامريكا اكو استراحه واكو حمامات واكو كافتريه تاكل بيهه يعني تجيب اكلك وياك وتاكله مو تشتري اكل مناك ههههههههههههههه .....راح تبدي تتفق ويه جماعتك وتسوون عقد ايجار للشقه بينك وبين ابو البناية هاي تفيد الكردت مالتك بس هسه لا تفكر بالكردت غلس اخر شي فكر بي ..حتى تكت الطيارة اذا تريد غلس لا تدفعه هههههههههههههههههههههه الشغله راجعه عادي بس هيه شغله حرام لا اكثر .. ..

بعد شنو والله نسيت هههههههههههه ها صدك اذا عمرك من 16 سنة الى 25 سنه اكو برنامج اسمه

(jobcorps)
متوفر بكل الولايات  ابحث عنه بالكوكل واخذ رقمهم لان بعض المنظمات ماتعرف اي شي عن هذه البرنامج وهو كلية داخلية حكومية مختلطة مدفوعه اكلك شربك منامك عليهم وتحصل شهادتك اهناك وتحصل وظيفة بالشهادة .حتى لو ماتعرف تحجي انكليزي همه يعلموك خلي اي واحد يحجي انكليزي يسجلكـ بيهه وتذكره طيارتك راح تكون عليهم من اي ولايه . وراح ياخذوك من المطار للمدرسة وبدون ما تدفع ولا فلس . وجيب وياك  خير من الله ملابس ^_^ لا تنسى

ملاحظة خارجة عن القانون
(اذا ماعندك فلوس  خلال سفرتك من اي دوله عربيه الامريكا كـ لاجئ عادي لا تخاف لان اعرف اهوايه شباب حدايق المهم ماراح تدفع ولا فلس سفرتك من عمان او تركيا و اي دوله راح تكون كله بلاش لحد ما توصل لحد باب شقتك في امريكا ما تدفع ولا قرش بس جيب وياك اكل
)

اتمنى يتم تثبيت الموضوع للشباب لان من جنت بالاردن شكد حاولت ادور معلومات عن ماسشوستس وما لكيت وخصوصا عن حياة الشاب العزابي لهذه اني اهدي هذه الموضوع لجميع الشباب العزابيه
 وهاي الولاية تره شويه باردة جيب هدوم وياك تره تصير هيج

 اخوكم

عمر العزاوي

[TOFEE.US]

بارك الله بيك على هاي المعلومات وان شاء الله نسافر باقرب وقت لبلاد العم سام

[Bernard Alhaskani]

عمـــــــــــــــر هذا انت يابا وين صفي بيك الدهر لا تسال لا تنشاف ولله اشتقتلك وربي شاهد صدك جذب رحت بليلة لا اخت لها , اخوك بعده بالعراق المو عظيم وفاين حظة ,, ولله خوش معلومات عندك  يارب كل المنتظرين يذوكون منها . انلاصت ويانا لا مقابلات ولا شي واحنا كاعدين ندخن نركيلة ( يومية اربعة) ولا يحسون بينا اساسا , تحياتي مشتاقلك اخويا ,, بس لا يلغون عضويتك مرة انوب ههههههه

[عراقي مغترب]

مشكور اخي عمر على المعلومات المفيدة والقيمة. لك مني احترامي وتقديري بكل خطوة نجاحومستقبل زاهر

عراقي مغترب/تركيا

[omaarvip]

بارك الله بيك على هاي المعلومات وان شاء الله نسافر باقرب وقت لبلاد العم سام

حبيبي وبيك اكثر نورت الموضوع  وانشاء الله استفاديت من المعلومات ..

[omaarvip]

عمـــــــــــــــر هذا انت يابا وين صفي بيك الدهر لا تسال لا تنشاف ولله اشتقتلك وربي شاهد صدك جذب رحت بليلة لا اخت لها , اخوك بعده بالعراق المو عظيم وفاين حظة ,, ولله خوش معلومات عندك  يارب كل المنتظرين يذوكون منها . انلاصت ويانا لا مقابلات ولا شي واحنا كاعدين ندخن نركيلة ( يومية اربعة) ولا يحسون بينا اساسا , تحياتي مشتاقلك اخويا ,, بس لا يلغون عضويتك مرة انوب ههههههه

هلو حبيبي الغالي حياك الله والله موجود بعدني عايش  يمعود هههههههههههههههه هاي شنو شصاير وياك يابه بس ع كيفك ويه النركيلة صدك جذب ... تره ماعرفتك  وداعت جهالي ولتخاف صرنه كبار على الغاء العضوية

