سؤال إلى كل الإخوة العراقيين اللي عندهم معرفة بطلب اللجوء داخل أمريكا . أرجو المساعدة رجاءً

[maltay]

السلام عليكم

 
اتمنى ان لا تبخلوا في اجوبتكم لي
واتمنى اعطائي النصائح الكافية

حبيت استفسر بخصوص اللجوء داخل امريكا 

أني متزوج وعندي أربع أطفال ، هسه عندي فيزة الزيارة إلى أمريكا ومدة الفيزة باقية أربع شهور ..
السؤال هنا .
هسه إذا أروح إلى امريكا وأطلب الحصول  على اللجوء عن طريق محامي
كم هيه الفترة التي يتم الحصول على اللجوء وما هي المبلغ اللي راح يطلبها المحامي وما هو نسبة  النجاح لقبول اللجوء إذا كان حالتي ليس له داعي لترك بلدي أو أنني غير مضطر أو مو مهدد .. وإذا حصلت اللجوء أكدر أسحب زوجتي وأطفالي . 

أتمنى ان تفيدوني بخصوص هذه الاسئلة !!
وشكرا لكم . أخوكم العراقي أبو محمد

[maltay]

ياجماعة الخير ١٥ مشاهدة بلا رد يعني معقولة ما أحد عنده معلومة بهذا الموضوع .

[alzandawi]

الشغلة انت وحظك يعني احتمال ب٣اشهر تاخذ موافقه أو ٣سنين محد يعرف ولازم تكون عندك دوافع قويه. والأفضل انه زوجتك واطفالك يكونون وياك والشغله ينراد له صبر وفلوس لانه محد يساعدك بدولار

[iraqforme]

اخوية ابو محمد ..
صديقي بعد التقديم من مصر ولاكثر من مرة حصلو على فيزا هو واخو للولايات المتحدة وبعد وصولهم مباشرة وعن طريق محامي شاطر كلفهم للنفر حوالي 4000$ ومدة تجاوزت الست اشهر تم استحصال الموافقة لقبولهم كلاجئين داخل الولايات المتحدة وهذا الكلام صارلة حوالي سنة مع مراعاة ان اهل هؤلاء الشابان حصلو على الجنسية الامريكية مؤخرا وهم يسكنون احدى الولايات الجنوبية.
وتبقى كل محامي وشطارته.
مودتي لك

[عباس التميمي]

مو شرط شكد و يوافقون انته وحظك و لازم محامي بيه خير و اطلب من الله التوفيق

[maltay]

الشغلة انت وحظك يعني احتمال ب٣اشهر تاخذ موافقه أو ٣سنين محد يعرف ولازم تكون عندك دوافع قويه. والأفضل انه زوجتك واطفالك يكونون وياك والشغله ينراد له صبر وفلوس لانه محد يساعدك بدولار

اخوي العزيز alzandawi . مثل ما تعرف فيزة الزيارة الى أمريكا لازم تبرهن إنك راح ترجع لبلدك واكو أشياء تخليهم يصدقون بروجعك . مثلا بقاء الزوجة والاطفال في البلد والسفر وحيداً . وحضرتك أتكولي لازم عائلتك أتكون وياك . يا ررررررريت أكدر أوديهم وياي . أذا وصلت أمريكا وعائلتي وياي وراها ماراح أتكون عندي مشاكل لان عندي أصدقاء وأقارب مجنسين بس مو أقارب درجة أولى . أذا أكو طريقة وياريت أتكون قانونية أودي عائلتي وياي أكون ممنون . وشكراً على ردك الجميل . تحياتي يا الغالي .

[عباس التميمي]

up

[alzandawi]

الأخ العزيز malty انت أخذت فيزه صح ممكن يأخذون فيزه وياك إذا تكلهم سياحه ود نشوف بلد جميل وجديد ونحب نسافر. طبعا مع الضمانات  نفس الضمانات الي على أساسها انطوك فيزه وياه مبلغ جيد بالحساب  بس انت براحتك وطبعا تعرف وضعك  وظروفك أسئل الله أن يسهل أمرك وتحصل مرادك

[Ur akkad]

