الاخوة والاخوات في تركيا

[اسعد العراقي]

اخواني واخواتي اريد عنوان اليو ان للتقديم الجديد وعنوان فندق مناسب قريب من اليوان ونصائحكم واريد شقة لاربعة شباب يكون سعرها مناسب وشتنصحوني بيا مدينة قريبة ورخيصة ومشكورين مقدما والشكر موصول للاخ ابو توفي

[عراقي مغترب]

اخى. انت محسب حسابك تنتظر من سنتين الى اربع سنوات علمود تسافر   لو جاى سياحة مثلا. نصيحة الي قبلك منتظرين صار سنة ونص لا مقابلة ولا اتصال ولاشي. وتكدر تقرا جماعة تركيا مكتوب كل شي وموضح  عوائل ما مدبريها. وانتم شباب راح تنامون نوم اهل الكهف.  راح تكول اشو سويتها ظلمة. لكن هذا الواقع. تريد تجرب اهلا بيك. تمنياتى لكم بالموفقية

[اسعد العراقي]

عراقي مغترب اشكر مرورك نعم حاسب حسابي والله موجود

[عراقي مغترب]

ونعم بالله تحياتى لك اخي اسعد

[عباس التميمي]

شسوي بالفندق ؟ رايح تقدم لو رايح سياحة ؟

[اسعد العراقي]

اخ عباس هاي شنو لعد وين ايروح اليوصل فهمني لان مدا افتهم شنو قصدك؟

[عراقي بلا وطن]

صحيح يعني اول ميوصل وين يروح قابل الشقه تنتظره غير  بالفندق الى ان يرتب اموره

[TOFEE.US]

اخي اكو فندق اسمة yavus otel  صاير بمنطقة ULUS  الليلة ب 40 ليرة اما بلنسبة للتقديم فمن 3 سنين الى محد5 سنين لان همه الحالات الخاصة صار خمس اشهر محد مخابر عليهم واعرف حالات خاصة صار اكثر من سنه وكلشي ماكوو
تحياتي

[العراقي 1991]

اخي ...روح لمنطقة اسمها دشقابي الليلة ب 25 ليرة والمنظمة عطلنهم السبت واحد وهذا العنوان
iEMEK . MAHELLESI . 8 GADDE . 29. SOKAK  NO = 37
BAHGELIEVLR / ANKARA.  ASAMI

[اسعد العراقي]

اخواني
عراقي بلا وطن
Tofee.us
العراقي١٩٩١
اشكر مروركم نورتوا الموضوع
لكن لم يجبني احد عن موضوع اسعار الشقق واي مدينة زينة
شكرا مرة ثانية

[العراقي 1991]

اخواني
عراقي بلا وطن
Tofee.us
العراقي١٩٩١
اشكر مروركم نورتوا الموضوع
لكن لم يجبني احد عن موضوع اسعار الشقق واي مدينة زينة
شكرا مرة ثانية

اخي كل المناطق تقريبا نفس الاسعار ....بس اخذ نصيحتي واني مجرب روح اسكن بسامسون منطقة شققها رخيصة ومنطقة حلوة تركبلها من الاوتوكار المحطة مال باصات كلش انصحك بيها وللمقابلة ورة كم شهر بالمقابلة انت تختار منطقة اخرى ..تحياتي ...انقرة واسطنبول غالية ....تحياتي

[اسعد العراقي]

اخوية العراقي ١٩٩١ اشكرك عيوني اكو واحد تعرفه اروحلة على مود الايجار.

[العراقي 1991]

لا والله ماعندي علاقات ...بس روح منطقة بسامسون اسمها جفلك .هاي بالمركز منطقة راقية كلش ..وبيها هواية عراقيين ودلالين هم عراقييين ومن اتأجر ..كلة عقد ....تحياتي

[khalil@khalil]

اخي العزيز اقل ايجار 200 دولارام من ناحية الشقه اسكن في اقرب شي على انقرا +اكو مناطق انفتح فيها مكاتب لليو اين ايكون فيها الاوضاع احسن اني ساكن في مانيسااخذت موعد مقابله اولا سنه و اربعة اشهر بس قابلة قبل وصول الموعد بي خمس اشهر والغريب اكثر الناس قابلة القديم والجديد و قابلةفي منطقة بيلاجيك وكانت جيده ويوجد بها مكتب لليو اين مع تحياتي