السلام عليكم ورحمةالله وبركاتة
عندي مشكلة وياريت احصل نصحية من حضراتكم بصراحة طرقت هواية ابواب وسمعت هواية كلام وصديق نصحني انشر مشكلتي بمنتداكم الكريم وان شاء احصل جواب شافي
اسمي احمد عراقي مهندس واعمل بقطاع النفط من 4 سنوات بشركة اجنية جنوب العراق تعرفت على فتاة اجنبية عن طريق الصدفة من الفلبين وربطتنا علاقة حب لمدة سنتين اتفقنا بعدها على الزواج وفعلا سافرت الى اليونان وهناك تزوجنا بس كان عندي نقص بالمستمسكات المطلوبة مني فشخص قال لي ارسلها الي بالبريد وراح يكمل اجراءت عقد الزواج المهم انة وقعنا العقد وحلفت امام القاضي يعني كل شئ اصولي والحمد لله بعدها رجعت للعراق و زوجتي رجعت للفلبين وبعد شهر او اكثر تقريبا اكتشفنا انها حامل والحمد لله بهل الوقت كنت متردد اخبر الاهل لان مثل ما حضراتكم يعرفون الزواج من اجنبية لحد الان غير مقبول عند بعض الناس وخصوصا الجنسيات الاسيوية المهم انا مقتنع 110% بالموضوع وفعلا سعيد وفرحان والانسانة جدا سعيد معاها هنا قررت افاتح الاهل بالموضوع وهنا بدءت المشاكل تهديد و ووعيد بالقتل والتبرء و ووووووووووووو طبعا هذا من اعمامي وفعلا قالو نتبرء منك ويوم اللي تجيبها للعراق انتة وهية تنقتلون قبل باب المطار استعوذت من الشيطان وحكيت لزوجتي على الصار كلة وبصراحة عشنا وضع بس الله يعلم بية وهنا حتى يكمل الطين بلة اهل زوجتي من جهة الاب والام هددو زوجتي بالقتل والسبب انها تزوجت مسلم واسلمت من اجلة وحامل و بواسطة بعض الناس كدرنا نعرف انهم وضعو اسمي بمطارات ومؤاني الفلبين في حالة دخولي يحاولون يستسببون لي بمشكلة من اي نوع حتى لو وضع شي في الحقائب حتى انسجن وبعدها يصير مايصير المهم هذا الكلام من اكثر من 9 اشهر قبل كم يوم زوجتي الحمد للة ولدت طبعا بالسر بعد ما هربوها اخواتها الى بيت في منطقة جبلية بالشمال وهسة عدنا بنت الحمد لله ما اقدر اوصلهم ولا يوصلوني ولاشهادة ميلاد لحد الان لان لو خرجت ممكن يقلون زوجتي او طفلتي رحت للسفارة الفلبينية في بغداد تكلمت مع القنصل قال ما اكدر اسوي اي شئ
اريد نصيحة اخواني ايش أسوي اريد اروح وياها لغير بلد حتى ممكن اسجل بنتي ونعيش بسلام اقدم على امم متحدة لو شنو اللي ممكن يقدرون مثل هاي الحالات الانسانية الحرجة ؟ وااله الحياة بعيوني سودة لا اكدر اشتغل ولا شفت النوم من 6 اشهر واكثر عايش حجيم ياريت نصيحتكم وربس يكفيكم شر الدنيا
وممنون منكم واسف على الاطالة بس مالي غير الكيبورد حتى اطلع اللي بداخلي لان صعبة اتكلم والعبرة وااله عقدت لساني