السلام عليكم جميعا، بالنسبة لفيزة لكل العائلة اعتقد صعبة لخوفهم انه ما يرجعون وهذا ما حصل مع اقرباء الى فأحسن شي تروحون وجبات والله اعلم.
اخوان سؤال يخص الموضوع اذا تم التقديم على لجوء من داخل امريكا مع وجود محامي تتصورون يمشي الحال سامعين بهكذا حالة ياريت الي مجرب ومقبول يفيدنة بخبرتة بأي معلومة تكون نافعة   

[alzandawi]

الأخ ur Akkad بل نسبه بشغله الاسايلم كله حظ ليش لانه اكو ناس تجئ  وتقابل بشهرين وتأخذ موافقه وناس تأخذ سنتين وكاعده تنتظر سالت المحامي جاوبني بكل وضوح قال انه الحكومة تنطي مكافئة للمكاتب الي تخلص المعاملات قبل ال6اشهر يعني خلال الفترة الي تحصل بيه كارت العمل والناس الي تتأخر تروح فايلاتهم على الانتظار. فلشغله كله حسب الحظ وكلمن يأخذ نصيبه

[indallasmike2016]

الاخ الكريم maltay السلام عليكم
كل ما قاله لك الاخوة هو ما يشاهدونه امامهم مع اناس قد سبقوك في طلب اللجؤ من داخل امريكا و انا احترم كل ما يقدموه لك من اراء و اجوبة قيمة
يجب ان تعلم ان موضوع تقديم اللجوء من داخل امريكاقد يأخد وقت و تجعل هذا في الحسبان قبل ان تترك عائلتك و تخسر اموال ثم تشعر بالملل و تعود
فأذا عزمة ان تقدم اللجوء من داخل امريكا فيجب عليك ان تجد محامي له الخبرة في مثل هذه القضايا
فالاخوه جزاهم الله خير يقولون منهم من يحصل على الاقامة في شهرين و منهم من ينتظر الى سنين و يقولون انت و حظك و هنا اريد ان انبه الاخوه  الكرام ان في بلد مثل امريكا لا يلعب الحض دوره  و الاختلاف في فترة القبول و المقابلات يكون حسب الاولوية و فترة تقديمك للمعاملة  فكل الملفات تدرس بالترتيب الزمني حسب الاسبق فأذا كان صاحب الملف لديه حجة كافية بأن يقنعهم انه في خطر اكيد على حياتة لو رجع و انه لا يستطيع العودة لبلده لخطر اكيد على حياته فأنهم سوف يحددون لك مقابلة سريعا و طبعا المحامي يلعب دور في تقديم الملف و اثناء المقابلة
وبعضهم تتأخر مقابلته بسبب ان ملفه ضعيف و هم يتقصدون تعطيل ملفه لضعف قضيته و كي يتأكدو انه ليس بخطر او لا يستحق اللجوء
و الكل طبعا يتصور انه روى قضية محكمة و ملفه سوف بقبل على الفور و سوف يتعاطفون معه و هذا خطأ
فكلما دعمت ملفك بثبوتيات كأوراق و صور او اي شئ يثبت ما يقنعهم انع في وضع لا يحتمل التاجيل كلما كانت مقابلتك اسرع و الموافقة اكيدة 100%
فنصيحتي لك اخي الفاضل ان تحسب كل هذا بالحسبان  بالنسبة للفترة التي سوف تترك بها اهلك و المبالغ التي سوف تقوم بأنفاقها في امريكا و المحامي و ايضا انت تقول انك ليس عليك خطر ولا مهدد بأي شئ  فملفك ضعيف يا اخي الكريم
ان استطعت ان تأتي فتوكل على الله فأنا لم اسمع انهم يرجعون احد بل سمعت و علمت انهم رفظو بعض الملفات
بالنسبة لسحب عائلتك يجب ان يتم بعد الاقامة و يجب ان تذكرهم في نفس الخطر و الاضطهاد الذي ذكرته في قضيتك و بدون ذلك سوف يتأخرون في الحصول على الموافقة و طبعا مع المحامي
وفقكم الله اخي الفاضل و اكرر اسفي لكل من شارك في الرد على موضوع اخونا maltay و تأكدو اني احترم كل اجوبتكم القيمة
اهلنا و اخوتنا و احبائنا في العراق  سلمكم الله و حماكم
اخوكم ابو حيدر