[omaarvip]

مشكور اخي عمر على المعلومات المفيدة والقيمة. لك مني احترامي وتقديري بكل خطوة نجاحومستقبل زاهر

عراقي مغترب/تركيا

تدلل اخويه العزيز نورت الموضوع الف هلا بيك واشكرك على مرورك عيوني انت

[Bernard Alhaskani]

عموري حبيبي الغالي اني من زمان ما شفتك يعني انت كنت مقرب مني هوايا بالمنتدى يعني اني كنت الدرع الفولادي وبصراحة ساعدتني هوايا واني ما ناسي فضلك . وربي اني بس عايش يعني هيكل فقط
ما اعرف اشلون راح اعيش بالعراق بعد

[omaarvip]

عموري حبيبي الغالي اني من زمان ما شفتك يعني انت كنت مقرب مني هوايا بالمنتدى يعني اني كنت الدرع الفولادي وبصراحة ساعدتني هوايا واني ما ناسي فضلك . وربي اني بس عايش يعني هيكل فقط
ما اعرف اشلون راح اعيش بالعراق بعد

هم زين طلعت مقرب متشرف بيك قلبي انت نورتني من جديد بس ماعرفتك وعيونك خوما تطلبني فلوس  ههههههههههههههه يا اخي الواحد من يغير اسمه ما اعرفه بعد  اشمر اسمك خاص بربك   

[Sound of Soul]

عمر عودة محمودة اخونا العزيز
عاشت ايدك على السرد ونتمنالك كل التوفيق ان شاء الله
تحياتي .
ساوند .

[ضياع]

اول شي حمدلله على شلامتك وربي يوفقك وعاشت ايدك معلومات حلوة

وبارك الله بيك

اختك ضياع

[iraqforme]

عاشت ايدك ابو حفصه على المعلومات المفصله واللطيفة الله يرزقك ويسهلها بوجهك دائماً. وادعو لنا بالفرج القريب نحن اخوتك المستأنفون عام 2014 .
مودتي

[omaarvip]

عمر عودة محمودة اخونا العزيز
عاشت ايدك على السرد ونتمنالك كل التوفيق ان شاء الله
تحياتي .
ساوند .

اخت ساوند الغاليه تسلميلي عيوني على الترحيب . سعيده بسماع اخبارج واخبار الطيبين بالمنتدى ...

[omaarvip]

اول شي حمدلله على شلامتك وربي يوفقك وعاشت ايدك معلومات حلوة

وبارك الله بيك

اختك ضياع

نورتيني اخت ضياع  الذهب  الله ييسلمج عيناي .اشكرج على مرورج وانشاء الله المعلومات تفيدكم يارب ..

[omaarvip]

عاشت ايدك ابو حفصه على المعلومات المفصله واللطيفة الله يرزقك ويسهلها بوجهك دائماً. وادعو لنا بالفرج القريب نحن اخوتك المستأنفون عام 2014 .
مودتي

حبيبي انت ايدك العايشه ياعمري انت .. نورت الموضوع كله بدخولكـ المستأنفون ربي يسهله عليكم وتنفتح بوجهكم ياااارب و انشاء الله سفركم قريب يا رب

[مصرفي]

احسنت السرد والتوضيح وبارك الله بيك

[متفائل جدا]

بارك الله فيك اخ عمر على هذه المعلومات المفيدة فعلا ونحن اصحاب العوائل بانتظار مشاركتك القادمة بخصوص وضعهم في ماسشوستس......تحياتي اخي العزيز

[omaarvip]

احسنت السرد والتوضيح وبارك الله بيك

اشكرك جزيل الشكر ونورت الموضوع واشكرك على مرورك اخوي الذهب

[omaarvip]

بارك الله فيك اخ عمر على هذه المعلومات المفيدة فعلا ونحن اصحاب العوائل بانتظار مشاركتك القادمة بخصوص وضعهم في ماسشوستس......تحياتي اخي العزيز

تسلملي تاج راسي نورت الموضوع بدخولك . و ان شاء الله تستفاد من هاي المعلومات .. و ان شاء الله راح انزل موضوعي الثاني عن العوائل ويارب يفيدك اكثر .. تحياتي الك

[عباس التميمي]

مشكور حب اهم شي الحتيت 

[omaarvip]

مشكور حب اهم شي الحتيت 

ادلل حب بس كلي شنو انت تريد تقدم لو شنو ؟؟ ومن يا ولاية انت ؟

[احمد البغدادي55]

للرفع