احتاريت مع المنظمه ...

[atheer jbaar]

السلام عليكم ورحمة الله

شلونكم اخوتي ان شاء الله تكونو في تمام الصحه والعافيه ...

اخواني بصراحه اني انشلع قلبي مع منظمة ( IOM ) لان قبل حوالي شهر اعدت الفحص الطبي ... والمدينه والمطار نازله صارلها 6 اشهر ومتصلين ع الكفيل ... 
والامنيه انتظار والسفر غير فعال ..... 

اخواني بصراحه اني نويت حتى بعد ما اسافر  ... لان اني شاب واريد اتزوج واني اعرف اذا تزوجت حتصير عرقله بالملف ( يعني امأخر حياتي اني بسبب المنظمه ولا اعرف متى السفر وهل يوجد سفر ام لا !! ) .... 

فشتنصحوني رحمه لاهلكم اتزوج انتظر السفر لو شنو لان والله احتاريت  ... ياريت نصيحه من اخواني  ....

تحياتي الكم

[Ur akkad]

اخي استخير الله تعالى اول شي وبرايي لا تضيع فرصة السفر حتى ما تندم العمر كلة لانها متتكرر والمستقبل امامك بما انه انت شاب وبالنسبة للبنت فممكن اذا تاخذ الكرين كارت ترجع تتزوج وتكمل المعاملات والله اعلم بس برأيي فرصة السفر لاتكرر وملايين غيرك منتظرين السفر انت اصبر شوية والصبر مفتاح الفرج

[ابو الامراء]

اخي العزيز انتظر اكتمال الامنيه وسافر ومن يأخذ الكرين كارت ارجع وتزوج لان ابن عمي نزلت المدينه والمطار والامنيه بالانتظار ثم بعد فتره قصيره تحولت الى مكتمل وبعد اسبوع حددوله السفر .....ملاحظه اذا تزوجت الان سوف تعيد المقابلات الاولى والثانيه والفحوصات  والامنيه للطرفين يعني تبدأ من جديد 2 سنه واذا كنت في العراق الان ماكو مقابلات فأخذ ليل وجر عتابه وراح تتندم كثيرا فتوكل على اله واصبر

[iraqforme]

رأيي من رأي الاخ ابو الامراء .. اصبر لأن اذا أقدمت على الزواج رح تعيد كلشي من اول وجديد . نصيحة الك اخي اصبر لأن ماضل ألا القليل جداً بعون الله .

[حسين الجبوري]

الاخ العزيز
يبدو ان ملفك في مراحل متقدمه ولاتضيع تلك الفرصه بمرور الوقت سوف يمر ملفك وبعدها يمكنك ان تتزوج وانت شاب والطريق امامك طويل فلا تتعجل الهجره الى امريكا هيه طريق للاستقرار فعندها يمكنك ان تحقق ما تصبو اليه

[rock106]

اعمل بنصيحه اخوانك الذين نصحوك كلامهم من ذهب