مساعدة من اهل الخبرة (دفتر الخدمة العسكرية ) SIV

[محمد الداوودي]

مرحبا اخواني الاعزاء ارجوا مساعدتكم رجاءا كوني مقدم على ال SIV واجتني الموافقة بس الان طالبين مني كل الوثائق ودزيتهة الهم مع نسخة من دفتر الخدمة العسكرية وترجمتة الهم بس رجعولي جواب غريب وهو الاتي ______9 - MILITARY RECORDS:________________________________________
Please submit a photocopy of the applicant's official military records.

وللعلم النسخة اللي دزيتهة الهم مترجمهة ترجمة قانونية ومعتمدة
فما اعرف شنو المطلوب بعد .!!  ارجو مساعدتكم اخواني الاعزاء
وشكرا

[عباس التميمي]

اعتقد الغلط منهم

[عباس التميمي]

UP للمشاركة

[محمد الداوودي]

شكرا وممنون منك اخوية عباس وجزاك الله الف خير

[سلامه يا وطن]

مرحبا اخواني الاعزاء ارجوا مساعدتكم رجاءا كوني مقدم على ال SIV واجتني الموافقة بس الان طالبين مني كل الوثائق ودزيتهة الهم مع نسخة من دفتر الخدمة العسكرية وترجمتة الهم بس رجعولي جواب غريب وهو الاتي ______9 - MILITARY RECORDS:________________________________________
Please submit a photocopy of the applicant's official military records.

وللعلم النسخة اللي دزيتهة الهم مترجمهة ترجمة قانونية ومعتمدة
فما اعرف شنو المطلوب بعد .!!  ارجو مساعدتكم اخواني الاعزاء
وشكرا

السلام عليكم
اخوية العزيز ممكن توضح اكثر .... منو طلب منك دفتر الخدمة ؟ السفارة لو ال NVC ؟؟ واين ترجمتها ؟؟ يعني انت ترجمتها .... لو بمكتب مختص ؟؟ لان الي اعرفه دفتر الخدمه يصورون 3 صفحات من عنده ويترجموها !!!! وضحلنا اكثر حتى نكدر نفيدك

تحياتي

[abo mays]

أخي الكريم
السلام عليكم

اتمنى ان لا تقلق الموضوع غاية في البساطة ارسل لهم مرة اخرى نسخة مصورة لدفتر الخدمة العسكرية مع الترجمة القانونيه وان شاء الله كل شئ طبيعي .

تحياتي / ابوميس

[المهندس71]

السلام عليكم
الاخ العزيز اذا محنفظ بنسخة من كتاب التسريح ترجمة ودزة لهم
شكرا

[DR.ROMII]

اخ محمد السلام عليكم، اولاً مبروك وشايف كل الخير عل الموافقة ويارب يتمملك بالخير، ثانياً اذا ممكن حظرتك تقديم اي سنة؟ ياريت تفاصيل شوية عن ملفك وسنة التقديم ، وبارك الله بيك مقدماً

[محمد الداوودي]

السلام عليكم اخواني واحبابي الاعزاء وشكر خاص للاخ سلامة ياوطن .. اني مقدم من منتصف 2013 وتحديدا شهر السابع وبعدة 6 شهور تم ارسالي الموافقة من مكتب البعثة COM وبعده بشهر اتت موافقة ال NVC وبعدها بشهر اتت موافقة فرع نبراسكا واعطوني بعدها رقم الكيس وطلبو مني الانتضار وبعد شهر طلو مني المستمسكات كلها مع عدم المحكومية كلهة ترجمتهة وصدقتهة من الخارجية فقط دفتر الخدمة ترجمتة عند مترجم قانوني من جمعية المترجمين في شارع فلسطين ودزيتة الهم بس دا اشك بحالة وحدة فقط لانه ديكولون انه مواصلهم او مفقود برسالتهم الاخيرة معناها انه باقي الغراض واصلتهم فسؤالي هل يمكن ان ميوصل جزء من الايميل او احتمال واصلهم بس مو هذا الديريدو بالضبط ارجوا التوضيح وشكرا للجميع

