عن الراتب التقاعدي في العراق وكيفية استلامه في امريكا

[سامر القريشي]

اخواني واخواتي ياريت اللي عنده معلومة يكدر ينورني بيها اني استلم راتب تقاعدي لوالدي بوساطة البطاقة الذكية ( كي كارد ) اني بعد شهر وان شاء الله اسافر على امريكا . سؤالي احد يعرف شلون راح اكدر استلم راتب والدي التقاعدي واني بامريكا ؟؟ واذا ما اكدر شلون راح ابقى استلمة بالعراق او ينزل بحسابي المصرفي؟ وشكرا احبائي

[عباس التميمي]

UP للمشاركة

[USA MUSTAFA LOVE]

يرفع

[جوكر الهندسة]

قبل فترة سمعت انه مصرف الرافدين رح يفتح اماكن صرف رواتب المتقاعدين في تركيا و عمان و يمكن هم قريت بأمريكا عن طريق بطاقة ال Q cardتكدر تدخل للموقع مالتهم و تتأكد
اذا مالكيت حل ف اتصور تسوي وكالة خاصة لشخص توثق بي و يحولك الراتب كل شهرين مع العلم انه بداية كل سنة لازم تسوي شهادة حياة و ترسلها الهم و اتصور بشهر الثاني هالشي يطلبو منك
بالنسبة حتى تسوي وكالة خاصة و انت اصلاً موكل من ابوك لازم يكون بلاصل ابوك مسويلك وكالة عامة بكولشي يالة تكدر توكل شخص اخر بوكالة خاصة اما اذا ابوك مسويلك بس وكالة خاصة بأستلام الراتب ف متكدر انت تسوي اي وكالة لاي شخص
اذا انت عندك وكالة عامة ف راح تكدر تسوي وكاله خاصة لاي شخص و من تجي هنا ان شاء الله بسلامة لازم تسوي شهادة حياة لابوك تروح انت وياه للسفارة الي موجودة حسب ماعرف بواشنطن DC و يمكن هم كالو اكو قنصلية بمشگن بس المتأكد منها بواشنطن DC و تسوي شهادة حياة و ترسلها بالبريد للوكيل الخاص اتصور لازم ياخذها يصدقها بالخارجية بالعلاوي و ياخذها لدائرة التقاعد
ان شاء الله كدرت افيدك بس امشي بيها ترا مظلك وكت و اذا شفت انه مصرف الرافدين بالفعل رح يفتح فروع هنا بأمريكا ف بعد احسن
تحياتي

[سامر القريشي]

شكرا للردود. وبالاخص اخ جوكر الهندسة  ايضاح اكثر من رائع

[جوكر الهندسة]

لا شكر على واجب اخي الكريم و ياربي تتسهل عليكم

[ABO SARAH]

اخي العزيز نصيحة استلمة عن طريق صديق تثق به لانه اذا ما تم تسجيلك بشكل رسمي بانك تستحصل راتب شهرب من بلدك ستحرم من التقاعد في امريكاولا احد يستطيع تااكيد الوضع المالي في العراق حاليا.


تحياتي

[undertaker]

اخي العزيز في الاردن ولبنان هناك منافذ للبطاقة الذي بامكانك المجيء ال احدى الدولتين وعمل بطاقة كيو كارد وبهذه البطاقة بامكانك ان تستلم الراتب كل سنة او كل سنتين والبطاقة تضمن انه رواتبك تبقى في البطاقة لمدة عشر سنوات