السلام عليكم ورحمة الله وبركاته اليوم راح اكتب معلومات حول كيفية تسجيل الاطفال بالمدارس في محافظة سامسون للعلم اني سجلت اولادي في الصف الاول والثاني الابتدائي وراح انطيكم الخطوات اللي سويتها:
1- الذهاب الى المدرسة المعنية في منطقتكم(يعني اذا كان الطفل ابتدائية او متوسطة او اعدادية) والغرض من الذهاب هو لمعرفة اسم المدرسة بالمضبوط وتكتبها بورقه وتذهب بعدها لدائرة الوالي.
2- دائرة الوالي هي البناية الكبيرة لونها احمر قرب محطة المترو (جمهورية ميدان) المهم تدخل للدائرة (طبعا اكو جهاز سونار تفتيش تضع موبايلك واي حقيبة او كيس غلى الكاونتر) وتعبر عن طريق جهاز التفتيش وتذهب مباشرةا الى المصعد الطابق الثالث .
3- في الطابق الثالث يوجد مكتب خاص بالمراجعين الاجانب وعليه ورقه مكتوبة باللغة العربية والايرانية والموظفين (وعددهم 2) يتحدثون العربية راح يأخذون نسخة من جواز الطفل ونسخة من ورقة اليو ان وعنوان السكن ورق هاتف ولي الامر.
4- راح ينطوك موعد اختبار للطفل وعادة يكون في مدرسة المفتي اللي مكانها قرب الامنيات الكبيرة وطبعا الاختبار هو شي روتيني فقط وبعدها ينطوكم موعد استلام النتيجة من دائرة الوالي او من نفس مدرسة الاختبار.
5- النتيجة هي عبارة عن كتاب رسمي من تربية سامسون الى المدرسة في منطقتكم وبيها معلومات الطفل ومخصص بيها المرحلة الدراسية ولكن مكتوب بالكتاب انه هذا الطفل يبقى مستمع لحين صدور تعليمات جديدة.
اني اولادي صارلهم من ثلاثة اشهر بالمدرسة الصف الاول نهائيا مابي اي مشكلة من ناحية اللغة بس الثاني اشوية اشوية يتعلم وحاليا احسن يعني يفهم الكلام ويقرأ الكلمات لكن بدون فهم جميع المعاني .
المدارس بسامسون واتوقع كل تركيا نفس السيستم نظيفة ويوجد اهتمام كبير بالطفل من جميع النواحي وماكو اي مبالغ تدفعها يعني مجانا.
اتمنى من الذين لديهم اي معلومات اضافية ايشاركنا لفائدة الجميع.
