السلام عليكم اخوتي الاعزاء جميعا وكل عام وانتو بألف خير ويعودة عليكم بالامن والامان والصحة والسلامة. بس حبيت أستفسر من أهل الخبرة أني تقديم 2011 بغداد ومن قبل سنة بس تحرك ملفي وقابلت المقابلة الاولى ببغداد بشهر السابع وطلعلي ايفاد من الدولة لآكمال دراسات عليا ماجستير لمصر لسنتين وفعلا وصلت لمصر وصارلي سنة بيهة وكانت زوجتي حامل ولحد نهاية شهر 8 جان موقف ملفي بهالصورة:
Case Status (حالة الملف): ACTIVE (فعال)
Case Size (عدد الأفراد): x
Prescreen Interview Status (المقابلة الاولية): COMPLETED (مكتمل)
USCIS Interview Status (مقابلة المحلفين): COMPLETED (مكتمل)
Medical Screening (الفحص الطبي): COMPLETED (مكتمل)
Security Review (التشييك الامني): COMPLETED (مكتمل)
Travel Status (حالة السفر): NO ACTIVITY (غير فعال)
Destination City(المدينة): نازلة
Airport Code(المطار): نازلة
ثم بعد ولادة زوجتي والحمد لله وأرسالي للمستمسكات مال الطفل الجديد لاضافته مثل بيان الولادة والجنسية والجواز اللي سويتهن بشكل ركضة طويريج يعني عالسريع عالسريع تحول ملفي من فعال الى HOLD وتحولت خانة التجييك الامني الى بالانتظار PENDING ببداية شهر العاشر ولحد هسة ماكو شي بس دزولي رسالة يكولولي بيهة انهم راح يتصلون بية اذا يحتاجون بعد مستمسكات للطفل ويكولون ان مستمسكات الطفل وصلتهم. السؤال هو شوكت راح يدزون علينة علمود الطفل وهل راح يعيدون مقابلتنه كلنة أمنيا علما انو اني استلمت رسالة القبول منهم والتجييك الامني مالتي كمل بشهر الثامن تحول فعال يعني وصل وتمام كان فأرجو ممن لديه الخبرة والمعرفة انو يفيدنا افادكم الله واشكركم مقدما اخوتي.
