اكو احد سافر بجواز اكسباير من خارج العراق مساعده الله يخليكم

[العراااب]

السلام عليكم اخواني
اريد اعرف اكو احد سافر من خارج العراق عن طريق iomبجواز اكسباير بدون مشاكل
علما اني مقدم على جوازات جديده ارسلها للمنظمة من تخلص لو لا اذا ارسلها تنعاد الامنية لو لا 
الله يخليكم ساعدوني والله مدانام من التفكير
اخوكم العراب
تقديم 2009
فاحص 6مرات
مخلص كلشي و دانتظر الامنية
تحياتي

[عباس التميمي]

والله ما اعرف UP للمشاركة

[Hasan&Yaseen]

اخي العزيز كمل جوازاتك وماكو داعي ترسلها للمنظمه لكنك تحتاجها فقط للخروج من العراق وفي عمان ظابط الجوازات ايضا يدققها هذا ما حصل معنا

[العراااب]

شكرا اخي حسن عالجواب الله يوفقك سؤال يعني انت طلعت جوازات جديده و سافرت و بلغتهم زين الضابط بعمان شاف جوازاتكم القديمة لو الجديده ؟؟وتكت الطيارة المفروض المنظمة تحجز عالجواز القديم زين شلون تاخذ البوردنك و شلونن الضابط يشوفه و مطموغ عليه بالاحمر كانسل يمشينا يعني ؟؟؟

[iraq_ela7zan]

عزيزي اني ححجيلك عن تجربة جوازك لازم على الاقل يكون بيه فترة ٣ اشهر لكي يسمح لك ضابط الجوازات بالمغادرة وعلما ان التذاكر سوف تكون على اسم الجواز وعن الي صار معي انا عندما نزلت الى عمان لم يطلب مني احد الجواز لانني لم ادخل الى الاردن ولكن عندما سافرت الى المانيا ترانزيت نعم اخذو الجوازات وتاكدو والاهم من هذا بانه في مطار نيويورك تم التاكد من ورقة i-94 والي هية بمثابة الجواز او ورقة دخولك ولكن ضابط الجوازات طلب مني جوازات لكي يتاكد من الاسماء فاضن الافضل لك ان تجدد الجوازات وترسلها وصدقني لن يتم اعادة التجيكات الامنيه لانهم سوف يغيرون رقم الجواز فقط في وثايق السفر فالافضل لك ان ترسله ولاتدع شي للصدفة علما انني سافرت وكان جوازي سوف ينتهي بعد ٥ اشهر وضليت على اعصابي وجواز ابنتي اسم الاب يختلف بين اسمي والاسم المثبت لدى ابنتي وجائت تذاكر السفر بالاسم الغير مطابق للجواز وضليت في حيرة ولكن الحمد لله الله سهل وسافرنا اتمنى لك وللجميع السفر ولكن نصيحة لاتدع شي للصدفة غير الجوازات المنتهية وارسلها للمنظمة

[alaa_iom]

السلام عليكم الاخ صاحب الموضوع الامنيه متنعاد اذا جددت الجواز الشي المهم ان تتاكد ان الاسم مطابق لجوازك القديد .
الاخ iraq_ela7zan كلامك مو دقيق وبما انو حضرتك مار بتجربه السفر لازم يكون كلامك واضح للاخوه الي ما عدهم فكره اولا يمكن ان تسافر اذا كان عندك 3 اشهر او حتى اقل على انتهاء الجواز واذا رحت الى الجوازات لتجديد الجواز قبل الانتهاء مراح يجددو الك الى اذا نطيتهم دليل انتو انته مقيم في مكان اخر وراح اسافر .
ثانيا في عمان يطلبون الجواز العراقي ويختمون ترانزيت على الجواز العراقي وتكدر تتاكد من جوازك وهذا الي صار ويه كول الي سافرو كلامك مو دقيق.
ثالثا الجواز العراقي ما يطلب ابدا في نيويورك وانما يتعاملون فقط ويه الكيس الي استلمته في عمان عن طريق الiom .

[العراااب]

شكرا اخواني على ردودكم
اخي علاء ابني  عمره 7سنوات اسمه بالانكليزي  تغير شكد ردت ابقي نفسه بس بالجوازات مقبلوا جان ممكتوب لقب ضافوا اللقب و اسم جده غيروا بي حرف و اسم جده ابو امه غيروا بي حرف بس الاسم بالعربي بس انضاف اللقب جان اسم جده مكتوب مرتين  يعني انلاصت