[محمد الداوودي]

شكرا اخوية الغالي ابو ميس ان شاء الله ربي يسمع منك ومن كل الطيبين  ,
وباللنسبة السؤال الاخ سلامة ياوطن .. دزولي من موقع ثاني هاي الطلبات مع برقية كاتبين بيهة تفاصيل الكيس نمبر ومن اسم جديد اسمة NSCI360SIVAPP@uscis.dhs.gov  في وقتها وكاتبيلي انه لازم ادز المستمسكات المصورة والمترجمة الى ال NVC

[سلامه يا وطن]

السلام عليكم

الاخ العزيز محمد الداوودي .... اني اتذكر انه موقع ال NVC لايستوعب مرفقات اكثر من 6 ميكا ... اكو احتمال انه الاتاجمنت صارت اكثر من 6 ميكا وحصل فقدان باحد المرفقات .... هذا احتمال فني .... والاحتمال الاخر ان تكون الترجمه غير كافيه كمحتويات يعني اكو نقص بالاوراق الي المفروض تترجم .... وبهذه الحاله اقترح ان تراجع مترجم قانوني اخر وتستشيره واذا اكدلك انه الترجمه كامله غير منقوصه ... فيجب اعادة ارسالها مرة ثانيه واذا لا .... افضل ان اترجمها بمكان اخر ولا داعي للتصديق بالخارجيه في هذه الحاله تكتفي بتصديق جمعية المترجمين العراقيين بشارع فلسطين ... وعموما لا تقلق لان هذه الجهه حسب تجربتي واجبها مراجعة مستمسكاتك المطلوبة عند المقابله فقط ....اي يتاكدون ان تذهب للمقابله وجميع الوثائق المطلوبه حاملها معك ليس الا .... قبل كم سنه كانو ناس يرحون للمقابله وهمه مدازين كلشي بالايميل ... يعني ياخذون المطلوب ومباشرة للمقابله ... وصدكني اني كلشي قدمته بشكل صحيح وحسب مرادو وبعدني بالعراق والناس الي هملو كثير من الطلبات وشلعو كلب السفارة يلا دزوهن ذولاك هسه كاعدين بامريكا ... اتمنالك التوفيق

تحياتي

[عمر بغداد]

سلام عليكم حجي بالنسبه لدفتر الخدمه ارجع ارسله الهم مره ثانيه او اتصل عليهم جدا عادي اني بوقته شنو صار عندي بيان ولاده ماعندي لان اني ولادتي بصره وماكدرت احصله وضلت بس على المقابله انتضر وهم دزولي هاي المسج نقص مستمسكات فا خابرتهم كتلهم مدا اكدر احصله ومشت الامور وشي ثاني ارجع دزه الهم نسخه والله كريم

[محمد الداوودي]

اخوية سلامة ياوطن .. عشت ياغالي وشكرا على توجيهك وكلامك فعلا دزيت ايميل ثاني واضاهر فعلا الايميل يمكن ماوصللهم على ما اضنلان اذكر اكو حد وصلة الايميل و وكف وطلعلي مسج يكول الايميل ممتلئ او وصل الى الحد الاقصى . واشكرا جدا صديقي

[سلامه يا وطن]

اخوية سلامة ياوطن .. عشت ياغالي وشكرا على توجيهك وكلامك فعلا دزيت ايميل ثاني واضاهر فعلا الايميل يمكن ماوصللهم على ما اضنلان اذكر اكو حد وصلة الايميل و وكف وطلعلي مسج يكول الايميل ممتلئ او وصل الى الحد الاقصى . واشكرا جدا صديقي

بالتوفيق اخوية الداوودي العزيز  ...... ان شاء الله يوم سفرك

تحياتي