لعنة الاقامة الايطالية

[sattar italya]

بقيت سنة كاملة في ايطاليا في اقذر كمب للاجئين مع معاملة سيئة واخر الامر حصلت على اقامة لجوء سياسي خمس سنين وبعد ان حصلت على الاقامة وجواز سفر خاص بالاجئين الذي اعتقد ان جواز السفر الصومالي افضل منه بكثير . المهم بعد كل هذه المعاناة واستلامي الاقامة وجواز السفر ابلغني المسؤل في الكمب ان علي مغادرة الكمب لان فترة بقائي فيه قد انتهت قلت له اين اذهب قال هذه مشكلتك وليست مشكلتنا وانا الان اصبحت مشرد اتنقل من بلد الى بلد ومن بيت صديق الى صديق اخر ولا اعلم ماذا افعل وانا الان في المانيا عند صديق لي لا اعلم كيف ساتدبر اموري او كيف ساعيش مع عدم حصولي على فرصة عمل . هل يوجد حل لمشكلتي هل توجد منظمات في المانيا ممكن ان تساعدني . والله ان الاقامة الايطالية لعنه تصيب كل من حملها وابتلى بها لاني لن استطيع طلب اللجوء في اي بلد اخر .ارجو من الاخوة الكرام مساعدتي بالنصيحة فوالله تعبت جدا وحالتي النفسية اصبحت زفت في زفت . انا الان في مدينة oldenburg

[العراقي 1991]

اخي ماانصحك تسكن بالمانيا لان هي هسة تعاني من اللاجئين ......حلك وبساطة تشتغل وتزوج عراقية اجنبية بس لازم عدها لو الاقامة لو الجنسية وانت تكتسب جنسيتها وتخلص من اللعنة .....تحياتي

[marwan iraq]

اخي اني مثلك هم عندي اقامة ايطالية وكلشي ما مستفاد منها ماكو اي معونات او مساعدات . هذه الاقامة هي لمجرد التجوال في دول اوربا في كل دول يحق لك تبقى بها 3 اشهر بشكل رسمي وبعد 3اشهر يجب ان تخرج والا سوف تعتبر متجاوز على حدود البلد .
هذه هي معاناة ايطاليا .
الله يكون بعون الجميع .

[sattar italya]

اخوية العراقي انروح للسويد يكولون متفيد نجي الى المانيا تكول ما انصحك بيها لعد وين نروح لكبوديا ههههههههه زواج ما اكدر اتزوج لاني اصلا متزوج يا عيوني بس بقة انو احصل شغل وهاي هم مسئلة صعبة كلش وين تلكي ابن حلال الي يساعد

[sattar italya]

اي عزيزي مروان احنه بالهم سوى نفس المصيبة ورحمة الله واسعة

[العراقي 1991]

اخي مااعرف انت متزوج عذرا ....بس صدك ابتعد عن السويد والمانيا ...و اوربا كلها كدامك من غير ايطاليا طبعا ...تحياتي

[عبدالله المسافر]

افضل حل بالنسبة الك تشوفلك شغل بدولة اوروبية زينة مثل السويد اوالمانيا يصير عندك اقامة عمل وتبقى فترة بهاي الدولة حتى تكتسب جنسيتها واشوف الاسرع هي السويد مع ان المانيا بيها فرص عمل هواي بس جنسيتها تطول 8
سنين اذا بالمانيا سمعت ان بايرن بيها شغل قوي والله يعينك

[sattar italya]

افضل حل بالنسبة الك تشوفلك شغل بدولة اوروبية زينة مثل السويد اوالمانيا يصير عندك اقامة عمل وتبقى فترة بهاي الدولة حتى تكتسب جنسيتها واشوف الاسرع هي السويد مع ان المانيا بيها فرص عمل هواي بس جنسيتها تطول 8
سنين اذا بالمانيا سمعت ان بايرن بيها شغل قوي والله يعينك

