ܒܫܸܡܵܐ ܕܬܠܝܼܬܼܵܝܘܼܬܼܵܐ ܩܲܕܝܼܫܬܵܐ
ܚܲܒܼܪܝܼ ܘܪܲܚܡܝܼ ܝܲܕܝܼܕܵܐ ܟܵܬܼܘܿܒܼܵܐ ܡܲܗܝܼܪܵܐ ܩܲܫܘܿ ܐܸܒܼܪܵܗܸܡ
ܫܠܵܡܝܼ ܘܫܲܦܝܼܪ ܐܝܼܩܵܪܝܼ
ܗܵܘܸܬ ܪܵܒܵܐ ܒܲܣܝܼܡܵܐ ܩܵܐ ܐܲܢܹ̈ܐ ܡܸܠܠܹ̈ܐ ܕܐܝܼܩܵܪܵܐ ܘܚܸܩܪܵܐ ܕܟܬܝܼܒܼܝܼܠܘܼܟܼ ܒܘܼܕ ܕܝܝܼ ܐܲܝܵܐ ܝܼܠܵܗܿ ܡܼܢ ܛܵܒܼܘܼܬܼܘܼܟܼ ܘܕܘܼܒܵܪܘܼܟܼ ܛܲܪ̈ܩܹܐ ܘܪܓܼܫܘܼܟܼ ܐ̄ܢܵܫܵܝܵܐ ܫܦܝܼܟܼܵܐ ܡܼܢ ܚܘܼܒܵܐ ܘܥܲܡܠܵܐ ܒܲܪܢܵܫܵܢܵܐ ܛܵܒܼܵܐ ܘܟܹܐܢܵܐ ،ܘܐܲܝܵܐ ܕܝܼܠܲܬܐܵ ܝܼܠܵܗܿ ܐ̄ܬܝܼܬܵܐ ܡܼܢ ܥܘܼܡܩܵܐ ܐ̄ܢܵܫܵܝܵܐ ܛܵܒܼܵܐ ܕܐܝܼܬ ܓܵܘܘܼܟܼ ܘܡܼܢ ܟܬܲܒܼܝܵܬܼܘܼܟܼ ܟܹܐ ܐܲܬܝܵܐ ܦܲܪܨܘܿܦܵܝܼܘܼܬܘܼܟܼ ܛܲܒܼܬܵܐ ܠܡܲܒܝܼܘܼܢܹܗ ܘܡܓܲܫܡܘܿܢܹ̈ܐ .
ܐܲܠܵܗܵܐ ܕܵܒܼܘܿܩ ܒܐܝܼܕܘܼܟܼ ܘܗܵܘܹܐ ܥܲܡܘܼܟܼ ܒܟܠ ܦܵܣܘܼܥܝܵܬܵܐ ܕܚܲܝܘܼܟܼ ܘܠܕܐܵܗܵܐ ܟܸܟܪܵܐ ܘܡܲܗܲܒܼܬܵܐ ܛܘܿܠܝܼܩܬܵܐ ܕܟܸܬܲܒܼܬܵܐ ܕܐܝܼܬܠܘܼܟ݂ ܒܵܥܘܼܬܝܼ ܝܼܠܵܗܿ ܕܗܲܡܵܫܵܐ ܗܵܘܸܬ ܠܩܲܕ̄ܡܵܐ ܘܡܲܩܪܸܒܼܬܸ ܐܲܢܹ̈ܐ ܦܹܐܪܹܐ ܛܵܒܼܹܐ ܒܠܸܫܵܢܵܐ ܚܲܠܝܵܐ .
ܚܲܒܼܪܝܼ ܡܘܼܚܸܒܵܐ ܘܒܲܗܪܵܐ ܕܥܲܝܢܝܼ̈ ܡܲܚܫܲܚܬܝܼ ܝܼܠܵܗܿ ܩܵܬܘܼܟܼ ܩܲܕ ܓ̰ܲܡܥܸܬ ܟܠ ܟܸܬܲܒܼܝܵܬܘܼܟܼ ܫܲܡܝܼܢܹ̈ܐ ܘܡܵܪܝ ܝܘܼܬܪܵܢܵܐ ܓܵܘ ܚܲܕ̄ ܟܬܵܒܼܵܐ ܩܲܕ ܡܝܲܬܸܪ ܒܹܝܬܼ ܐܲܪܟܲܢ ܐܵܫܘܿܪܲܝܬܵܐ ܒܚܕܵܐ ܡܲܪܓܵܢܝܼܬܵܐ ܫܲܡܝܼܢܬܵܐ ܘܡܵܪܝ ܚܸܩܪܵܐ ܕܠܵܐ ܣܵܟܼܵܐ.
ܘܐܵܢܵܐ ܠܝܼܬܠܝܼ ܐܸܠܵܐ ܕܐܲܡܪܢܘܼܟܼ ܚܲܝܵܐ ܓܵܢܘܼܟܼ ܝܵܐ ܛܵܒܼܵܐ ܘܛܲܪܩܵܐ ܘܟܲܫܝܼܪܵܐ ܗܵܘܸܬ ܒܣܲܝܡܵܐ ܒܵܪܟܼ ܡܵܪܝ.
ܚܲܒܼܪܘܼܟ ܓܵܘ ܚܘܼܒܵܐ ܕܐܘܼܡܬܵܐ ܐܵܫܘܿܪܝܬܵܐ
ܒܲܕܪܵܢ ܥܘܼܡܪܵܝܵܐ.