المربع السابع

[alibrazil]

اعتقد اسم الموضوع باين
الرفض على الخانة رقم سبعة
وياريت لكل من له خبرة بالافادة
شنو يعني هالشي
وشكرا

[Sound of Soul]

بالنسبة للي كانو بتركيا كان يُحتسب رفض امني
لكن بالعراق الملاحظ انه اكثرهم لو مو كلهم يجيهم رفض ع الفقرة 7
 فما اعرف لو تختلف بغير دول .
بالتوفيق .

[alibrazil]

اني بالعراق العظيم
فما اعرف شنو يعني المربع السابع
هل هي اسباب اخرى
ممكن تساعديني اختي ساوند

[تفرج]

اخوية اسباب اخرى يقدرهة المحلف الي اطلع على ملفك ، بس بالايميل الي دزوا الــ IOM اذا تقرا كاتبين اسباب امنية بس بلمرفقات ماشرين السابع بس ممكتوب امني يعني شغلة تحير وبعد مندري شنو الله كريم سوي الاستئناف والله يسهل

[iraqforme]

حبيبي انت  المربع السابع او اسباب اخرى هو مجموعة اسباب يشتمل على ضعف المسبب الرئيسي لطلب اللجوء الى بلد اخر وايضا من ضمنها السبب الامني اضافة الى اسباب اخرى غيرها. يعني بلعاميه ( حاطلك مجموعة اسباب وكايلك انت واحد من ذولة الاسباب !!! ) وهذا الشئ متعمد لتقليص الاستئنافات  لأن بهذا المربع تتضائل امكانية عمل الاستئناف من قبل المنظمات او المحامين او حتى من قبلكم. والهدف يصب بالنهاية في تقليص اعداد الوافدين الى امريكا وبالعاميه حطلك شي صعب حتى يدوخك وبالتالي تخلص المدة وانت ممستئنف ) وحسبي الله ونعم الوكيل عليهم

[hoodoo]

IRAQFORME كلامك صحيح رادو يقلصون الاعداد المهاجرين واحنا المرفوضين الغير محظوظين وكعنا بيها

[alibrazil]

حبيبي انت  المربع السابع او اسباب اخرى هو مجموعة اسباب يشتمل على ضعف المسبب الرئيسي لطلب اللجوء الى بلد اخر وايضا من ضمنها السبب الامني اضافة الى اسباب اخرى غيرها. يعني بلعاميه ( حاطلك مجموعة اسباب وكايلك انت واحد من ذولة الاسباب !!! ) وهذا الشئ متعمد لتقليص الاستئنافات  لأن بهذا المربع تتضائل امكانية عمل الاستئناف من قبل المنظمات او المحامين او حتى من قبلكم. والهدف يصب بالنهاية في تقليص اعداد الوافدين الى امريكا وبالعاميه حطلك شي صعب حتى يدوخك وبالتالي تخلص المدة وانت ممستئنف ) وحسبي الله ونعم الوكيل عليهم

شكرا عالرد اخي العزيز
ماقول غير حسبي الله ونعم الوكيل
الله لايطي كل من كان السبب
العراق العظيم بلد محطم جدا ومابيه منطقة امنة
كل العراق الان مستهدف من جماعات الارهابية