اخوية العزيز عبدالله هو وينه الشغل وينه ابن الحلال الي يساعد وداعتك بقيت شهر ونص بالسويد كاعد بمسجد مثل المجدي محد يساعد وهسه غصب عني اجيت الى المانيا وهم كاعد يم صديق والله العظيم كرهت حتى نفسي من الوضع الي اني بيه ما اعرف وين اروح وشسوي ودخت بزماني

[sattar italya]

اخي مااعرف انت متزوج عذرا ....بس صدك ابتعد عن السويد والمانيا ...و اوربا كلها كدامك من غير ايطاليا طبعا ...تحياتي

اي خوية اني متزوج وزوجتي عربية عايشه في بلدها وتكلي ابتعد عن السويد والمانيا وين اروح خوية  ما اكدر اروح اي بلد اذا ماكو شي مضمون للاسف محد يساعد ويسهل امر واني ما عندي امكانية مادية ابقه افتر بالدول وابحث عن عمل لازم عن طريق شخص ابن حلال  يحصلي عمل قبل ما اسافر

[عبدالله المسافر]

زين اخوي بلكي صديقك بالمانيا يحاول يشوفلك شغل يمه وتسجل نفسك بالبلدية ويعطوك رقم ضريبي حتى تدفع الضرائب الخ بعدين عندك النرويج يا اخي يكولون بيها شغل قوي طبعا لازم تجازف وماكو شي مضمون ابدا بهاي الامور نصيحتي حاول تشوف شغل بالمانيا بكل الوسائل قبل الانتقال لدولة اخرى لان هيج وضعية صعبة جدا

[★★★ AIRBORNE ★★★]

UP>>>
رفع الموضوع للمساعدة>>> بما أنه الاخ ستار في المانيا حالياً
من فضل الاخ العزيز أبو ديانا الطيب وعنايته الممكنه لطفاً ....

[Edy Simon]

شكراً عزيزي الاخ ....★★★ AIRBORNE ★★★
رفع الموضوع للمساعدة>>>
على شعورك الطيب  ورفع الموضوع للاخ ستار الايطالي؟
بما أنه الاخ ستار في المانيا حالياً.
ـ اخينا او تاج راسنا ستار الايطالي عاى اتصال دائماً ويايا؟
وقبل ان يوصل الى المانيا اتصل بيا او سألني اكو مجال في المانيا,
او وضحتلا الوضع في المانيا مو سهل بالنسبة الى ايجاد الشغل في وقت الحاضر؟
ـ ديجون اهوايا عراقين من الدول الاوربية اللي اقتصادها متدهور الى المانيا
او الشي اللي ديقومون بيه هو فتح محلات تجارية مثل تصليح الموبيالات او
بيع المواد الغذائية او مطاعم للاكلات الشرقية وغيرها ذلك؟
ـ او اغلبهم عدهم رؤوس اموال او داساعدهم او العشا خباز او بعضهم
افلسو او سدو محلاتهم؟
ـ او بالنسبة الى العمل في المصانع او غير ذلك يتطلب اللغة الالمانية الجيدة
او عدنا عراقيين بالرغم من حاصلين على الجنسية الالمانية بس مايتقنون اللغة الالمانية او اغلبهم عايشين على مساعدات الدولة؟
يعني بالعربي الفصيح الشغل للالمان موسهل او للاجانب صعب في الوقت الحاضر؟
ـ بس بالرغم من هذا انه الاخ ستار الايطالي عزيز علينا او احجيت ويا بعض الاصدقاء
العراقيين بغير مدن او داشوف اذا اكو أمل بلكي نلكيلا حل لمشكلته
بأذن الله او بهذي الايام عطلة اعياد او في المانيا اغلبهم امعزلين الى بداية السنة الجديدة؟
من فضل الاخ العزيز أبو ديانا الطيب وعنايته الممكنه لطفاً ....
على عبني او راسي اذا جان بيدى شي اكدر ان اقدمه الى الاخ ستوري بس
بالوقت الحاضر طائر الخيط والعصفور من ايدي اوانشاء الله احاول ان الكي
حل مناسب الى او اني بالخدمة؟
ـ ارجو من الذين يقدمون الاقتراحات ان يكونون اشويا اكثر جدية بتقديم نصائيحهم
اذا ما ساكنين بالبلد او مايعرفون اوضاعه لانه على كولت المثل...
....اهل مكة ادرى بامرها من غيرهم.......؟
تقبلو تحياتي
جوسي البغدادي المانيا

