السلام عليكم
تحيه طيبه لاعضاء منتدى عينكاوه المحترمين من مدينه بورتلاند بولايه اورغن احييكم واحب ابدي معاكم عن تفاصيل الرحله بالتفصيل واللي حدث وياي اول شي موعد سفر اتحدد يوم 7-12اي قبل 3 ايام رحنه الساحه عباس ابن فرناس بالمطار اجمعو جماعه iom بعد ان اتصلو بينه من قبل شخص اسمه وسام العبيدي الساعه 6 الصبح ناده ع الاسماء وجيك ويه قائمه عنده ووراه صعدنه الجمسيات اللي مع الاسف يسمون بشر ياكلون بالعالم اكل بالمطار نفر سعره 30 الف دينار ومن توصل الصاله العربانه 5 لاف دينار حتى العامل البنكالي علموه ع الاخذ المهم وزنو الحقائب مالتي جانت مضبوطه اقل من 20 بس واحد وزنوه لكوه 40 كيلو كلوله لازم اتفرغ لان رحلتنه اترانزيت على الاردن والخطوط الملكيه الاردنيه ماتقبل اكثر من 20 بس لو تركيا عادي المهم نص الغراض فرغهن وصعدنه طياره ساعه 9 وطارت ووصلنه عمان ساعه 10 ونص تقريبا واستقبلنه بالبوابه ابو iom شخص جدا لطيف صاح اسامينه ونطانه علاكات بيه الاشعه مالتك وفايلك ورقمك وكال خلوه وياكم ومن توصلون امريكا انطوه الهم المهم هم قسمنه الى مجموعتين مجموعه طيران المانيا ترانزيت وبعدين امريكا ومجموعتي عمان مباشره امريكا شيكاغو المجموعه الاولى نفس اليوم سافرو بس احنه كال اليوم ماكو طيران راح اخذكم ع الفندق واسمه فندق مطار عمان فندق حلو خمس نجوم بس نت بفلوس الباقي كله بلاش ثاني يوم اتوجهنه للمطار ساعه 7 الصبح وانطلقنه الى شيكاغو ساعه 11 المهم اني غلطت غلطه نسيت اشحن صابون والشامبو بالجنط اللي راحن كدامي من بغداد جبتهن وياي بالهاند باك اخذوهن ابعمان بدت الرحله وجانت طويله 12 ساعه ماكلك تعب ومسافه بعيده وصلنه الى شيكاغو استلمتنه المنظمه بالبوابه من حسن حظي اني احجي لنكليزي وجانت ويانه عوائل ماكو ولا طكه واكراد همينه جنت اترجم الهم وجان اكو مترجم عراقي بالمنظمه مع الاسف طبع هذا بالدم احتقن وشد حقاره مادري ليش اني مامهتمله ابد بس خلوه ابالكم اخذو ماء شرب بالرحلات لان قليل الماء ينطون يعني جنت عطشان سالته هذا المترجم شفته جوابه كلش ثكيل مع الاسف وماحاب وسالت امريكيه مسلمه جابت المهم اتقسمت رحلاتنه اني وشخص وياي وهسه هو يسكن وياي كالو انتم اتسافرون هسه الغير ولايه وهم طولت سفره 4 ساعات صار مجموعه سفر 16 ساعه وتفتيش واجراءات اخذت ساعتين يعني اتفلشنه نزلت ابولايه اورغن بال12 بالليل مالكينه ابو iom سالت ام التكتات ماكو اشو المنظمه طبعا بيهم طبيعه حلوه اتصلت لحد ماكلوله هو جوه وصلتنه جوه وسلمت علينه ولكينه ابو المنظمه عراقي كالت جنت انتظركم اخذنه للسكن ويه اثنين عراقيين ولكينه مسواك وفراشنه مرتب كال ارتاحو واني باجر اجيكم ونطانه 100 دولار
المهم صارلي يومين الولد وياي بالسكن طلعونه وفررونه وشفنه المدينه اهم شي اتبع منظمتك ولا تغير ولايه لان هةايه عراقيين بالسفر وياك يكلك تعال هنانه وروح اهتانه خاصه اذا ماعندك كفيل
وشكرا
