طبعا احب اشكر الجميع على المشاعر الطيبة وان شاء الله السفر للجميع
رحلتنا كانت مسائية من بغداد-عمان-نيويورك- هيوستن- دالاس
اربع طيارات وماخذين عشر جنط ، بهذله واطفال وشيل وحط 3- ايام
ماراح اذكر تفاصيل الرحلة ولكن النقاط المهمة فقط
1- في مطار بغداد محد سألنه شكد ماخذين فلوس او شكد شايلين ذهب
2- اوزان الجنط المفروض 23 كيلو وكانت عندي كم جنطه اكثر من الوزن المقرر بكيلويين ، اثنين عراقيين حقراء خلوني افرغ منها واذب الملابس ، كتله موقليل الفرق كال دا اتشوف هذا الكوم ذب حالك حال البقية ( حتى ياخذوهن طبعا وفوكاها عود يعني ماخلوني افرغ هوايه منهن انطيتهم 20الف )
3- مطار عمان نظيف جدا وحتى انظف من مطار نييورك واجمل.
4- طائرة عمان -نييورك جدا مريحة واكل وجبتين ووجبتين مشروبات وكرزات عموما الخدمة في هذه الطائرة احسن بمئة مرة من الرحلات الداخلية لامريكا
5- 4 ساعات بالطائرة من نييورك لهيوستن وماكو ولاوجبة غذاء
6- مطار هيوستن جان افضل بكثير من نيويورك
7- عربة الطفل مسموحة لكن قبل مانصعد بالطيارة ياخذوهه وينطونياهه اول ماتنزل الطيارة.
8- الجنط تنشحن من بغداد لكن تستلمها اول ماتوصل باول مطار في امريكا واخذناها ويانه للفندق
9- ورجعنا شحناهن واستلمناهن بدالاس
10- رحلتنا كانت يوم الاثنين مسائية من بغداد لكن نمنا بفندق مطار عمان وطائرتنا لنيويورك كانت بالساعة الواحدة ظهرا ،فاجوي جماعة الطائرة الصباحية من بغداد ليوم الثلاثاء مباشرة ويانه صعدوا بدون مايرتاحون وكنا احنا شويه مرتاحين احسن منهم ولكن بالنتيجة ألتأخير بالوصول بالنسبة النا اكثر
11- طبعا فندق مطار عمان كان نظيف وجيد
12- بتنا بموتيل في نييورك وكان سييء للغاية وجابولنا عشا تعبان (تمن فقط + قواطي سبرايت )ومامدينا ايدنا عليه.
13- طائرات الرحلات الداخلية لامريكا تعبانه ومابيها شاشات عرض وكراسي ضيقة.
تمنياتي للجميع بالموفقية