[★★★ AIRBORNE ★★★]

شكراً عزيزي الاخ ....★★★ AIRBORNE ★★★
رفع الموضوع للمساعدة>>>
على شعورك الطيب  ورفع الموضوع للاخ ستار الايطالي؟
بما أنه الاخ ستار في المانيا حالياً.

حبيبي واخوية وتاج راسي ابو ديانا الورد تحياتي لحظرتك وتقبل كل احترامي وتقديري لجهودك الاستثنائيه المبذولة في مساعده اهلك وناسك كل الود والاحترام وشاكر شخصك الكريم ووقتك الثمين اتمنى كل الخير والتوفيق لاخونا ستار ولكل باقي الاعزاء المغتربين في داخل وطنهم وخارجه وكان الرب عوناً للجميع
كل التقدير والاحترام
ـ اخينا او تاج راسنا ستار الايطالي عاى اتصال دائماً ويايا؟
وقبل ان يوصل الى المانيا اتصل بيا او سألني اكو مجال في المانيا,
او وضحتلا الوضع في المانيا مو سهل بالنسبة الى ايجاد الشغل في وقت الحاضر؟
ـ ديجون اهوايا عراقين من الدول الاوربية اللي اقتصادها متدهور الى المانيا
او الشي اللي ديقومون بيه هو فتح محلات تجارية مثل تصليح الموبيالات او
بيع المواد الغذائية او مطاعم للاكلات الشرقية وغيرها ذلك؟
ـ او اغلبهم عدهم رؤوس اموال او داساعدهم او العشا خباز او بعضهم
افلسو او سدو محلاتهم؟
ـ او بالنسبة الى العمل في المصانع او غير ذلك يتطلب اللغة الالمانية الجيدة
او عدنا عراقيين بالرغم من حاصلين على الجنسية الالمانية بس مايتقنون اللغة الالمانية او اغلبهم عايشين على مساعدات الدولة؟
يعني بالعربي الفصيح الشغل للالمان موسهل او للاجانب صعب في الوقت الحاضر؟
ـ بس بالرغم من هذا انه الاخ ستار الايطالي عزيز علينا او احجيت ويا بعض الاصدقاء
العراقيين بغير مدن او داشوف اذا اكو أمل بلكي نلكيلا حل لمشكلته
بأذن الله او بهذي الايام عطلة اعياد او في المانيا اغلبهم امعزلين الى بداية السنة الجديدة؟
من فضل الاخ العزيز أبو ديانا الطيب وعنايته الممكنه لطفاً ....
على عبني او راسي اذا جان بيدى شي اكدر ان اقدمه الى الاخ ستوري بس
بالوقت الحاضر طائر الخيط والعصفور من ايدي اوانشاء الله احاول ان الكي
حل مناسب الى او اني بالخدمة؟
ـ ارجو من الذين يقدمون الاقتراحات ان يكونون اشويا اكثر جدية بتقديم نصائيحهم
اذا ما ساكنين بالبلد او مايعرفون اوضاعه لانه على كولت المثل...
....اهل مكة ادرى بامرها من غيرهم.......؟
تقبلو تحياتي
جوسي البغدادي المانيا

[sattar italya]

الاخ العزيز AIRBORNE  شكرا لك على اهتمامك وهذا دليل طيبتك وكرم اخلاقك وبالنسبة للاخ العزيز ابو دينا فالرجال معروف بطيبته وحبه لعمل الخير  رغم  ما جرى له من نكبات بسبب حبه للمساعدة والرجل ابدا ما مقصر معاي وباقين على تواصل مستمر , الله يجزيكم كل خير ولا يحرمني من وجودكم يا طيبين والنعم منكم

[alibrazil]

