السلام عليكم احبتي ألكرام,قبل مدة من ألزمن طرحت موضوعي اللي كان يتحدث عن بقائي في العراق لمدة سنتين خارج امريكا وانه اني عندي كرين كارد وزوجتي كذلك عندها كرين كارد والله سبحانه رزقني (بان)بنتي العزيزة واحد الاخوه نصحني ان اخاطب السفارة في بغداد بخصوص اضافة بنتي على الكرين كارد الخاص بيه وراسلت السفاره بخصوص الاضافه ولايوجد رد على الاستفسار.صحيح البعض راح يكول هاي مجازفه ان اروح لان فتره طويلة خارج امريكا لكن بعض الاخوان ذكر انه تعتمد على ضابط الهجره وهي كل واحد وحظه وتوفيقه, واني قررت ان اروح وحدي لان مااكدر اجازف واخذهم وياي عالاقل لو مخلوني ادخل تكون سهله اليه من ناحية مبلغ الرحله لو رجعت للعراق لان حالتي صايره تكول بستان مو حديقة (الحاله تعبانه ماديا)حجزت نهاية هالشهر للسفر واتمنا ان لو احد عنده مداخله وياي اتشرف بي وهي من باب المساعده ويمكن اني او غيري يستفاد باللي نطرحه هنا وبعض الاخوه تداخلوا وياي الله ينطيهم الخير والبركة واسستمعت لملاحظاتهم المحترمة من قبل واكون ممنون لو تتداخلون وياي ولو برأي او مقترح ولكم مني جزيل الشكر والامتنان..ابو بان الشمري
السلام عليكم أخي العزيز .. بالبداية اكلك الله يحفظلك الأهل و بان الوردة ,
أخوية انت عين العقل سويته بما أنه لاتوجد الأمكانية للجميع روح بوحد وأذا رهمت أن شاء الله خير ,, بس حبيت أكلك شنو رأيك لو تضغط على روحك وتاخذهم وياك أقصد زوجتك وبنتك لأن ممكن من يشوفون وياك عائلة يسهلوها عليك ,, وهي بهذلة آني وياك بس تستحق التفكير .
زين جربت تطلع لدولة مجاورة وتخاطب السفارة مثلا من داخل تركيا وتكاليفها أقل والجواب مضمون بيها لأن حتى السفارات الأمريكية بلخارج تختلف تعاملها وية العراقيين هنا ملبوسين حشاك محد يديرلنا بال . المهم والله بس حبيت أشاركك بموضوعك ويارب الله يوفقك تحياتي
