▼▲الجوازات الجديدة و iom موضوع مهم جداااااا▲▼

[العراااب]

السلام عليكم اخواني ان شاء الله تكونون بخير
طبعا الكثير من عدنا جوازاتهم صارت اكسباير و دنصدر جوازات جديده وحبيت اسالكم سؤال
اني شهر الجاي جوازي يصير اكسباير ومقدم على معاملة جوازات جديده الي و لعائلتي زين من استلم جوازتنا الجديده ارسلها للمنظمة لو لا اكو ناس يكولون ارسلها عادي افضل
واكو ناس يكولون لا ترسلها لان  الامنيه تتاثر  و متحتاجها بالسفر لامريكا غير بس بالخروج من عمان زين التكتات شلون الترانزيت شلون ميريدون مني جواز يصير اشوفهم جوازي الاكسباير ؟؟؟  و اني  والله تعبت كلش ما بيه حيل انتظر بعد فد سنتين فوك الخمس سنوات انتظار و حاير ما اعرف شسوي
اريد استفاد من تجاربكم اكو احد سافر بجواز اكسباير ؟؟
اكو احد طلع جوازات جديده و دزها للمنظمة وهو مكمل كلشي دينتظر الامنية ؟؟
الله يخليكم الي عنده معلومه و متاكد منها يكتبها لان هذا الموضوع كلش مهم

[نبيل المهاجر]

وربك بس بالمطار مال بغداد طلعلهم جوازك وسافر وتوكل وابمطار بغداد يجيك عراقي ينطينك التكت مالت بس يقرا اسم الفحص الطبي لان من تاخذ حبايه ينطوك استماره بالنكليزي تستخدمه بس والله ابمطار بغداد هو عليه ابو iom العراقي يقراه وينطيك التكت يمكن حتى جواز مايحتاجه ومن توصل عمان بعد الجواز خليه ابجيبك صدكني

[عباس التميمي]

كلام الاخ نبيل المهاجر صحيح

[العراااب]

شكرا على ردودكم اخواني اني اذا الله كتبلي اسافر من عمان بهلي الحالة اكدر اطلع من عمان بالجواز الجديد و الجواز الاكسباير اشيله ويايه بس  يكولون من تصدر جواز جديد القديم  يثقبوه و يدكون عليه كانسل علية يعني يسووله تعذيب    بهيج حالة موظف اي او ام يمشي عليه ؟؟

[ابو الامراء]

اخي العزيز اذكر ان احد الاخوان اسمه ابو علي ديسافر من اربيل ولان الجواز مالته منتهي رجعوه فأذا سفرك قبل انتهاء الجواز بيوم سافر واذا لا فهي مشكله

[sindbad2014]

مرحبا اخوان
افهم من كلامكم اذا هو الواحد اصلا موجود بعمان معناها ميحتاج الجواز ابد
يعني سواء غير الجواز المنتهي واستلن جديد او بقه عندة بس المنتهي يسافر طبيعي

شكرا

[العراااب]

اخي العزيز  لازم يكون عندك جواز فعال حتى تختم خروج من عمان او بغداد او البلد الي انت بي  وخلص بعد متحتاجه حسب الكلام الي سمعته
و هو هذا سؤالي اذا منحتاجه غير بس بالخروج من عمان نرسلة للمنظمة لو لا ؟؟

[العراااب]

رفع

[العراااب]

Up

[المتعوب]

السلام عليكم اخي العزيز اقرأ هذا اللنك مقتبس من السفاره الامريكية في العراق وراح تكون فكرة عن الموضوع الشاغلك تحياتي.
http://arabic.iraq.usembassy.gov/passport_information.html

[العراااب]

اخي المتعوب للاسف اللنك مديفتح يا ريت تكتبه من جديد
شكرااا الك

[المتعوب]

اخويه العراب اذا ما فتح يمك اللنك تكدر تدخل على موقع السفاره الامريكيه في بغداد في قسم معلومات عن الجواز العراقي وراح تشوف كل المواضيع التي تهمك تحباتي

[العراااب]

شكرت اخي المتعوب الله يوفقك 
اخواني اريد   الجواب  الاكيد اذا تعرفون طلعت جوازات جديده ادزها للمنظمة لو ميحتاج