ايطاليا يابة العالم تتمنا توصل لايطاليا شواطئها الاثار المعمارية الجميلة
التطور العمراني والثقافي و العلمي اذا تمرضت تتعالج باحسن مستشفيات العالم وهي ايطاليا
روما من اجمل اربع عواصم بالعالم بعد لندن وباريس و فيينا
بعد شتريد تقدر تروح لاروبا شوكت متريد
تروح تشوف مباريات الدوري الاسباني وتحجز تذكرتك لاي مباراة اذا كنت من عشاق البرسا او من عشاق النادي الملكي
ها عندك الدوري الايطالي نابولي يوفنتوس و ميلان ايسي والانتر
مدينة ميلانوا وما ادراك بميلانو تسمى لؤلؤة الشمال الايطالي
جزيرة صقلية مركز السياحة في ايطاليا
منتخب ايطاليا بطل كاس العالم اربع مرات يعني انت يصير عندك منتخب قوي تشجعه مو مثل منتخب العراق مستواه صفر
ايطاليا هناك العديد من الكلام
بلد دافنشي
الحضارة الرومانية
عندك بحر متوسط تروح تشوف البحر
خوما مثل العراق عدنة عشرة كيلو بالخليج
اقتصاد قوي
سيارات فيات ايطالية
شواطئ ايطاليا الاجمل
غاباتها
طبيعتها
تقدر تروح تزور البابا في اي وقت اقصد الفاتيكان وتحصل على البركة
ايطاليا لها حدود مع سويسرا و فرنسا
عندك مدينة فينيسيا اجمل المدن بالعالم

[عبدالله المسافر]

اخي alibrazil ايطاليا بلد جميل وسياحي ولكن بلد فقير والحكومة الايطالية عاجزة عن تقديم المساعدات للاجئين
مثال ماحصل مع الاخ على الاقل يساعدوه في ايجاد عمل او سكن حتى يمشي اموره واذا وجد عمل هناك اموره تمشي
لايخفى ان الجواز الايطالي ثالث اقوى جواز بالعالم حيث يسمح بدخول 171 بدون تاشيرة او تاشيرة مباشرة على الحدود
بس سؤالي للاخ اللي بقى سنة بايطاليا اخوي بقيت سنة ماتعلمت اللغة الايطالية؟؟لان اللغة هي مفتاح النجاح

[sattar italya]

ايطاليا يابة العالم تتمنا توصل لايطاليا شواطئها الاثار المعمارية الجميلة
التطور العمراني والثقافي و العلمي اذا تمرضت تتعالج باحسن مستشفيات العالم وهي ايطاليا
روما من اجمل اربع عواصم بالعالم بعد لندن وباريس و فيينا
بعد شتريد تقدر تروح لاروبا شوكت متريد
تروح تشوف مباريات الدوري الاسباني وتحجز تذكرتك لاي مباراة اذا كنت من عشاق البرسا او من عشاق النادي الملكي
ها عندك الدوري الايطالي نابولي يوفنتوس و ميلان ايسي والانتر
مدينة ميلانوا وما ادراك بميلانو تسمى لؤلؤة الشمال الايطالي
جزيرة صقلية مركز السياحة في ايطاليا
منتخب ايطاليا بطل كاس العالم اربع مرات يعني انت يصير عندك منتخب قوي تشجعه مو مثل منتخب العراق مستواه صفر
ايطاليا هناك العديد من الكلام
بلد دافنشي
الحضارة الرومانية
عندك بحر متوسط تروح تشوف البحر
خوما مثل العراق عدنة عشرة كيلو بالخليج
اقتصاد قوي
سيارات فيات ايطالية
شواطئ ايطاليا الاجمل
غاباتها
طبيعتها
تقدر تروح تزور البابا في اي وقت اقصد الفاتيكان وتحصل على البركة
ايطاليا لها حدود مع سويسرا و فرنسا
عندك مدينة فينيسيا اجمل المدن بالعالم

