الوالدين اذا فوق ال 65 راح يستلمون سويا 1000$ شهريا وراء ما قدمتوا على ال SSI.
الشهايد مراح تشتغلون بيها بالبداية لأن المعادلة تطول كم سنة , خاصتا اذا طبية. ولكن جيدة لللمستقبل.
اللغة احد اهم مفاتيح النجاح في امريكا, انشاءالله مراح تتعبون اذا تفتهمون و تتكلمون الانجليزية.
حسب عددكم نقدر نقول تحتاجون شقة ثلاث غرف, اقل ایجار 3000$ فی سانفرانسیسکو.
اكو مدن راقية اخرى وباسعار افضل, انا افضل سياتل, واشنطن اولا و بوسطون, ماشاجوست ثانيا و طبعا هذة المدن غالية ايضا ولكن بيها مجال قياسا مع سانفرانسيسكو. و اكو سان خوزه الي جدا قريبة من سانفرانسيسكو و الاسعار ارخص 20% اما اذا تريدون ارخص من 2000$ لازم تروحون اوكلند او مدن اخرى.
الضواحي كئيبة ولكن طبيعتها جميلة جدا, لا تنسى في امريكا افضل المناطق هي الضواحي و وسط المدن مناطق تعبانة غالبا الا في بضعة مدن و منها سانفرانسيسكو, ماكو شي تعبان او رخيص في هذه المدينة.
طبعا للذهاب الى اي من هذه المدن تحتاجون كفيل ولو معنوي, يعني مراح يرسلوك الى سانفرانسيسكو لأن طلبت منهم, و انما لازم يكون عندك كفيل و هذا اذا انت UN او IOM.
