لجوء الى عمان ثم الى كندا

[haider90]

سلام عليكم اخواني

اني و اهلي 4 نفرات نريد نسافر لعمان نقدم للامم المتحدة.. نريد نكول بقضيتنا انه احنه "سنة" .. لكن اللقب الي احنه حامليه يدل على طائفة شيعية.. ما اريد اكول اني شيعي لاسباب ما اريد اذكرها هنا حاليا.. سؤالي هل الامم المتحدة "تدقق" انه اني شيعي من لقبي واني كايللهم سني؟ او يرفضوني لان ممكن يشكون انه اني شيعي؟؟

عندي اخ بكندا عايش و هو هم مقدم لجوء.. وباللجوء مالته كايل انه هو سني.. طبعا احنه نريد نوصل يم اخوية لكندا.. هل كندا تفتح فايلات مع الامم المتحدة حتى تشوف تطابق القصص مع قصة اخوية اللي بكندا؟؟؟ اريد توضيح حتى اعرف اني دا ابالغ بقلقي او لا؟؟

اشكركم

[alwaleed88]

وعليكم السلام ورحمة الله وبركاته

أخي الكريم حتى وإن كان لقبك شيعي فهذا لا يجعلهم يتيقنون بأنك شيعي حيث الكثير من السنة يحملون أسماء وألقاب شيعية
ويجب أن تكون قصتك متطابقة مع قصة أخيك لأن ممكن يقارنون بذلك عند التجييك الأمني فالاحتياط واجب

[outtoother]

اخي العزيز
انا انضم الى كلام اخي الوليد وطبعا في الفورمات يوجد اسئلة عن الاخوة و الاهل و عن ما اذا لديك اقارب من الدرجة الاولى في كندا وفي المقابلة يتم سؤالكم حول ذلك فيحبذ ان تكون الاجابات مطابقة لاجابات اخوك في كندا لان هو ايضا في استمارات اشار اليكم في حقل الاخوة و الاقرباء
والتوفيق من رب العالمين

[haider90]

اشكركم جزيل الشكر على الرد

آوت دوور اني مو مشكلة عندي اكيد القصص لازم تكون متطابقة.. بس هل اليو أن رح تقتنع انه اني سني في حين لقبي شيعي رنان.. هل رح يأثر علىيه باليو ان هذا الموضوع؟؟؟

تحياتي الكم

[alwaleed88]

كول تسننت وريح نفسك هههههههههه

[alwaleed88]

على فكرة بمقابلة التوطين باليو ان سألوني أنت لقبك الكاظمي شلون سني؟ قلت لهم عفوا أنا لقبي ليس الكاظمي إنما لقبي العظيم وأنا سني أب عن جد
فأنصحك أن تقول تسننت

[haider90]

اني لقبي شبر... تتوقع تعبر عليهم؟ لو اذا سألوني شلون شبر سني؟ اكللهم تسننت؟

[alwaleed88]

والله أني سألوني هذا السؤال فمن الأفضل تكول تسننت دفعاً للشبهات
نصيحة الك

[alabbasu]

@alwaleed88
دائماً إجاباتك في الصميم، ودائماً إجاباتك مفيدة للجدد المقبلين على المقابلات.
ماشاء الله عليك، تنفع محامي

[alwaleed88]

الأخ alabbasu

هذه شهادة أعتز بها من أخ عزيز مثلك، تحياتي لك عزيزي ولجميع الأخوة الأفاضل

[ام ملك 2012]

@alwaleed88
دائماً إجاباتك في الصميم، ودائماً إجاباتك مفيدة للجدد المقبلين على المقابلات.
ماشاء الله عليك، تنفع محامي

ًصحيح اخي .اني هم اضم صوتي لحضرتك بهذا الكلام وفعلا الاخ // الواليد 88 ساعد الجميع بخبرته واني وحدة من الاشخاص الي فضل على وساعدني وحل مشكلتي مال حساب السفارة الكندية الي تم اغلاقه بالخطأ .

جزاه الله خيرا وجعلها الله في ميزان حسناته

[alwaleed88]

ًصحيح اخي .اني هم اضم صوتي لحضرتك بهذا الكلام وفعلا الاخ // الواليد 88 ساعد الجميع بخبرته واني وحدة من الاشخاص الي فضل على وساعدني وحل مشكلتي مال حساب السفارة الكندية الي تم اغلاقه بالخطأ .

جزاه الله خيرا وجعلها الله في ميزان حسناته

الأخت الفاضلة أم ملك
تحية لكِ أيتها الأخت الكريمة، نحن جميعاً أخوة وأمرنا واحد، وجميعنا نمر بنفس الإجراءات، ولطالما استفدت من هذا المنتدى ولن أنسى وقفاتكم معي في كثير من الأمور التي كنت أجهلها
بارك الله بكم وسهل أمركم والسفر العاجل للجميع

[شمعه 3]

اخي 

نصيحه لوجه الله تعالى  شغلة ( تسننت) عوفها ولا تفكر بيها ولا تتورط بيها لان الامم المتحده اصلا بكل بياناتها الرسميه تعتبر  بشكل غير مباشر  الطائفه السنيه مضطهده استنادا الى البيانات الامريكيه نفسها وكل الدول العربيه  ايضا تعتبر الطائفه السنيه  مضطهده وعندما تقول لهم انك ( تسننت) يعني   ستوقع نفسك في الفخ لانه ليس من المعقول ان ينتقل شخص  في العراق اليوم الى طائفه مضطهده خصوصا وان لقبك كما تقول شيعي ..يعني بعباره اخرى هذا الكلاو ما يتلبس براسهم وراح يكشفوه من اول كلامك ..

اما عن القصه فهي بكل تاكيد سيتم  مطابقتها ولعلمك ومعلومك حتى اخوك اذا عرفو انه شيعي وذكر انه سني وقدم معلومات كاذبه فسوف يكون مصيره  الاعاده  القسريه  من الدوله التي جاء منها وحصلت حالات كثيره من هذا النوع ....

الحل  الوحيد الذي امامك هو انت تنتظر حصول اخوك على الاقامه  ثم تقوم بتقديم طلب  هجره ويكون اخوك هو الكفيل .. وانت حر بالاختيار والقرار ..

شمعه - كندا

[المهندس الزورائي]

سواء غيرت لقبك من هذه الطائفة لتلك او بالعكس .. كول انك عملت هالشي تخلصا من المليشيات اللي بمنطقتك او من التهديدات اللي بعملك .. التهديد قائم لكلا الطائفتين