عزيزي alibrazil هذا كلامك للي يجي سياحة هنا مو للي يريد يعيش ويستقر اذا واحد ما عنده بيت يسكن بيه ولا شغل يعيش منه بعد يا نابولي يا يا ميلان يا فاتيكان  وبعدين يا اقتصاد قوي تحجي عليه عمي الناس ميته من الجوع بايطاليا هل تعلم ان العام الماضي فقط اكثر من 50 الف ايطالي هاجرو الى دول اخرى للبحث عن عمل لان تعبو في ايطاليا حبي كلامك للسياحة وللي عدهم فلوس خلي يجون يتونسون

[sattar italya]

اخي alibrazil ايطاليا بلد جميل وسياحي ولكن بلد فقير والحكومة الايطالية عاجزة عن تقديم المساعدات للاجئين
مثال ماحصل مع الاخ على الاقل يساعدوه في ايجاد عمل او سكن حتى يمشي اموره واذا وجد عمل هناك اموره تمشي
لايخفى ان الجواز الايطالي ثالث اقوى جواز بالعالم حيث يسمح بدخول 171 بدون تاشيرة او تاشيرة مباشرة على الحدود
بس سؤالي للاخ اللي بقى سنة بايطاليا اخوي بقيت سنة ماتعلمت اللغة الايطالية؟؟لان اللغة هي مفتاح النجاح

لا والله خوية ما تعلمت اللغة لان الي شفته من قهر بايطاليا ووضعي النفسي السيء ما خلاني اقدر اتعلم واصلا همه ما دخلوني مدرسة حبيبي الوضع في ايطاليا اسوء مما تتصورون اما عن الجواز الايطالي فكلامك صحيح لكن هذا الجواز للمواطن الايطالي وليس للاجئ تعرف انطوني جواز والله حتى اخجل اخلي احد يشوفه تصدك مكتوب بخط اليد والصورة لصق بالصمغ ههههههههههههه

[عبدالله المسافر]

اخوي لو متعلم اللغة كان بهواي احسن لك لان قضيت مدة طويلة لكن مو مشكلة انت طلعت بعد
بخصوص الجواز ماجاي اتصور شلون اطوك هيج جواز؟ صورة بالصمغ وخط يد!!!هاي شكد تعبانين
شلون طلعت على ايطاليا من باب الفضول وليش قدمت لجوء هناك؟

[marwan iraq]

اخوان ايطاليا هي الحقيقة المغيبة حيث ان كثير من الناس يسمعون بايطاليا فيتوقع بلد السحر وااجمال ووو الخ . لكن في الحقيقة لا يوجد عمل لا يوجد سكن لا توجد ابسط مقومات الحياة التي يجب ان تتوفر في اي بلد في العالم . يا اخوان اني عايش في ايطاليا في العاصمة روما ولغتي الايطالية لا بأس بها ولكن البلد لا يساعد الاجانب ويكرهون الاجانب . يا اخي انا هنا في ايطاليا رأيت الكثير من الامور الغريبة والعجيبة بنفس الوقت . يعني ابن البلد كاعد يشحت بالشارع هل تصدق أو لا .  وهي بلد معروفة بالعصابات والمافيات وهي تتجول في الشوارع وبالاسلحة واحيانا ينفذون عمليات مسلحة دون حسيب أو رقيب . لكن الاعلام لا يظهر اي شئ من هذا الكلام .

[marwan iraq]

هههههه . نعم اخ عبد الله الجواز الايطالي مكتوب بخط اليد ( قلم جاف ) والصورة كبس . ولذلك يعتبر من اغلى الجوازات لسهولة تزويره .

[عبدالله المسافر]

من سمعت قصة الجواز عرفت تعبانه لابعد الحدود يعني حتى ماكو احترام للاجئ للاسف من يعطوه جواز مكتوب بخط اليد والصورة بالصمغ لعد الجواز العراقي افضل منه هههههه واني عندي تجربة بايطاليا وصارت امامي عملية نصب
بمنتهى الاحترافية حيث يكثر النصابين هناك.... اما محطة ميلانو فحدث ولاحرج مكان نصب واحتيال بامتياز ....